奧義書

自在奧義書手抄本一版

奧義書，古印度經書一類，有成二百幾本，成書年代好散，斷估公元前七世紀到公元十五世紀。奧義書梵文為उपनिषद्，拼寫Upaniṣad，英文Upanishads，解為近坐，意謂坐近師旁傳授，即親傳祕傳之意。書主要為哲學思想，同早期印度教其他經典唔同，有時甚至會批評婆羅門一啲做法。

至古老五部，歌者奧義書、廣林奧義書、愛達羅氏奧義書、海螺氏奧義書、鷓鴣氏奧義書，視為印度教正典。古時好多哲學家，都興以奧義書為名，甚至同印度教無關。中古哲學家商羯羅，揀咗一百零七本，加上自己嗰一本，是為主要奧義書。但仍有好多未納入喺裏面，有啲後世發掘出殘卷。

奧義書當中重要地方，有探究梵同我，梵即宇宙，我即內在嘅自己，梵我如一為理想境界。另一種為輪迴，生生不息咁轉世，只有梵我如一，方能解脫。