Khu It-hoân

Khu It-hoân (邱一帆, Sì-koān-khiuⁿ Tâi-oân Kheh-pheng (客拼): Hiu^ˊ Id^ˋ Fam^ˇ, 1971 nî-), Tâi-oân lâm-sèng Kheh-ka si-jîn, Tī Miâu-le̍k-koān Lâm-chng-hiong (南庄-) chhut-sì, Sin-tek Su-choan (師專) pī-gia̍p, Sin-tek Kàu-io̍k Tāi-ha̍k Tâi-gí-só͘ Kheh-gí-chho sek-sū, hiān-jīm Miâu-li̍p Lâm-chng Kok-sió kàu-sū kiam chú-jīm, Kok-li̍p Tiong-iong Tāi-ha̍k Kheh-ka Gí-bûn Ū (與, kap) Sia-hoē Ko-ha̍k Ha̍k-hē Phok-sū-seng. Chhòng-chok bûn-thé í si (詩) ûi-chú, kut-la̍t siá Kheh-oē Hiān-tāi-si. I tī Kheh-oē si-chi̍p Iû-tâng-hoe Ē--ê (下个) Su-liām (Sì-koān-khiuⁿ Kheh-pheng: Iuˇ Tungˇ Faˊ Haˊ Ge Siiˊ Ngiam)--ê chū-sū (自序) kóng: "Chiâⁿ-choè Kheh-lâng, beh lâi siá kán-tōng jîn-sim--ê Kheh-ka-si".

Tit-chióng

Kheh-oē-sī bat ji̍p-soán: Miâu-le̍k-koān Bāng-hoe (夢花) Bûn-ha̍k-chióng, Lí Kang-khioh (李江卻) Tâi-gí-bûn Chhòng-chok-chióng, Tâi-oân Kheh-gí Lóng-tho̍k (朗讀) Bûn-chuⁿ Soán-chi̍p (Kàu-io̍k-pō͘), Thiⁿ.Kng - 228 Tâi-oân Pún-thó͘ Bó-gú Bûn-ha̍k-soán (Kok-li̍p Tâi-oân Bûn-ha̍k-koán), 2012 Si-kiâⁿ (詩行) - Tâi-oân Si-jîn Tāi-hoē Choan-chi̍p, 101 Nî Kheh-ka-gí Lóng-tho̍k Pí-sài Bûn-chiūⁿ, Tàu-tīn Siá Lán Ê Thó͘-tē -- Sàn-bûn-chi̍p (散文-), Kàu-io̍k-pō͘ Bân-Kheh-gí (閩客-) Bûn-ha̍k-chióng. Bat khó Pài-iâ (拜爺, ì-sù: pài-pài) tio̍h 1998 nî Kheh-Tâi-gí té-phiⁿ sió-soat pí-sài tē 3 miâ, chok-phín Sioh: Seng-oa̍h 3 Thiap (惜：生活三帖) tit Kàu-io̍k-pō͘ "97 Nî Ēng Lán Ê Bó-gí Siá Lán Ê Bûn-ha̍k Chhòng-chok-chióng" (Kheh-pheng: Iung Enˊ Deu Ge Muˊ Ngiˊ Siaˋ Enˊ Deu Ge Bunˇ Hog Congˋ Zogˋ Jiongˋ) Kheh-ka-gí sán-bûn lūi kàu-su-cho͘ tē 2 miâ. Eng Hoé-iām-thâng--ê Kùi-chiat (火焰蟲个-, Hóe-kim-ko͘--ê Kùi-chiat) tit 2008 nî Kheh-ka-gí sán-bûn lūi kàu-su-cho͘ tē 1 miâ. 2009 nî the̍h Pak-bí Kheh-ka Tâi-oân Gí-giân Bûn-hoà Ki-kim-hoē kap Choân-bí (-美) Tâi-oân Kheh-ka Bûn-hoà Ki-kim-hoē--ê "Kheh-ka Tâi-oân Bûn-hoà-chióng".

Tù-chok (著作)

Si-chi̍p, jû:
- Ū-iáⁿ
- Chhân-lê
- Iû-tâng-hoe Ē--ê Su-liām
- Soa-tō͘--ê àm-iā (山肚个-, Soa-lāi--ê Àm-mî)
Chok-kûn, Gú-giân, Bûn-ha̍k -- Kheh-gí Si-koa Bûn-ha̍k Lūn-chi̍p
Si-jîn, Gú-giân, Si-koa -- Kheh-che̍k (客籍) Chok-ka Ngô͘ Cho̍k-liû (吳濁流)--ê Si-koa Piáu-hiān Lūn-chi̍p (論集)

Goā-kháu liân-kiat

客籍詩人邱一帆新作行銷山城風情- 台灣客家電子報- PChome (Koaⁿ-oē)
台灣文學藝術獨立聯盟邱一帆的頁面 Archived 2014-05-13 at the Wayback Machine.(Koaⁿ-oē)(Kheh-oē)
Facebook - 邱一帆(Koaⁿ-oē)(Kheh-oē)