ლიხიშ ქჷნდჷრი

ლიხიშ ქჷნდჷრი, სურამიშ ქჷნდჷრი, კავკაციონიშ დო მორჩილი კავკაციონიშ გვალეფიშ სისტემეფიშ მიმარსხუაფალი სუბმერიდიანული ქჷნდჷრი, ნამუთ საქორთუოს გეოგრაფიულო რთჷნს ბჟაეიოლ დო ბჟადალ ნორთეფო (ჯვ. წყუეფით "ლიხთიმერო" დო "ლიხთამერო"). ლიხიშ ქჷნდჷრი რე კასპიაშ დო უჩა ზუღეფიშ წყარგჷმართალი. შქა მუნაკვათა ტექტონიკურო ორხველჷ ძირულაშ კრისტალურ მასივს, ოორუე - კავკაციონს, ობჟათე - მორჩილ კავკაციონს. ქჷნდჷრიშ სიგინძა ერწოშ ჸალაიბონშე ლომისმთაშა 102 კილომეტრი რე. აბსოლუტური სიმაღალა ითირუ 900-2471 მეტრაშ ფარგალეფს შქას. ლიხიშ ქჷნდჷრს იდვალუაფუ კონკეფი: ალხაშენდა (2319 მ), რიბისი (2470 მ), ბილურთა (2166 მ), რუსთავი (1926 მ), ლოხონი (1925), შვილდისი (1443 მ), კაპრებისმთა (1177 მ), ედისჯვარი (1320 მ), საბუეთი (1248 მ), წაქვა (1220 მ), ვირიგვერდი (1644 მ); უღელტეხილეფი: ჯვარი (936 მ), რიკოთი (999 მ), ფონა დო შხვა.

ლიხიშ ქჷნდჷრი ლაჸაფენს კლიმატგჷმართალიშ როლს, მარა კოლხეთიშ დო ბჟაეიოლ საქორთუოშ კლიმატურბოტანიკური ოლქეფიშ თანჯა ვემეჸუნს წყარგჷმართალს, მეჸუნს ქჷნდჷრიშ ბჟაეიოლ კართეეფს. ქჷნდჷრიშ უმეტაში ნორთი ფართოფურცელამი ტყათ რე გოქუნელი (ჭყონი, ცხიმური, ჭუბური, წიფური). ძგაში ოორუე დო ობჟათე ნორთეფს ლირსამი (წიწვამი) ტყალეფი ხოლო რე. სუბალპური დო ალპური დოლოეფი ხვალე ქჷნდჷრიშ ძგაშ ოორუე ბოლოს რე (გვალეფი რიბისი დო ალხაშენდა). შხვა უტყალე საგანოეფი ანთროპოგენური ბადებაშ (წარმოშობაშ) რე. ქჷნდჷრს გოჸონაფილი რე ორკინაშშარე დო ოავტომობილე რიკოთიშთუდონი გვირაბეფი. ქჷნდჷრს გინმუურს ხაშურ-ზესტაფონიშ დო გომ-საჩხერეშ ოავტომობილე შარეფი.

ქოძირით თაშნეშე

საქორთუოშ ქჷნდჷრეფიშ ერკებული

ლიტერატურა

მარუაშვილი ლ., ქორთული სხუნუეფიშ ენციკლოპედია, ტ. 6, ხასჷლა 271, ქართი, 1983 წანა.