針山

針山
海拔	532米（1,745英尺）
位置	香港新界中部
座標	22°23′12.68″N 114°9′38.26″E
針山嘅位置

由城門水塘望向針山

針山（英文：Needle Hill），又叫尖山，係香港中部一山，響新界南部。佢山頂睇嚟幾尖，海拔532米高。佢北面有草山，南面係下城門水塘，西面係城門水塘。城門隧道響佢南邊穿過。「針草帽」係麥理浩徑第7段，三條大斜路，往往決定毅行者行唔行得成。

地質

針山山體由花崗岩構成。酸性岩漿喺白堊紀形時入侵地殼，喺城門河谷嘅西北面形成咗一個東北-西南走向嘅侵入體。岩漿冷卻後結晶成呈淡粉紅灰色、細粒同部份具斑狀岩嘅花崗岩。由於較圍岩抗蝕，經剝蝕後突起成為針山。山上嘅鎢礦同鉬礦隨之形成。

名

客家話中「尖」與「針」相似，所以又名為針山。