伽利略導航系統

伽利略導航系統係一個由歐盟同埋歐洲太空總署開發緊嘅全球衞星導航系統，以意大利科學家伽利略命名，耗資超過五億歐元，係繼美國全球定位系統，蘇聯/俄羅斯古羅納斯定位系統同中國北斗衛星導航系統之後，第四個開放民用嘅全球衛星導航系統。由於美國、俄羅斯同中國嘅衛星導航系統，喺戰爭時期都會關閉民用功能，因此歐洲太空總署開發伽利略導航系統嘅目的，係要建立一套歐洲國家自己嘅高精度衛星定位及導航系統，以減低甚至擺脫對外國衛星導航系統嘅依賴。2014年2月由國際衛星搜救系統（International Cospas-Sarsat Programme）進行嘅一次測試顯示，伽利略衛星搜尋緊急求救訊號嘅能力令人滿意，95%嘅訊號嘅定位精確度只有直徑五公里嘅範圍，77%嘅訊號嘅定位精確度更加只有直徑兩公里嘅範圍。

2003年9月，中國宣布向伽利略導航系統注資兩億三千萬歐元（23億4千萬人民幣），成為第一個非歐洲用戶國。