朱玲玲
提示：呢篇文講嘅唔係朱凌凌。| 朱玲玲 | |
|---|---|
 | |
| 出生日 | 1958年9月7號、1958年  （66歲） |
| 出生地 | 曼德勒 |
| 國籍 | 緬甸 |
| 母校 | 香港國際學校、St. Teresa's School Kowloon、英皇佐治五世學校 |
| 職業 | 模特兒 |
| 配偶 | 霍震霆、羅康瑞 |
| 仔女 | 霍啟剛、霍啟山 |
[改維基數據] | |
朱玲玲（1958年9月7號—）係1977年嘅香港小姐冠軍，成為名人。選到冇幾耐就嫁入豪門，嫁畀名商人霍英東大仔霍震霆，2004年離婚。
朱玲玲近來多從事慈善活動，家下幫慧妍雅集同埋2008年緬甸風災災民搞慈善賑災活動。
屋企
[編輯]朱玲玲係緬甸出世嘅唐人，朱家祖藉廣東台山。朱玲玲嘅阿爸阿媽係緬甸華僑，九歲嗰陣，全家搬來香港定居。
婚姻
[編輯]霍震霆大朱玲玲 12 歲，結婚後朱玲玲生咗三個仔，大仔霍啟剛、二仔霍啟山同埋第三仔霍啟仁。早年朱玲玲淡出社交界，專心湊三個仔。到1990年，朱玲玲曾同埋佢家姐夾份，喺中環開咗間賣英國飾物嘅精品店，但係由於家族壓力要退股。2001年，朱玲玲搬出霍家大宅，正式分居。
2006年9月，朱玲玲個好友葉蒨文向傳媒披露，霍震霆同朱玲玲喺2004年離咗婚，而且早喺1997年分咗居。
近年，朱玲玲同商人羅康瑞傳緊緋聞[1]。收尾嚮2008年11月尾，佢哋嚮新加坡行婚拉埋天窗。霍震霆公開祝佢哋好運[2]。
事業
[編輯]佢中學喺香港國際學校畢業，之後英皇佐治五世學校讀預科。佢做過業餘模特兒，1977年參加香港小姐競選，得到冠軍同埋最上鏡小姐，係第一個一齊得兩個獎嘅參賽者。當選後只係娛樂圈發展咗好短時間，響無綫電視拍過一部電視劇《瑪麗關77》。
資料來源
[編輯]- 霍英東留不住香港小姐做媳婦 朱玲玲與霍震霆1997已分居
- 朱玲玲返港拔足狂奔 蘋果日報 2006年10月17日
- 淡泊名利熱心公益的雙料港姐朱玲玲
- 細數嫁入豪門的女星朱玲玲
- 壹本便利- 769 - 朱玲玲護殼之謎
睇埋
[編輯]
| 前任： 林良蕙 |
香港小姐冠軍 1977年 |
繼任： 陳文玉 |