Chapter 16
အွန်လိုင်းမှကြိုတင်စာရင်းသွင်းထားကြသော ပရိသတ်များအနက် ဖျော်ဖြေပွဲအတွက်လာရောက်ကြည့်ရှုကြမည့် ကြည့်ရှုသူဦးရေ အယောက် ၅၀၀ကို ပရိုဂရမ်အဖွဲ့မှကျပန်းရွေးချယ်ခဲ့ပြီး အိုင်ဒေါလ်အသီးသီး၏မိသားစုပရိသတ်များပါရှိလေသည်။
ဖျော်ဖြေပွဲအစီအစဉ် စတင်သည်ကိုကြားသောအခါ သူတို့သည် သူတို့၏အိုင်ဒေါလ်များကိုထောက်ပံ့ရန်အလို့ငှာ သူတို့၏လက်ထဲတွင် မီးလင်းဆိုင်းဘုတ်များ နှင့် မီးလင်းမီးချောင်းများကို ချက်ချင်းဖွင့်လိုက်ကြသည်။ တခဏအတွင်းမှာပင် မူလက မဲမှောင်နေသည့်ခန်းမအတွင်း အရောင်အသွေးမျိုးစုံ စုံလင်လှသည့် ခပ်မှိန်မျှန်ကြယ်အလင်းတန်းလေးများစုဝေးနေသလိုဖြစ်လာကြသည်။
ပရိတ်သတ်များ၏ စိတ်အားထက်သန်စွာ အော်ဟစ်သံများအကြား Hostသည် ဖွင့်ပွဲစတင်ကြောင်းကြေညာပြီးနောက် နည်းပြဆရာများ၏အမည်များကို ဖတ်ပြကာ စင်မြင့်ပေါ်သို့ တစ်ယောက်ပြီးတစ်ယောက်ဖိတ်ခေါ်ခဲ့သည်။
နည်းပြလေးယောက်သည် ပရိသတ်အတွက် သူစိမ်းတွေမဟုတ်ကြပေ။ အထူးသဖြင့် ဖိန်ချုံသည် အခုချိန်ထိ ရေပန်းစားနေတဲ့ Idol တစ်ယောက်ဖြစ်ကာ ဒီတကြိမ်မှာတော့ ခန်းမထဲ၌ သူ့ ပရိသတ်တွေ အများကြီးပါရှိသည်။ သူ့ကို စင်ပေါ်မှာတွေ့သည်နှင့် သူ့ကိုထောက်ခံဖို့အတွက် သူ့နာမည်ကို အရူးအမူးအော်ခေါ်နေကြသည်။
ဖိန်ချုံ၏အဖွဲ့တွင် နာမည်ကြီးသင်တန်းသားများစွာရှိ၏ ။ဖိန်ချုံအဖွဲ့မှသင်တန်းသားများ၏ပရိသတ်တွေက သူတို့ရဲ့နာမည်ခေါ်သံကိုကြားသည့်အခါ သူတို့အိုင်ဒေါလ်၏အရှိန်အဟုန်ကိုမပျက်စေရန် ဖိန်ချုံကိုအကူအညီပေးဖို့ အော်ဟစ်တောင်းဆိုကြသည်။
ဖိန်ချုံ၏တက်တက်ကြွကြွလိုက်ပါပူးပေါင်းမှုကြောင့် ဖျော်ဖြေရေးခန်းမရှိပရိသတ်များက သူတို့၏အိုင်ဒေါလ်နာမည်များကို ပိုမိုကျယ်လောင်သောအသံဖြင့် အသီးသီးအော်ခေါ်ကာ အားပေးလျက်ရှိသည်။
သင်တန်းသားများက စင်မြင့်ပေါ်တွင် တရားဝင်ဖျော်ဖြေခြင်းမရှိသေးသော်လည်း စင်အောက်ရှိ နည်းပြများ၏ပရိသတ်များသည် ကျော်ကြားမှုချင်းယှဉ်ပြိုင်နေကာ သူတို့ကြား နေရာအနှံ့ မီးပွားများတောက်လောင်လျက်ရှိသည်။
