راعوث

الكاتبة: فاطمه علي

#راعوث

صوتو+علقوت بين الفقرات 🤎🦉.
ــــــــــــــــــــــــــــــــــــــــــــــــــــــــــــــــــــــــــــــــــــــ
بنات لا تكولن ليش لبارت مو طويل كتلجن من تلتقي بعقاب يصيرن بارتاته طوال والبارحه البارت 2000 ومدري شكد والله بس تلتقي بعقاب لان اول القصه جاي تحجي عن حياته معا اخواته واحاول اطول البارتات حبيباتي♥💋.
ـــــــــــــــــــــــــــــــــــــــــــــــــــــــــــــــــــــــــــــــــــــــ

راعوث:-فتحت عيوني بعد نومه عميقه لكيت
عليه حزام الامان ستقربت منو سوا اليه الدنيا ليل
وازدحام السيارات اسم ريحه بغداد رفعت راسي نتبعت على ( بغداد السلام ترحب بكم )

-الضحكه شكت حلكي وعيوني كامن يلمعن احس
اريد ابجي من الفرح بعد ماسيطر على حركاتي
ابتسمت سنوني كلهن طالعات وافكر معقوله
خلصت منهم شنو من تجربه عشتها شصار وياي
حسيت بلحضتها ادركت اني جنت بيت دعاره
عفت اهلي يومين احس راسي يريد ينفجر احاول
استوعب الجاي يصير وياي

-سمعته عاط بصوته الخشن انمحت ابتسامتي
من الخوف ورجفت جسمي بسرعه عدلت كعتي
وباوعتله بخوف فاتح الجامه مطلع ايده ولازم
الجكاره بين اصابيعه بصفه سياره عاط

عُقاب:-اطلع خااااااالي

-خويه زدحامات ما جاي تشوف

-فتح عيونه على وسعهن وخزره خزره من يمي
خنست وحبست انفاسي

-نزل من السياره وتقدم ليكدام وكف يم عسكري
سلمو ايد بايد باسه بخده دنك علي من باسه من
طوله طلعله هويته شافها دك تحيه والبتسامه
شاكه حلكه بقه يحجي ويا ضربه على كتفه واجه
لسياره يمشي ورافع صدره ومشيته كله هيبه ورزانه
عبالك شارع ابو وحده وجهة مايهد على طول
معصب وعاقج حواجبه ركب السياره ونطلق
-مطرت الدنيه وترعد لفلفت روحي بالجاكيت
ملته  كلبي دكاته سريعه راح اوصل البيتنه لمنطقتنه
ابتسم لا اراديه بس اتخيل ارجع بحضن افراح دخل
لمنطقتنه تحمست زايد كمت اباوع من الجامه
اباوع باب باب راح نوصل شفت باب بيتنه ودموعي
كامت تنزل ولعبره خنكتني اريد افتح باب السياره
واركض ادكها ويطلع ابوي واحضنه خلصت منهم
معقوله؟

عُقاب:-زقچه وين بيتكم

راعوث:-درت وجهي اله واني اضحك وابجي
بهستيريا، هاذه اشرتله على بيتنه

-طبك يم بيتنه ونزل من السياره فتحلي الباب نزلت
ورحت ركض على باب بيتنه ادك بيها بكل قوتي
من الحماس وخايفه لا يجي واحد وياخذني ادك
حيل محد يطلع نايمين لو شنو ياربي موجودين هنا
يارب يارب

-وكف وراي وضله غطه على الباب كلها درت
وجهي باوعتله ضخم وحيل قريب مني مخصر
وواكف يباوع على المنطقه بلعت ريكي توترت من
قربنه وطوله وضخامته

-رجعت ادك بالباب سمعت خطوات وصوت ابوي
كله نعاس وتعب وقهر ويجي

ناصر:-حمحم، منو

راعوث:-صوتي راح وبس ابجي واناشغ فتح الباب
شافني وتخبل بقه فاتح عيونه على وسعهن ولون
وجها تغير يريد يوكع من طوله شمرت نفسي بحضنه
نسه روحه حضني حيل ويبجي مثل الطفل بحضني
يمسح على شعري ويبجي مصدوم وصوته متغير
حيل يشم بيه ويباوع لملامحي ويرجع يحضني قووي اني ابجي وهوه يبجي فقد السيطره راد يوكع لزم الحايط بايده يرجف ولازم صدره يجر
النفس كوه

-راعوث راعوث بتي بويه اجيتي خبلتيني عليج
اجيتي بويه ولج شكيت ملابسي مثل النسوان عليج
وين رحتي شكلتي وششربتي ولج بويه منو اخذج
من حضني الله ياخذ عمره اليحرمني منج كتلتيني
طلعتي عايشه رجعتلي رويحتي ايست منج كلت بتي ماترجع بس هاي بنيتي كدامي ربي ستجاب
الدعاء وحك ربج ماعفت المصلايه من عفتيني لهسه
كلولي اقره صوره يوسف وترجع بنيتك وصارلي
ثلاث ايام اقره بيها وهسه جنت اقره اخخ بويه
گلبي وصلت الهاي الجمله (ولا تيأسوا من روِحً الله)
واندكت الباب وطلعت بنيتي

