鳩嗚
鳩嗚（粵拼：gau1 wu1）字面意思係解「亂咁嗌」[註 1]，2014年開始喺香港用來做普通話詞「購物」（漢語拼音：gòuwù）嘅粵語音譯，有嘲諷意味[1]。
典故
[編輯]2014年8月17號，香港保普選反佔中大聯盟搞8.17反佔中大遊行，有記者訪問參加者遊行目的，參加者用普通話答「購物」，訪問片喺網上廣泛流傳，啲網民將佢寫成「鳩嗚」嘲諷。
發展
[編輯]2014年9月底爆發雨遮革命，民眾佔領香港幾個地方嘅馬路，到11月底警方到旺角清場，特首梁振英跟住呼籲市民到旺角消費支持商舖，佔領民眾就諗到用「鳩嗚」名義逗留喺旺角嘅行人路週圍行，變相繼續佔領。
註
[編輯]- ↑ 詞語初現時，選字已定；雖然寫嘅係「鳩」，但係意義嚟自同音字「㞗」。
攷
[編輯]- ↑ 曾雪雯廖俊升 (2019-08-03)。〈【旺角遊行】鳩嗚團友歷清場、殺街、黑夜 見證遍地開花終成真〉。《香港01》 (香港中文)。喺2021-06-04搵到。