တိုက်ရိုက်ထုတ်လွှင့်မှုအခန်း၏မြင်ကွင်းရဲ့ အငွေ့အသက်တွေကလည်း တိုက်ရိုက်ထုတ်လွှင့်မှုကိုကြည့်ရှုနေသော ပရိသတ်များကို စွဲဆောင်သွားစေသည်။
ခန်းမထဲရှိပရိသတ်တွေကဲ့သို့ အော်ဟစ်အားပေးခြင်းမပြုနိုင်ကြသဖြင့် ပို့စ်များကို ကျည်ဆန်အလား အရူးအမူးရိုက်တင်နေကြပြီး ဗီဒီယိုဝဘ်ဆိုဒ်၏တိုက်ရိုက်ထုတ်လွှင့်မှုအခန်းမှာလည်း နာမည်အမျိုးမျိုးဖြင့် ခဏတွင်းချင်း ပြည့်နှက်သွားလေသည်။
ပရိသတ်တွေကြားတိုက်ပွဲမှာ ဘယ်သူက အောင်နိုင်မလဲဆိုတာ ဘယ်သူမှ လိုက်ပြီး ရေတွက်နိုင်ကြမည်မဟုတ်ပေ။
သို့သော် လူတွေအာရုံစိုက်မှုအနည်းဆုံးလူမှာ ဘယ်သူဖြစ်သူဆိုတာကတော့ အလွန်ကို သိသာလှသည်။
လင်းယန်ရန်၏ယခင်က ရဲရင့်မှု နှင့် ယာဉ်အန္တရာယ်ကင်းရှင်းရေးလုပ်ဆောင်ချက်များက ဖြတ်သွားဖြတ်လာများ၏နှစ်သက်မှုကိုရရှိခဲ့သော်လည်း အခြားသူများ၏မိသားစုများ လာရောက်စုပြုံနေသော ပရိသတ်များ၏နှုတ်ထွက်စကားများနှင့် နှိုင်းယှဉ်ပါက အရေးမပါတော့ချေ။
ထို့အပြင် ရှေ့အပိုင်းသုံးပိုင်း၌ တင်ဆက်ခဲ့သောရှိုးပွဲတွင် သူ၏ဖျော်ဖြေမှုသည် လူများစွာကို စက်ဆုပ်စေခဲ့ပြီး ရှိုးပွဲ၏ ပရိသတ်အများစုသည် သူ့ကိုမုန်းတီးနေကြဆဲဖြစ်သည်။
သူ၏သင်တန်းသားအဖွဲ့မှ ပရိသတ်များပင်လျှင် သူတို့၏အိုင်ဒေါလ်သည် သူ့အဖွဲ့သို့ သွားရလောက်အောင် ကံမကောင်းကြောင်း ညည်းတွားနေကြကာ သူ့ကို ထောက်ခံလိုစိတ်မရှိသော အခြားသူများကဲ့သို့ပင် ခံစားခဲ့ရသည်။
စင်မြင့်ပေါ်တွင် အတူတူရပ်ရတာက ကြောက်စရာမဟုတ်ပေမယ့် ပရိသတ်များဆီမှကြိုဆိုမှုကို အငြင်းခံလိုက်ရတာကတော့ ရှက်စရာကောင်းသည်။
လင်းယန်ရန်သည်လည်း အခြားသင်တန်းဆရာသုံးဦးနှင့်အတူရပ်နေကာ ပရိသတ်က သူ့ကို မကြိုဆိုကြောင်း ရှင်းရှင်းလင်းလင်း ခံစားခဲ့ရသည်။
သို့သော် ဤမြင်ကွင်းကို တစ်ချိန်လုံး ကြိုတင်တွေးထားသည်ဖြစ်ရာ သူ့စိတ်ဓာတ်က ခိုင်မာနေခဲ့ပြီးဖြစ်၏ ။စင်မြင့်ပေါ်၌ သူသည် လူအားလုံးကို ဘာမှမထူးခြားသောပုံစံဖြင့် ဖော်ရွေစွာနှုတ်ဆက်ရန်အလို့ငှာ လက်ကိုမြှောက်လိုက်သည်။
