Tâi-oân kiōng-sek

Tâi-oân kiōng-sek (台灣共識) sī chi̍t ê Tâi-oân ê chèng-tī bêng-sû, iû sî-jīm Bîn-chú Chìn-pō͘ Tóng chú-se̍k ê Chhòa Eng-bûn tī 2011 nî thê-chhut ê chèng-tī chú-tiuⁿ, chò-ûi i soán chóng-thóng ê chèng-kiàn chi-it. Bô chhái-ēng Má Eng-kiú chèng-hú chi-chhî ê kiú-jī kiōng-sek kap î-chhî hiān-chōng chò-ûi lióng-hōaⁿ ê ki-chhó͘, chú-tiuⁿ seng í bîn-chú thêng-sū hōe-chi̍p Tâi-oân kok chèng-tóng tùi Tâi-oân hái-kiap lióng-hōaⁿ koan-hē ê kiōng-sek, chiah lâi koat-tēng Tiong-hôa Bîn-kok chham Tiong-hôa Jîn-bîn Kiōng-hô-kok chi-kan ê tâm-phòaⁿ ki-chhó͘. M̄-koh chē-chē phêng-lūn-chiá jīn-ûi, Tâi-oân kiōng-sek sī iáu-bōe sêng-hêng ê siat-sióng, iáu-koh ài thó-lūn.