索引

索引sok3 jan5列出一本書嘅重要概念同嗰啲概念喺書嘅邊啲重要位置可以搵到，屬於結文，即係正式內容之後嘅部份；位置通常係指頁數，但係喺電子書或者網站等等冇固定頁數嘅媒體可以係超連結，又或者喺某啲書可能係章節號碼等等。整索引嘅目的係幫讀者喺正式內容入面搵資料，所以列出嘅概念一定係順住某種同原文唔同嘅次序，主要係字母順序^[1]^:7或者筆劃順序等等。

雖然索引會儘量用返本書嘅作者用過嘅字眼，但係正式嘅索引，列出來嘅並唔係字眼，而係概念，所以當一種概念可以用唔同嘅字眼表達，整索引嘅人會用｢見｣或者｢參見｣等等嘅字眼，幫讀者由概念嘅第啲叫法跳轉去第度，同樣理由，如果某個位置有提某個字眼，但係其實唔係講嗰個概念，索引通常唔會列出嗰個位置，又正因為做爾類嘅判斷唔係機械式而係要用腦恁，技術上索引係正式內容以外嘅一份獨立作品，整索引嘅人亦都算係獨立嘅作者^[1]^{:8, 11–13}。

雖然一般嘅文書處理器或者排版軟件⸺例如 Microsoft Word、Adobe InDesign 或者 LaTeX 等等⸺都有整索引嘅功能，但係專業做索引嘅人通常都唔會用爾啲，而係用一種專門用來整索引嘅軟件。喺英文圈比較常用嘅包括 Cindex、Macrex 等等^[2]。

不過，喺某嘅情況下，例如要做索引嘅係網站、電子書或者其他數碼文件等等，整索引的確係會要用到軟件嘅索引功能，或者用其他方法，將本來會直接寫喺索引嘅分類嵌入正式內容嘅源碼入面，爾種整索引嘅方法叫 embedded indexing（嵌入式索引）。

睇埋

攷

↑ ^1.0 ^1.1 Mulvany, Nancy C. (2005). Indexing Books (美國英文) (第2版). University of Chicago Press. ISBN 0-226-55276-4.
↑ "Indexing Software" (加拿大英文). Indexing Society of Canada. 喺2023年2月15號搵到.

[Mulvany_(2005)-1] 1.0 ^1.1 Mulvany, Nancy C. (2005). Indexing Books (美國英文) (第2版). University of Chicago Press. ISBN 0-226-55276-4.

[2] "Indexing Software" (加拿大英文). Indexing Society of Canada. 喺2023年2月15號搵到.

[1]

[2]