ნოღა
| შილა
|
გერბი
|
|
|
|
ლა-პასი, ედომუშამი ჯოხოდვალა ნუესტრა-სენიორა-დე-ლა-პას (ესპ. La Paz, Nuestra Señora de La Paz, აიმარა Chuqiyapu) — ნოღა ბოლივიას, ფაქტიურო არსულენს სახენწჷფოშ ნანანოღაშ ფუნქციას (1898 წანაშე), თაშნეშე ლა-პასიშ დეპარტამენტიშ ადმინისტრაციული ცენტრი რე. ნოღაშ მახორობა გალეგანობეფიშამო 1 609 000 ადამიერს აკმადგინანს, ნამუშით ქიანაშ უკაბეტაში ნოღა რე მახორობაშ მეჯინათ, გალოგანობეფიშ უმუშო ლა-პასი პირველობათ აკმასქიდჷ ნოღა სანტა-კრუს-დე-ლა-სიერას.
ლა-პასის იდვალუაფჷ ბოლივიაშ სახენწჷფო დჷნაწესებუეფიშ უმენტაშობა, თინეფს შქას ქრეზიდენტიშ რეზიდენცია, თიშ უმკუჯინალო, ნამჷ-და ნომინალურო (კონსტიტუციურო) ქიანაშ ნანანოღა რე სუკრე.
ნოღა, 1548 წანაშ 16 კვირკვეს დასხუეს ესპანარ კონკისტადორეფქ დო ჯოხოთ გიოდვეს სიუდად-დე-ნუესტრა-სენიორა-დე-ლა-პას — „თინჩალაშ დიაღორონთიშ ნოღა“ (ესპანურ ზიტყვეფშე ciudad — „ნოღა“, de — წჷმიდვალირი, nuestra señora — „ჩქინი ოსურპატჷნი“, იგივე „დიაღორონთი“, la paz — „თინჩალა“); ელემენტი la paz ჯოხოს გეუძინეს კინოხ ჟირ ართიანიშ აწმარენჯი კონკისტადორეფიშ მადუდეეფიშ შერიგაშ შანო. რჩქვანელობურო ჯოხოდვალა გჷმირინუაფუდჷ კუნტარებულ ფაორმათ ლა-პასი („თინჩალა“). 1825 წანას, ნოღაქ გოდუდიშულაფილქ იჸუ ესპანარეფშე, 1827 წანას — ჯოხოქ გჷნათირუ ლა-პას-დე-აიაკუჩო — „აიაკუჩოშ თინჩალა“ ესპანარეფშა გერჯგინაშ ეიოშანალო, ნამუთ 1824 წანას მიგეს აიაკუჩოშ გოხოლუაშ ბურჯაფი, ანტონიო სუკრეშ დუდელი არმიათ. ჯოხოდვალაშ კუნტა ფორმაქ ქჷდოსქიდუ უთირუოთ.
.jpg)
