太學

太學係中國、朝鮮半島、越南古代時嘅中央官學，係古代教育體系中入面嘅最高學府。

起源

周朝嗰陣已經有太學呢個名，當時嘅太學係指由中央設立嘅辟雍等大學。 《大戴禮記·保傅》：「帝入太學，承師問道」。

發展

中國

漢代開始「太學」呢個名詞成為咗中央喺京師學宮嘅正式名。太學係漢代之後嘅國學，同之前嘅國學唔同嘅係，佢確立咗儒學做正統學問。西漢就喺長安（今日嘅西安）設立太學，東漢、西晉就喺洛陽設立太學，東晉就喺建康（今南京）設立太學。喺晉代嗰陣，另外設立咗專畀公卿同大夫子弟學習嘅國子學，呢個就同太學分開，國子祭酒係統一掌領國子學同太學。南北朝之後，隋代就改做國子監，清末廢除科舉制度嗰時，國子監亦都跟住取消。

朝鮮半島

高句麗嗰陣開始有太學。新羅時就設立國學（學府），高麗設國子監，朝鮮王朝就設成均館。

越南

陳朝太宗建中八年（1232年）嗰陣，實行咗科舉制度，佢嘅執行方式係設立太學，由太學生參與考試，然後取得進士資格。黎太祖黎利登基之後就喺首都昇龍設立咗國子監。國子監制度一直實施去到阮朝，1919年阮朝舉辦咗最後一次嘅科舉考試，之後科舉廢除，國子監亦都跟住取消。