တိုက်ရိုက်ထုတ်လွှင့်မှုအခန်းသည် သင်တန်းသားများ၏ဖျော်ဖြေပွဲအား တစ်ပြိုင်နက်တည်း ထုတ်လွှင့်ပြသပေးမည်ဖြစ်သည်။
ဖိန်ချုံ၏အဖွဲ့မှ သင်တန်းသားအများစုသည် အလွန်ဂုဏ်ယူနေကြပြီး အားလုံးလိုလိုရယ်မောနေကြ၏ ။
"ဖိန်ချုံလောင်ရှီးက အရမ်းနာမည်ကြီးတာပဲ"
ရှရှင်းရှင်းသည် လူတိုင်းကမနာလိုလောက်အောင်ရယ်မောနေသော ရွှမ်းရိဟန်ကိုကြည့်ကာ ဒေါသတကြီး နှာမှုတ်လိုက်သည်။
နည်းပြများ နေရာယူကြပြီးနောက် Hostသည် ယနေ့ည၏" super mentor "ကို လေးနက်စွာ မိတ်ဆက်ပေးလာသည်။
ကုစစ်ရယ်အား ဖိတ်ခေါ်သံကိုကြားသောအခါ ဆူညံနေသောမြင်ကွင်းသည် ချက်ချင်းဆိုသလို တိတ်ဆိတ်သွားသည်။
ထို့နောက် အလင်းရောင်မရှိသည့်နေရာမှ ကုစစ်ရယ်သည် တဖြည်းဖြည်း စင်မြင့်ထက်သို့တက်လာသည်ကို ပရိသတ်များမြင်လိုက်ကြရသည်။
သူသည် ယနေ့တွင် ရိုးရိုးရှင်းရှင်း စတိုင်လ်ကျသော အနက်ရောင်ဝတ်စုံကို ဝတ်ဆင်ထားပြီး အတွင်းပိုင်းရှိ ရှပ်အင်္ကျီအဖြူကို လည်တိုင်တွင် အနည်းငယ်လှန်ကာ သတ္တုအနားကွပ်မျက်မှန်တစ်စုံနှင့် တွဲဖက်ဝတ်ဆင်ထားသည်။
"မင်္ဂလာညချမ်းပါ ပရိသတ်ကြီးတို့"
ကုစစ်ရယ် နှုတ်ခွန်းဆက်လိုက်သည်နှင့်ပရိသတ်တွေက သေဆုံးသွားရာမှ အသက်ပြန်ရှင်လာကြသလို တခဲနက်တည်း အော်ဟစ်အားပေးကြလေတော့သည်။
ထိုအချိန်တွင် တိုက်ရိုက်ထုတ်လွှင့်သည့်အခန်းရှိကွန်ပျူတာမျက်နှာပြင်၌ ဒုံးပျံလိုလျင်မြန်သောမှတ်ချက်များဖြင့် ပြည့်လျှံသွားပြီး မျက်လုံးဖြင့်ပင် မြင်နိုင်သောထောင့်တိုင်းတွင် ကုစစ်ရယ်ဟူသော စာလုံးများဖြင့်ပြည့်နှက်သွားခဲ့လေသည်။
[ ကု ! စီမံအုပ်ချုပ်သူ ! ရယ်! ]
[Ahhhhhh ငါ့ယောက်ျားက ငါ့ကိုသတ်လိုက်ပြီ ! ! ဒီည အရမ်း ခန့်ညားတာပဲ။ ! ]
[ ဒါက ဒဏ္ဍာရီဆန်ဆန် လူတွေကိုမိုက်ရူးရဲဆန်စေတဲ့အထိ လှပခန့်ညားတဲ့ အလှတရားမျိုးဆိုတာလား ! ]
[ Ahhhhhhhhhhhhhhhh] ကုစစ်ရယ် ! တကယ်ပဲ စူပါစတား ကုစစ်ရယ် လား !!!]
