Kim ha̍p-kim (khí-kho)
Kim ha̍p-kim he̍k khe-kim tī khí-kho pī sú-iōng lâi chù-chō siu-ho̍k-thé, khí-lông, kio̍k-pō· kò·-tēng ké-chhùi-khí, kio̍k-pō· oa̍h-tōng ké-chhùi-khí téng-téng. Hâm n̂g-kim jú-chē ê khe-kim siong-tùi khah nńg khah jio̍k. Beh hù-ha̍p chò koh-iūⁿ siu-ho̍k-thé kap ké-chhùi-khí ê su-iàu, hoat-tián chhut koh-iūⁿ ê kim-ha̍p-kim.
Tī khí-kho sú-iōng ê kim ha̍p-kim sī kim-tâng ha̍p-kim. Tâng ē-sái cheng-ka kim-ha̍p-kim ê kiông-tō· kap tēng-tō·
Hun-lūi
[siu-kái | kái goân-sí-bé]Kin-kù ADA specification tē-5 tiâu, ē-sái kā kim ha̍p-kim hun-chò 4 lūi.
Tē-1 lūi kim-ha̍p-kim
[siu-kái | kái goân-sí-bé]Tē-1 lūi kim-ha̍p-kim hâm-kim-liōng 81% kàu 83%, in-ūi chin nńg, kan-taⁿ ēng tī siū-la̍t siāng-chió ê kham-thé (inlay), chhiūⁿ khí-hoāⁿ, lîn-chiap-bīn chia bô siū-la̍t ê só·-chāi, kap bó·-chi̍t-koá siū-la̍t chiâⁿ chió ê kā-ha̍p-bīn. I ē-sái tī chhùi-lāi ti̍t-chiap chhau-chok chò kham-thé.
Tē-2 lūi kim-ha̍p-kim
[siu-kái | kái goân-sí-bé]Tē-2 lūi kim-ha̍p-kim hâm-kim-liōng 76% kàu 78%, sek-ha̍p chò chù-chō kham-thé (casting inlay).
Tē-3 lūi kim-ha̍p-kim
[siu-kái | kái goân-sí-bé]Tē-3 lūi kim-ha̍p-kim hâm-kim 73% kàu 77%, sek-ha̍p chò khí-lông, sì-hun-chi-saⁿ khí-lông, thâu-chêng-khí kap āu-piah-khí ê kio̍k-pō· kò·-tēng ké-chhùi-khí.
Tē-4 lūi kim-ha̍p-kim
[siu-kái | kái goân-sí-bé]Tē-4 lūi kim-ha̍p-kim hâm-kim 71% kàu 74%, sek-ha̍p chò kio̍k-pō· oa̍h-tōng ké-chhùi-khí, kio̍k-pō· kò·-tēng ké-chhùi-khí, sì-hun-chi-saⁿ khí-lông, khí-lông.