蒙古斑

蒙古斑

蒙古斑，胎記一種，色藍藍灰灰，形無定，邊呈波浪紋。多數實齡三到五歲就消退，餘下青春期會消退，故此無需醫治。常見部位有尾椎、腰椎、臀、脇腹即腰側，以及肩。手、足、面唔係無，不過罕見。

一八八三年，德國人類學家，錯以為蒙古病人身上有而名。實情亞洲東、南、東南、北、中都常見，同樣大洋洲土人、美洲土人、部份非洲，都好常見。

究其原因，胚胎演變時，黑素細胞由神經脊移到表皮時，未能穿透表皮同真皮交界，困於真皮，故此黑色素睇上來藍藍灰灰咁。

蒙古斑同瘀傷似，有時會教人誤以為虐兒。