[ လောင်ကုန်း ၊ မတွေ့ရတာ အတော်ကြာပြီနော် !!!!! ]
[ ဘယ်အချိန်မဆို မင်းတို့ ဒီ live လွှင့်တာကို ဆောင့်ကြောင့်ထိုင်ကြည့်ရမယ်ဆိုရင်တောင် မင်းတို့အနေနဲ့ ကုစစ်ရယ်အနားမှာ ရပ်ကြည့်နေလို့ရသေးတယ်။ငါ အခုချက်ချင်း ထီလက်မှတ်ကိုသွားဝယ်သင့်လား ! ! ]
[ အမျိုးသားနတ်ဘုရားရေ... ကျေးဇူးပြုပြီး မင်းရဲ့ဟော်မုန်းတွေထုတ်လွှတ်နေတာကို ရပ်တန့်ပေးလို့ရမလား ]
ဖျော်ဖြေရေးအဝန်းအဝိုင်းတွင် အချို့သောအနုပညာရှင်များသည် ပရိသတ်များ၏အာရုံစိုက်မှုကိုရရှိရန် အပြုသဘောဆောင်သော ယာဉ်ကြောပိတ်ဆို့မှုကို ရိုက်ကူးပြီး ရာထူးတစ်ခုရရှိရန် စသည့်အမျိုးမျိုးသောနည်းလမ်းတွေကို အသုံးပြုကြသည်။
သို့သော် ကုစစ်ရယ်ကတော့ မတူ။သူ အဲ့ဒီနေရာမှာရပ်နေသရွေ့တော့ ဒါဟာ အပြန်လမ်းမရှိတဲ့ အသွားလမ်းကြီးတစ်ခုလိုပါပဲ။
ကုစစ်ရယ်သည် "Super Idol" ပြိုင်ပွဲ၏ "super mentor" ဖြစ်လာခဲ့သည်ဆိုသောအချက်ကိုထောက်၍ တိုက်ရိုက်ထုတ်လွှင့်မှုမှတစ်ဆင့် ကြေငြာခဲ့ပြီး ခေတ်စားလာရန် အချိန်သိပ်မကြာလိုက်ပေ။
တစ်ချိန်တည်းမှာပင် ကုစစ်ရယ်၏ပရိသတ်စစ်တပ်သည်လည်း ထိုသတင်းကြားသည်နှင့်တိုက်ရိုက်ထုတ်လွှင့်သည့်အခန်းသို့အလျင်အမြန်ရောက်ရှိလာကြသည်။
ဆယ်မိနစ်အတွင်းမှာပဲ မူလက ၁၀ သန်းအောက်သာရှိတဲ့ တိုက်ရိုက်ထုတ်လွှင့်မှုအခန်းရဲ့ရေပန်းစားမှုက သန်း ၃၀ အထိ မြင့်တက်လာခဲ့ပြီး ထို့ထက်လည်းပိုပြီး ဆက်လက်မြင့်တက်နေဆဲပါပဲ။
စူပါနည်းပြတစ်ဦးအနေဖြင့် ကုစစ်ရယ် သည် မြင်ကွင်းကိုထိန်းချုပ်ထားပြီး အချို့သောအစီအစဉ်လုပ်ထုံးလုပ်နည်းများကို ဖြတ်သန်းရန်လိုအပ်သေးသည်။
ထို့ကြောင့် စင်မြင့်ပေါ်၌ ရပ်ကာ ပရိသတ်များနှင့် လွယ်ကူစွာ ဆက်ဆံပြောဆိုသောအခါတွင် လင်းယန်ရန်၏ မျက်လုံးများသည် အနက်ရောင်ဝတ်စုံအင်္ကျီပေါ်မှ အကြည့်မခွာနိုင်တော့ပေ။
အရင်က အင်္ကျီကို တခြားသူဆီပြန်ပေးချင်ပေမယ့် အကြောင်းအမျိုးမျိုးကြောင့် နှောင့်နှေးခဲ့ရပြီး အခုထိ ထိုလူရဲ့အင်္ကျီက သူ့အခန်းထဲမှာပဲ ရှိနေပါသေးတယ်။
