材料力學

三種方向施力

材料力學分析材料強度，應用力學一門，物料構造負荷嗰陣，點壓點拉，會點變形，會點毁壞。專門字就話施力同力矩，物料就有應力同應變，涉及剛度同強度。構造變化多端，有樑有柱有通等等。同樣結構，唔同材料抵抗變形效果都唔同。有啲材料脆啲，有啲材料有延展性，都要考慮。知道材料點樣受力損壞，就知道結構預定負重之下，頂得順無，從而造得出安全構造。

施力可以兩邊喺同一條軸上面，咁軸上施力可兩邊拉扯，又或者兩邊壓住。喺唔同軸，就有橫向變形壓力。又或兩端拗，就會變彎變曲。又或柱兩邊相反方向扭，就會扭曲。