Kè-ta̍t-koan

Kè-ta̍t-koan (價值觀) sī chi̍t chióng chhú-lí tāi-chì phoàⁿ-toàn tio̍h-m̄-tio̍h, chò soán-te̍k sî chhú-siá ê piau-chún. Ū hó-chhù ê mi̍h-kiāⁿ chiah ū hit-ê kè-ta̍t. Tùi iú-ek kap iú-hāi ê sū-bu̍t phêng-phoàⁿ ê piau-chún chiū sī chi̍t ê lâng ê kè-ta̍t-koan.

Kè-ta̍t-koan iā ē-sái kóng sī chi̍t chióng àm-khàm tī siim-lāi ê chún-chîn, teh bīn-tùi soán-te̍k sî ê chi̍t hāng i-kì.

Kè-ta̍t-koan ē chí-ín chi̍t ê lâng khì chò bó͘ chi̍t-koá hêng-ûi; pí-lūn kóng "sêng-si̍t" ê kè-ta̍t-koan ē hō͘ lâng thán-sêng bīn-tùi khùn-kéng kap tùi pat-lâng soat-bêng tāi-chì ê chin-siòng, thê-seng pat-lâng tùi i ê sìn-jīm-tō͘. "Kì-lu̍t" ê kè-ta̍t-koan ē hō͘ lâng chiàu kui-tēng hêng-sū, sán-seng chip-hêng-le̍k. "Koan-hoâi" ê kè-ta̍t-koan ē hō͘ lâng koan-sim pat-lâng, liáu-kái pat-lâng ê khùn-kéng, tùi pat-lâng ū tông-lí-sim. Bô-kāng ê kè-ta̍t-koan ē sán-seng bô-kāng ê hêng-ûi bô͘-sek, chìn-jî sán-seng bô-kāng ê siā-hōe bûn-hoà. "Chū-ngó͘" ê kè-ta̍t-koan ē hō͘ lâng chū-ngó͘ tiong-sim.