還原論（粵音：waan4 jyun4 leon6 | 英文：reductionism）係知識論同科學哲學上有關「啲現象要點解釋」嘅一套諗頭。喺最基本上，如果話一個人信還原論，意思係指佢相信手上嘅現象可以齋靠對啲「更加簡單同基本」嘅現象嚟解釋（即係可以還原做更加簡單嘅現象），例如主張生命現象還原論嘅人，會主張生命嘅特性可以齋靠對組成生命嘅原子（生命嘅組成部份）嘅理解嚟解釋嗮。