راعوث:-يحجي وياي وهوه فاقد عقله مامستوع
شفت ابوي مثل التخبل واني ابجي حاضنته حيل
ابوس بصدره ويده ماكدر احجيلي كلمه بس احجي اطك بالبجي اكثر باس كتفي ورفع راسه باوع الرجال الوياي

-واكف يدخن جكاره يباوع بينه بدم بارد  لا مقهور
ولا فرحان الوضع طبيعي عنده

راعوث:-وخر مني ابوي وحجه ويا

ناصر:-الرائد عُقاب؟ وين لكيت بتي شصار
احجيلي مو ضغطي صعد راح اتخبل شوف ايدي
شلون ترجف، رفع ايده ترجف مثل السعفه

راعوث:-بعد ماتحمل اريد اخواتي طبيت للبيت
فارغ صحت افرااح وطبيت للغرفه شفت البنات
كاعدات افراح لابسه عبايه الصلا وكاعده فاتح
عيونها على وسعهن وصافنه على الباب بعد مايكدرن
يكومن من سمعن صوتي شمس تخيط وملامحها
متغيره رقيه وابرار كاعدات سوه بس طبيت من
الصدمه بعد مايكدرن يكومن بقد كاعدات بمكانهن
وحلكهن يرجف طبيت كبل  شمرت روحي بحضن افراح وابجي بصوت عالي واحضن بيها وهيه
ماحضنتني من الصدمه حسيتها نشلت بمكانها
باوعتلها تباوع على وجهي وجسمها كله يرجف اجن
اخواتي اخذني بحضنهن بوس وحاضناتني حيل
ويبجن ماهيس افراح لزمت ايد شمس عصرتها حيل

افراح:-ولچن گلبي راح اموت

راعوث:-لازمه گلبها وتباوعلي شمس غسلت وجها
وتفرك ايدها اكثر وحده تاثرت بجيتي هيه افراح
حضنتها وابجي بحضنها حضنتني حيل وتبوس
بيه بكل مكان بيه تبوس اصبع اصبع تبوس شعري
وعيوني وحاضنتني بكل قوتها وتهمس

افراح:-معقوله معقوله راعوث عايشه راعوث
ولج يمه شسويتي بيه يمه راعوث ربيتج على ايدي
وترحين من بين ايدي بهسهوله دعيت عساني ميته
بالانفجار ولاعيش بدونج ولا اعيش ماعرف
اخابرج شصار وين رحتي وعفتيني اخيتج تلوب عليج احجيلي قبل لا اموت راعوث

راعوث:-حلكي يرجف ماكدر احجي بس حاضنتها
وابجي بصوت عالي مسحت وجهي بعبايه الصلاه
وباست كصتي انطتني مي شربت منه شويه وبعدني
اشهك وهنه يباوعلي بصدمه ساعه يضحكن ساعه
يبجن وساعه يحضنني

راعوث:-ليش عفتيني

افراح:-وين عفتج وين يمه صار انفجار واختفيتي
كلت ماتت بس ماكو جثتج دورنه وماكو وين رحتي
بس فهميني

راعوث:-شهكت وشربت مي، اخذتني مره البيتهم تريد تبيعني

افراح:-ضربت على خدها وصاحت، صخام
الصخمني

راعوث:-رجعت ابجي لان خفت من نضرتها
صاحت

افراح:-كملي ولج كملي سوده بوجهج يا افراح

راعوث:-وره كل كلمه ابجي اشهك، خلتني
اركص وبيتهم وصخ وكله بنات لبستني لبس يفشل
وحطتلي مكياج وطببت رجال وياي للغرفه وقفل
الباب خرمشت  خدها وفتحت عيونها على وسعهن

افراح:-اسكتي اسكتي راعوث سوده بوجهي لا
تحجين لابوي راعوث سوده بوجهي ربي اخذ
عمري وخلصني اجيتي مصخمين بيج اسكتي
ابوي يتخبل والقران يموت اذا سمع ولج يمه تعاي
لبنيتج يمه والله ماعرف اتصرف اخذيني يمج يمه
خلصيني

راعوث:-من دكت على وجها وتغيرت نبره صوتها
خفت وكمت ابجي بالزايد وبقيت افكر مو زين طب
وياي للغرفه وابوي راح يذبحني رجعت اخذتني
بحضنها حضنتني حيل وابجي ودموعي تنزل بغزاره