လင်းယန်ရန် နိုးလာပြီးနောက် ကုစစ်ရယ်ခြုံပေးထားသည့် ကုတ်အင်္ကျီကို ချွတ်လိုက်သည်ကို ယင်းယင်းပြန်ပြီး သတိရလိုက်သည်။
ဒါဆို.. ဒါက ယာယီအပြင်အဆင်တစ်ခုပဲလား။
ယနေ့ည စင်မြင့်ပေါ်တွင် နည်းပြဆရာသည် ကိတ်မုန့်ပေါ်တွင် သကာရည်လောင်းသည့် အခန်းကဏ္ဍမှပါဝင်ခဲ့ပြီး စိတ်ဝင်စားစရာ အကောင်းဆုံးမှာ သင်တန်းသားအားလုံးပင် ဖြစ်သေးသည်။
ပရိုဂရမ်အဖွဲ့သည် ဤအမှန်တရားကို သဘာဝကျကျ နားလည်သည်။ ဟဲဗီးဝိတ်နည်းပြဆရာ ကုစစ်ရယ် ကိုကြေငြာပြီး နောက်၊ သူတို့သည် ယနေ့ည၏အကြောင်းအရာကို အမြန် ကြေညာခဲ့သည်။
မျက်မမြင်သေတ္တာဝါသနာအိုးတစ်ဦးအနေဖြင့်၊ ဒါရိုက်တာချုပ်မှ နည်းပြဆရာများ၏ လှိုင်းလုံးများကိုပိုကြီးလာအောင်လုပ်ဖို့ ယနေ့ညတွင် မျက်မမြင်သေတ္တာများ၏မဲနှိုက်ခြင်းကိုပြသဖို့ ဘယ်သူ့ကိုအရင်ပြသရမလဲဆိုသည်ကို နည်းပြများအား မဲနှိုက်စေခြင်းဖြင့် ဆုံးဖြတ်ခဲ့သည်။မျက်မမြင်သေတ္တာများ၏ အရောင်နှင့် အမှတ်စဉ်နံပါတ်အရ ယနေ့ညတွင် အုပ်စုလေးခု၏ ပုံပန်းသဏ္ဍာန်ကို စည်းကမ်းမဲ့စွာ ပယ်ချခဲ့သည်။
ပထမအဆင့်သည် ထောင်ထောင် အဖွဲ့မှဖြစ်၏ ။
သင်တန်းသားများအား စင်ပေါ်တွင် မဖျော်ဖြေမီ၊ ပရိုဂရမ်အဖွဲ့သည် VCR ကို ဦးစွာပြသလေသည်။ ၎င်းသည် အုပ်စုဖွဲ့ခြင်းမှ ပုံမှန်အလေ့အကျင့်အထိ သူတို့၏အချိန်များကို မှတ်တမ်းတင်ထားခြင်းဖြစ်သည်။
အဲ့ဒီ့ထဲမှာ မှတ်တမ်းထင်ထားတဲ့အရာတွေကတော့ သူတို့ရဲ့ အခက်အခဲတွေ၊ ချွေးတွေ နှင့် ပျော်ရွှင်မှုတွေ စသည်ဖြင့်ပါဝင်သည်။
အဖွဲ့တစ်ခုစီတွင် ကိုယ်ပိုင်ဇာတ်လမ်းလိုင်းရှိပြီး နောက်ပိုင်းအဆင့်တွင် ထောင်ထောင်အဖွဲ့မှတည်းဖြတ်သည့်ပုံစံသည် နွေးထွေးမှုကိုဦးတည်သည်။သူမသည် သူမတို့အဖွဲ့ရှိ သင်တန်းသားများကြား အပြန်အလှန်အကူအညီနှင့် ဘုံတိုးတက်မှုအချို့ကို မှတ်တမ်းတင်ရန် အလေးပေးထားသည်။
VCR မှတင်ပြသည့်ပုံစံနှင့်အလားတူ ထောင်ထောင်၏ဖျော်ဖြေမှုသည်အတော်လေးနည်းပါးပြီး လန်းဆန်းစေသည်၊ နွေးထွေးစေသည့်အပြင် ချစ်စရာလည်းကောင်းနေသေးသည်။
ထို့နောက် စင်ပေါ်တွင် PK အဖွဲ့နှင့် တိုက်ခိုက်နေသော ဟန်ကျွယ်အဖွဲ့...
