伍家朗（英文：Angus Ng，1994年6月24號—）係香港羽毛球員，喺2015年香港羽毛球超級賽打低中國球手林丹而出名。
2021年，伍家朗參加2020年夏季奧林匹克運動會嘅男子羽毛球單打比賽，但因為佢得唔到贊助，亦未能申請到喺球衣加上香港區旗同區徽，只能响主辦方同埋裁判嘅批准下，着住自備同埋寫有中英文「中國香港」字樣嘅黑色波衫出賽。結果引起風波。
