Smerdiek
3.JPG)
Smerdiek (Nederlands: Sint-Maartensdijk) is een smalstad op eiland Tole mee 3.570 inweuners (2023). In de middeleêuwen was 't een bloeieden plekke. Ut durp is neabie an Schaerpenisse vastegroeid. Nae Tole is Smerdiek de groôste plekke van 't eiland. Smerdiek eit een aerdig bedrieventerrein.
Smerdiek eit aoltied een speciaole band 'ehad mee 't Oranje'uus. Koningin Beatrix is Vrouwe van Smerdiek. Nae de troônswisseling draegt Willem-Alexander de titel 'Eer van Smerdiek. In het monumentale raed'uus van Smerdiek, dat in 1628 mee financiële steun van prins Frederik Endrik is gebouwd, 'ange nog een antal 17e-eêuwse portretten van Oranjes. In dit pand, dat in 1979 is uutgebreid, was de zetel van de gemeênte Tole gevestigd tussen 1971 en 2005. Tot 1971 was Smerdiek een eihe gemeênte me een oppervlak van 21,86 km².
Smerdiek was op 30 april 1996 mee Berrehe gast'eer voo Koninginnedag.
Lied van Smerdiek
[bewerk | brontekst bewerken]- Tussen de Pluumpot in de Vierden Diek
- Dae lei ons durp zei mae Smerdiek
- Mee toren meules in pompe op de Mart
- Dae blienkt in 't Ouweland ons durp êêl apart
- Ons durp dat wier een smalstad dae bin d'r nie vee van
- Stadsrechten krege m'ók in mee de voordêêlen dae van
- We bin ze wir verloren dat is al afgedaen
- Dà dee gêên zêêr onz'stem zà daerom nooit verlore gaen
- Ons durp ei ok een waepen 't is spre-he-kend in koen
- Het is een aes die spriengt in 't rond in vrolijk in het groen
- Vernoemd nae 't waeter mee de strôôm mee nae zee-ee-ee
- D'n ouwe geul mee zout waeter 'êêt ommes Hae-aest Ee
- Ons durp weet van Van Bei'ren graevin Jaco-oo-ba
- Ze gaf d'er woord an Frank van Bors'le mee'n uutbundig JAA
- Het stel weunde een stuitje op 't slot in roerge tied
- Noe èm'n allêên de grachte nog 't kastêêl dà bim'n kwiet
- Ons durp dat ei een kleure 't ei een Oranje rand
- De smalstad kreeg mee Willem Eén een êêle goeie band
- Deu A-ha-na van Buren en Floris van Egmond
- Die ons toen deu een erfenis an't konings'uus verbond
- In ons durp mee de brandgank in 't staetige raed'uus
- Mee d'oefjes in de 'osties ja dae voele m'n ons tuus
- Ons durp tussen de dieken in an de Dô-ôs man
- D'r is gêên mens nee glad gêên mens die t'ons afpakken kan
Lienks nae buten
[bewerk | brontekst bewerken]
| Gemeênte Tole |  |
|---|---|
|
Durpen: Annajacobapolder · Stalland · Flupland · Ou-Vossemaer · Poôfliet · Schaerpenisse · Staevenisse |
| Zeêuwse steden |  |
|---|---|
|
Steden, meê een stem in de Staeten van Zeêland: Hoes · Middelburg · Reimerswaol (tot 1587) · Ter Veere (nae 1574) · Vlissienge (nae 1574) · Tole · Zurrikzeê Smalsteden (gin stem in de Staeten van Zeêland): Brouwes'aeven · Domburg · Erremu · Kortjeen · Smerdiek · Waschappel Steden in Zeêuws-Vlaonderen (buuten het vroegere gewest Zeêland): Aksel · Biervliet · Erreburg · Filepine · Iezendieke · Sas · Sint Anna ter Mu · Sluus · Terneuzen · 'Ulst · Wosburg |