ဟန်ကျွယ်၏ "like me" သည် ရော့ခ်စတိုင်ဖြစ်ပြီး ဇာတ်ခုံသည် အလွန်မိုက်သည်။သင်တန်းသားတွေက စင်ပေါ်တက်ပြီးတာနဲ့ မော်တော်ဆိုင်ကယ်အကျီနဲ့ သားရေအကျီ တွေက လူတိုင်း ရဲ့အာရုံကို ချက်ခြင်းဆွဲဆောင်ခဲ့သည်။
သင်တန်းသားအဖွဲ့နှစ်ဖွဲ့၏ ဖျော်ဖြေပွဲအပြီးတွင် စိတ်လှုပ်ရှားဖွယ်ရာမဲပေးပွဲကျင်းပမည့်အချိန်ဖြစ်သည်။
တိုက်ရိုက်ဖျော်ဖြေပွဲများတွင် သီဆိုကခုန်ခြင်းအပြင် ပရိသတ်၏ အာရုံခံနှိုးဆွမှုနှင့် စင်မြင့်လေထု၏ အာရုံခံစားမှုသည်လည်း အလွန်အရေးကြီးပါသည်။
ထောင်ထောင်အဖွဲ့၏ သီချင်းဆိုစွမ်းရည်က ပိုကောင်းပေမယ့် ဟန်ကျွယ်အဖွဲ့ရဲ့ အလန်းစားစင်မြင့်လောက်ကို ဆွဲဆောင်မှုသိပ်မရခဲ့ပေ။ နောက်ဆုံးတွင် စုစုပေါင်းမဲအရေအတွက်မှာ ၅၃ မဲဖြစ်ပြီး ပြိုင်ဘက်ကို ရှုံးနိမ့်ခဲ့သည်။
ယခင်အဖွဲ့နှစ်ဖွဲ့၏ ဖျော်ဖြေပွဲများမှတစ်ဆင့် ယနေ့ဇာတ်ညွှန်းသည် အကြံဉာဏ်ပေးသူထံမှဖြစ်ကြောင်း ပရိသတ်က သိထားပြီးဖြစ်သည်။
ယခု နည်းပြနှစ်ဦးအောက်ရှိ သင်တန်းသားများသည် ဖျော်ဖြေမှုပြီးသွားသောအခါ ကျန်နှစ်ဦးမှာ PK ၏ ပစ်မှတ်များ ဖြစ်လာကြသည်။
ဖိန်ချုံနှင့် လင်းယန်ရန်တို့၏ တူညီသော ရိုက်ချက်အား ပရိတ်သတ်များက ကြည့်ရှုခဲ့ကြသည်။ ဖျော်ဖြေပွဲကို မကြည့်ခင်ကတည်းက ပရိသတ်တွေက သူတို့ရဲ့ နှလုံးသားထဲမှာ နောက်ဆုံးအဖြေရှိနေခဲ့ပြီးသားပါ။
[ ဖိန်ချုံ နဲ့ ယန်ရန် တို့အဖွဲ့ပြိုင်မှာလား?ဟားဟား ...ဒါက တစ်ဖက်သတ် အစုလိုက်အပြုံလိုက် သတ်ဖြတ်မှုပဲ မဟုတ်လား ]
[ ဖိန်ချုံရဲ့အဖွဲ့က အခြေခံအားဖြင့် Class Aနဲ့ Class B တို့ရဲ့ boss တွေဖြစ်ပြီးတော့ ဟိုဘက်အဖွဲ့နဲ့ယှဉ်လိုက်ရင် သူတို့ရဲ့အင်အားက အဆင့်တူတောင် မဟုတ်ဘူး ]
[ ယန်ရန် အဖွဲ့ထဲက သင်တန်းသားအားလုံးက တခြားနည်းပြတွေဆီကနေ ဖယ်ထုတ်ခံလိုက်ရတဲ့လူတွေလို့ကြားတယ်။မှန်တယ်မလား...ဒါဆို သူတို့ရဲ့ပေါင်းစပ်မှုက အဆိုး နဲ့ အဆိုးပေါင်းစပ်မှုလား ]
[ အရှေ့ကလူ တစ်ခုခုမှားနေလား။ နည်းပြရဲ့ချို့ယွင်းချက်က နည်းပြရဲ့ပြဿနာပဲ။သင်တန်းသားတွေနဲ့ ဘာဆိုင်လို့လဲ ]
