《國殤》原意係指戰國時期楚國嘅一首歌，畀屈原收錄喺《楚辭》嘅《九歌》入面，內容係追悼為國犧牲嘅人。後世亦將「國殤」引申成任何舉國哀悼嘅事。
1949年中國共產黨响第二次國共內戰入面打敗國民黨之後，喺中國大陸建立政權，取代中華民國嘅統治，而佢嘅正當性一直畀反對者質疑，所以反對者就將中華人民共和國嘅「國慶」形容做中國嘅「國殤」。
