裝置藝術

裝置藝術一例

裝置藝術（英文：installation art）係一種場域特定（site-specific）嘅藝術形式，通常有時限性，整到睇作品嘅人會置身其中，睇作品嘅人同件作品互動，又或者件作品同現場環境互動，而所謂裝置係指喺現場擺或者裝置一啲嘢，以達致藝術表達嘅目的，呢啲嘢可以係個藝術家自己整，又或者係買或者執返來嘅嘢都得，但係成個擺設嘅格局一定要改變現場環境，唔係就唔算係裝置藝術。

而所謂場域特定，又或者叫 ｢在地｣，係指件作品點擺係按現場環境嘅實際情況而定，亦即係如果件作品要搬去第度展覧，啲嘢點擺位就要重新決定過。時限性係指件作品展完就要拆，拆咗就嵌唔返一樣樣。