[ ငါအမှန်အတိုင်းပြောနေတာကို မင်းတို့မကြားနိုင်ဘူးလား။သင်တန်းသားတွေက ဘယ်လောက်ပဲတော်နေပါစေ ယန်ရန့်လက်အောက်ထဲရောက်သွားပြီလေ ]
[ နည်းလမ်းမရှိဘူး... နည်းလမ်းမရှိဘူး... ယန်ရန်အဖွဲ့အတွက် အမှန်တကယ်မျှော်လင့်ချက်မရှိဘူး ]
ပရိုဂရမ်နှစ်ခု၏ရိုက်ချက်များကို မထုတ်ပြရသေးသော်လည်း စကားပြောခန်းထဲတွင် ပထမဆုံးအနေဖြင့် စက်သေနတ်လိုဆက်တိုက်စာများတက်လာခြင်းဖြင့် အစပြုခဲ့သည်။
သို့သော်ငြားလည်း ဖိန်ချုံ နဲ့ သူ့သင်တန်းသားတွေက အတော်လေးနာမည်ကြီးပြီး လင်းယန်ရန်အဖွဲ့မှ သင်တန်းသားတွေရဲ့ပရိသတ်တွေက အင်အားနည်းလွန်းတာကြောင့် အွန်လိုင်း ကနေ ဆူပူကြိမ်းမောင်းတဲ့တိုက်ပွဲမှာ တစ်ဖက်သတ်အရိုက်ခံရလုနီးပါးနှင့် ဝမ်းနည်းဖွယ်ရာ ကြုံတွေ့နေရသည်။
မကြာမီ စင်မြင့်ပေါ်ရှိ ဖန်သားပြင်ကြီးသည် ပြန်လည် တောက်ပလာပြီး ဖိန်ချုံအဖွဲ့၏ VCR ကို စတင်ထုတ်လွှင့်ခဲ့သည်။
အရင်ကပြသခဲ့သည့် VCR အုပ်စုနှစ်ခုမှာ အုပ်စုနှစ်ခုစလုံးရဲ့လေထုဟာ အတော်လေး သက်တောင့်သက်သာရှိလှသည်။နည်းပြဆရာ နှင့် သင်တန်းသားများကြား လိုက်ဖက်ညီပြီး လိုက်ဖက်ညီလှသည့်မြင်ကွင်းတစ်ခုဖြစ်ကာ ဘာအဆင်မပြေမှုမျိုးမှမရှိခဲ့ပါ။
ဤကဲ့သို့သော အဓိကအချက်အောက်တွင် ပရိုဂရမ်အဖွဲ့သည် ရိုးရာစွမ်းရည်ရှိုးအမျိုးမျိုးရှိုးများ၏ အနှစ်သက် ဆုံးလုပ်ရိုးလုပ်စဉ်ကို ချိုးဖျက်လိုကြောင်း၊ စည်းလုံး ညီညွတ်မှုနှင့် ချစ်ကြည်ရင်းနှီးမှုစိတ်ဓာတ်ကို မြှင့်တင်ကာ အပြုသဘောဆောင်သော စွမ်းအင်များ ပျံ့နှံ့စေသည့် လမ်းကြောင်းကို ဖောက်ဖျက်လိုကြောင်း လူတိုင်းက အထင်အမြင်လွဲမှားခဲ့ကြသည်။
ဩဇာအရှိဆုံး ဖိန်ချုံအဖွဲ့၏တည်းဖြတ်မှုသည် ဤကဲ့သို့ပင်ဖြစ်မည်ဟု လူတိုင်းက ထင်မြင်ယူဆခဲ့သော်လည်း သူတို့အဖွဲ့သည် ရွေးချယ်မှုအဆင့်တွင် အတော်လေးလိုက်ဖက်ညီကြောင်း တွေ့ရှိခြင်းမှလွဲ၍ ကျန်အချိန်အားလုံးနီးပါးတွင် ယမ်းမှုန့်များတလှိုင်လှိုင်ဖြစ်နေခဲ့သည်။လေထုအခြေအနေက အဆင်ပြေမနေပေ။
