材料科學（英文：materials science）係研究材料同埋點樣改善材料嘅科學工程領域。
無論係建築物等嘅結構定係各種嘅機械都好，工程學上研究嗰啲物品都梗係要用某啲材料造嘅；同時，唔同材料嘅特性可以好唔同，例如對比木同鋼呢兩種材料，有研究嘗試用模擬地震，睇吓用木搭出嚟嘅結構同用鋼搭出嚟嘅結構對地震有幾強嘅抵抗力，發現木抵受地震嘅能力勁啲（用木搭出嚟嘅結構要用勁啲嘅模擬地震先至整得冧）[1]，所以有研究者主張喺有地震危險嘅地區（美國加州、紐西蘭同日本呀噉），建築物應該多啲用木嚟起[註 1][2]；材料科學研究嘅就係「唔同材料嘅特性有乜差異」，以及係「呢啲差異會點影響邊隻材料啱攞嚟做乜嘢用途」[3]。
 木查實可以好硬淨，但「容易著火」呢點喺好多應用（例如建築）當中都係個大缺點。 | 木查實可以好硬淨，但「容易著火」呢點喺好多應用（例如建築）當中都係個大缺點。 |
 鋼硬淨、唔易著火又冇乜毒性，
成日俾人攞嚟做建築材料。 | 鋼硬淨、唔易著火又冇乜毒性，
成日俾人攞嚟做建築材料。 |
|
材料化學係材料科學嘅一個子領域，專門研究材料嘅化學性質。
- ↑ 以上呢個係一個簡化咗嘅例子：實際上，木有分好多唔同種，每種木嘅性質都有啲唔同；同一道理，鋼都有分好多唔同種。