عُقاب:-بست راسه، على راسي ابو راعوث اول
شي الحمدالله على سلامه بتك الله يحفضها
الك ومايشوفك بيها مكروه اني وياك الرائد عُقاب
قضيه راعوث وصلتلي واتذكر انته حاجيتني اتصال
وانطيتني اسمها ومواصفاتها والمنطقه بتك جانت
مخطوفه بيت ناس مايخافون الله عدهم سوالف
مكسره بس لا تخاف بتك ماملموسه حققنه وياها
وتاكدنه منه سباعيه وماخلت واحد يتقربلها
والحمدالله قبل لا يصير بيها شي وصلت يمنه
ورجعتها الك بيدي حتى أطمن عليه اكثر

ناصر:-مادري شلون اشكرك والله العظيم اعذرني
على حالتي وشكلي بس ما جاي اكدر استوعب بتي
رجعتلي أيست من بتي اني كلت ماتت والله مشكور
والله مستعد ابوس ايدك وراسك الان رجعتلي بتي

عُقاب:-حبيبي عمي واجبي

ناصر:-تفضل تفضل والله نسيت روحي واكف على
الباب

عُقاب:-غير مره عندي شغل لفوك راسي لازم ارجع
للبصره وبعد وراي طريق طويل

ناصر:-بس مايصير

عُقاب:-لازم اروح حبيبي عمي فدوه رحتلك

ناصر:-على الاقل اشرب مي

عُقاب:-والله العظيم مشكور وماتغصر عندي بطل
مي بالسياره الله وياك اخذ راحتك بعد عيوني

راعوث:-طب ابوي للغرفه سحبني من حضن
افراح وحضني ويغطيني بغمصلته اللابسها ويبوس
بيه ودموعه تنزل على خذه احلى مكان كله امان
هوه حضن ابوي من التعب والراحه بحضن ابوي
وبين اهلي ماكو خوف غفيت بحضن وهوه حاضني
وجسمه يهتز من البجي اغفه وافتح نمت على رجليه
واسمعهم يحجون صوتهم راحه عيوني يغمضن لا
ارادي غفيت واني اسمع

-يالله يالله يروحي يحبيبتي راعوث كلتلكم ما ماتت
ماصدكتوني

-احلى يوم بحياتي

-معقول راعوث رجعت خاف حلمانين

-خطيه شوف شكد تعبانه بسرعه غفت سوده عليه
شصاير بيه منو جابها بابا

-هذني منيلها الملابس، كلادة ماما بركبتها؟

راعوث:-اول ما اغفه افز واسمع اصوات مرعبه صوت
الساعه والكدوره ايمان تضرب بيه غزوان يتقرب
مني اركض الدم يجري بالمي الحمام لاكل التشريب
خفيف كلهن احلام نهشن عقلي انام وافز اخر شي
كعدت حاضنه رجليه وابجي حضني ابوي وافراح
تبجي وياي وتسكت بيه

افراح:-لا تخافين بعد راعوث احنه يمج محد
ياخذج والله يگومي سبحي وبدلي ونامي
ورتاحي وباجر نحجي

راعوث:-كمت ويه افراح حضنتني وخذتني للحمام
طبيت ابجي وامسح بدموعي رادت تسد الباب لزمتها وطلعت شمرت روحي بحضنها

-اخاف

افراح:-سوده عليه يمه مين تخفين اني واكفتلج
بالباب والله ماعوفج

راعوث:-عفيه اخاف ماريد

افراح:-بردي روحج

راعوث:-هزيت راسي بـ لا شفت شمس جابتلي
الملابس وباوعتلها

شمس:-شبيها

افراح:-تخاف طب للحمام

شمس:-چؤ اطب وياج يروحي

راعوث:-لا

افراح:-براحتج يگلبي بس البسي هذني اطب وياج
وادير وجهي والله

راعوث:-اريد اغسل  عليه الدوره بس اخاف

افراح:-عليج متاكده خاف غير شي؟

راعوث:-شنو الغير شي عليه

افراح:-يالله طبي بدلي

-طبيت للحمام طبت افراح دارت وجها وكالت

افراح:-غسلي اذا تريدين ماشوفج والله

راعوث:-غسلت بسرعه شلون ما جان وبدلت
وطلعت نشفتلي شعري افراح ومشطتلي ونمت
بيناتهن يحضنن بيه ويباوعن بملامحي ومبتسمات
اول مره اشوفهن فرحانات هلكد غفيت لازمه ايدهن
اخاف اعوفهن اخاف يطلع حلم وافز منه

افراح:-نامت راعوث وبقينه احنه بصدمتنه
وفرحتنه عيونه كنه عليها ومبتسمين لارادي لازمه
ايدها وابوس بيها وهيه تفزفز اسمي عليها واقره
المعوذات ابوي قره قران يمها وهيه تفزفز وترجف
وتعرك وينكطع نفسها واحنه نرجف عليها اباوع على
ابوي وابوي يباوعلي من اشوف نضره ابوي احسه
يكول بنتي تموت ماتعيش ومأيس منها....

يتبع....

رايكم يهمني 🦉🤎.

بنات صوتن البارت الجاي حماسس
صوتن حبيباتي بين الفقرات♥💋.