Amani（和平） 係1991年Beyond去咗非洲肯雅，了解過難民援助嘅情況，黃家駒即刻寫嘅一首呼喚和平嘅歌，髙潮部分係當地話。當時佢哋唱咗呢首歌畀非洲嘅細路聽，之後呢首歌收喺Beyond第七張粵語專輯《猶豫》。
黃家駒死後，三個人嘅Beyond有請林夕將呢首歌填咗國語版歌詞，重新編曲之後收喺1998年嘅國語專輯《這裡那裡》入邊。
