李宗吾

李宗吾（1879年2月3號—1943年9月28號）係晚清至中華民國時期學者同埋小說作者，四川富順自流井（今下四川自貢自流井）人。原名世全，入學之後改名世楷，字宗儒，意在宗法儒教，尊奉孔夫子。25歲思想大變，認為與其宗法孔孟之道，不如宗法自己，於是改名做宗吾。早年加入同盟會，長期從事教育工作，係四川大學教授，歷任中學校長、省議員、省長署教育廳副廳長同省督學等職。

李宗吾為人正直，為官清廉，佢個職位可以掠好多油水，但係佢離任時清貧潦倒。幾十年間，佢目睹人間冷暖，睇透宦海浮沉，憤而寫出《厚黑學》一書，以為「古之為英雄豪傑者，不過面厚心黑而已」，從此就以「厚黑教主」自號，而開創「厚黑學派」嘅一家之言，後來被譽為「影響中國文化嘅20大奇才怪傑」之一。

1943年9月28號死於中風。