Roofdier'n

Roofdier'n
Ursus maritimus
Taxonomische indeêlienge
Riek: Beêsten (Animalia) Stamme: Chordabeêsten (Chordata) Klasse: Zoogdieren (Mammalia)
Orde
Carnivora (Bowdich, 1821)

De roofdier'n (Carnivora) bin een orde uut de zoogdieren die an vurnaemelijk vleês eetn. Ze komm'n an der prooi'n deur te jaehen (slupen of sprint'n e.d.), deur te steeln of ok hewoon in de vurm van aes. Bie roofdier'n kan echter ok een stik van 't menu uut plantaordig spul bestaene.

De bekenste roofdier'n bin de katachtehen (Felidae), die an ok bieni allin vleês eetn en dus een hoed voebeêld van vleêseters bin. Toet de Carnivora beoor'n echter ok beêsten as zeê'on'n, walrussen en stienkdier'n. Voebeêl'n van beêsten uut de Carnivora die an hlad hin vleês eetn bin de reuzenpanda (bamboe) en de rolstaertbeer.

Binn'n de roofdier'n bin 't et nie allin landbeêsten die an de dienst uut maeke, der bin ok zeêbeweuners bie. Vroeher wiern deze beêsten in een aparten orde eplekt, de Pinnipedia. De landroofdier'n wiern toen in den orde Fissipedia eplekt. Voebeêl'n van zeêroofdier'n bin walrussen en zeê'on'n.

Taxonomie

De orde Carnivora wor inedeêld in de volhende femieljes en onderordes:

• Orde Carnivora
  • Onderorde Caniformia
    • Ailuridae (Kleine panda)
    • Canidae ('Ondachtehen)
      • Wolf
    • Mephitidae (Stienkdier'n)
    • Mustelidae (Marterachtehen)
      • Das
    • Odobenidae (Walrussen)
    • Otariidae (Oôrrobb'n)
    • Phocidae (Zeê'on'n)
    • Procyonidae (Wasbeêrachtehen)
      • Wasbeêr
    • Ursidae (Beer'n)
  • Onderorde Feliformia
    • Eupleridae (Madahaskarcivetkatt'n)
    • Felidae (Katachtehen)
    • Herpestidae (Manhoessen)
    • Hyaenidae (Hyena's)
    • Nandiniidae (Pardelroller)
    • Viverridae (Civetkatt'n)