酥油茶

用碗裝著嘅酥油茶

酥油茶（粵拼：sou1 jau4 caa4，威利轉寫：ja-srub-ma, 藏文拼音：ཇ་སྲུབ་མ་，英文：Butter tea），又叫酥油奶茶，係藏人嘅特色居家茶品。酥油茶相信係世界第一樣係日常食嘅奶茶，西域同蒙古嘅奶茶都係由佢衍生嘅。呢種茶依家主要喺喜馬拉雅地區，印度次大陸等地盛行。

史

喺當地嘅色拉寺度存放嘅打茶棍

據話係喺唐代時，文成公主入藏，傳入咗茶葉，重創制埋奶茶嘅整法（另說係藏人自己創制嘅），奶茶就咁開始，成咗當地啲上流人士嘅日常飲食。而到咗宋元時，就傳咗呢種飲品去西域同蒙古。 而直到咗13世紀左右嘅薩迦王朝時代，酥油茶先至開始普及當地嘅社會，形成風俗。

風俗

藏人僧侶打咁酥油茶

喺扎什倫布寺度一位僧人倒咁酥油茶

依家當地飲酥油茶係成咗慣常，例如做嘢前啲藏人都會飲返啲酥油茶，同埋經常用來招呼人客。

根據藏人嘅習慣, 茶同油係要分開飲嘅（？）, 而且每次人客飲咗一啖，主人都會即時加滿返。所以人客碗茶就永遠係滿嘅。客係唔想一路飲嘅，做客時就唯有始終唔掂個碗，直到打算走啦就一次過飲完。咁樣做就尊重到啲風俗、唔會冒犯到東主。

1962年藏人飲酥油茶嘅場景

當地係當成主食，夾埋糌粑一起食用，有禦寒提神醒腦、生津止渴嘅作用。呢種奶茶係用酥油溝濃茶整嘅。酥油茶用嘅奶，係當地特有嘅氂牛（粵拼：mou4 ngau4）所產。由於磚茶係含好多鞣酸，會刺激腸胃快消化，所以先至夾埋酥油（Yak Butter）或牛奶。

工藝

整酥油茶前，需要將熟成嘅普洱磚茶用水煲開，整成茶湯後，再跟著落啲酥油（無水奶油）、牛奶、鹽等，放入細長嘅木桶度，人手用支攪棒出力咁攪打成乳濁液。另外仲有種方式，就係將酥油同茶等料，入嗮落皮袋，索著個口，再用木棒出力敲打。故而整茶嘅工序，就叫打酥油茶。藏人傳統係招呼啲客時候，就由啲女主人落手落腳咁「打茶」，會有啲嘥工夫，現代就可以用電動攪拌機去替代，餐廳就可以用新式嘅打茶罐或果汁機去整。

現代嘅影響

而有位美國人2004年過當地試過啲酥油茶，返咗美國後念念不忘，開始試製類似嘅飲品，由2012年始推出咗避彈咖啡（Bulletproof coffee）到市面。

睇埋

• 印度奶茶
• 絲襪奶茶
• 珍珠奶茶