သီချင်းစာသားခွဲဝေခြင်းမှအစပြု၍ C နေရာရွေးချယ်မှုအထိ အဆက်မပြတ် အဆင်မပြေမှုများ ဖြစ်ပေါ်ခဲ့သည်။
ယခင်နှစ်ဖွဲ့က ဤပြဿနာကို အမှန်တကယ်ကြုံတွေ့ခဲ့ရသော်လည်း အုပ်စုနှစ်စုရှိ သင်တန်းသားများသည် ဗုဒ္ဓဘာသာ ပိုများသောကြောင့် အချင်းချင်း ပေးကမ်းခြင်းဖြင့်သာ ချက်ချင်းဖြေရှင်းခဲ့ကြသည်။
သို့သော် ဖိန်ချုံအဖွဲ့ကတော့ ထိုကဲ့သို့ မဟုတ်ပေ။
အတော်လေး လင်းလက်တောက်ပမည့်စာသားတွေပါရှိကြသဖြင့် ဖိန်ချုံအဖွဲ့မှ လီရှင်းဂေါ် နှင့် ရွှမ်းရိဟန်တို့နှစ်ယောက်စလုံးက ထိုအပိုင်းကို သီဆိုချင်ကြသည်။လူတိုင်းက အဆုံးမရှိစွာငြင်းခုံနေကြပြီးနောက် ဖိန်ချုံက ရှေ့ထွက်လာကာ ထိုအပိုင်းကို ရွှမ်းရိဟန်ဆီ ပေးအပ်ခဲ့သည်။
ထို့နောက် နောက်ထပ်ပြိုင်ဆိုင်မှုတစ်ခုဖြစ်သည့် ချောင်ယဲ့ ၊ ရွှမ်းရိဟန် အပါအဝင် အခြားသင်တန်းသားများက C ရာထူးအတွက် ယှဉ်ပြိုင်လိုကြသည်။
ချောင်ယဲ့က ပိုသန်မာပြီး သူကျွမ်းကျင်ပိုင်နိုင်သည့်စွမ်းရည်ပိုင်ဆိုင်မှုတွေကလည်း ပိုကောင်းတော့ C ရာထူးအတွက် ပိုပြီးသင့်တော်တယ် လို့ လူအချို့က ထင်ခဲ့ကြသည်။
သို့သော်လည်း ဖိန်ချုံအဖွဲ့မှ ကိုယ်စားပြုအနေဖြင့် ရွှမ်းရိဟန်ကသာ စင်မြင့်ထက်တွင် ပိုကောင်းအောင်စွမ်းဆောင်နိုင်မည်ဟု ထင်ကြေးပေးကြပြီး C ရာထူးအတွက် ပိုသင့်တော်သည်ဟု အခိုင်အမာဆိုကြသည်။
သီချင်းစာသားများ ခွဲဝေခြင်းနှင့်ပတ်သတ်ပြီး ယခင်က ပဋိပက္ခမီးများက ပြေလည်သွားခြင်းမရှိသေးသည့်အပြင်မှာကိုမှ ယခုအခါ ထိုမကျေနပ်မှုများသည် ဒီတကြိမ်မှာ စုပုံပြီးရောက်ရှိလာလေသည်။
ထို့ကြောင့် အချို့သော အလယ်ဗဟိုနေရာရှိ
ခေါင်းဆောင်များက အကြံပေးလာသည်။
"မင်းတို့ PK နေရာကို ဘာလို့ မဲမပေးတာလဲ၊ အဖွဲ့ထဲ မဲပေးပြီး ဆုံးဖြတ်ရအောင်"
ထို့နောက် ဝန်ထမ်းများက ဒီသီချင်းအတွက် သီချင်းတိုလေးတစ်ပုဒ်ပေးခဲ့ပြီး သူတို့သုံးဦးအား သီးခြားစီ သီဆိုဖျော်ဖြေစေသည်။
ချောင်ယဲ့သည် ထရိန်နင်လုပ်ခဲ့သည်မှာ သုံးနှစ်ရှိပြီဖြစ်ပြီး သီဆိုကခုန်ခြင်းမှာ အလွန်ကောင်းမွန်၏ ။ ပို၍ထင်ရှားသည်မှာ သုံးယောက်ထဲတွင် သူက အထူးချွန်ဆုံး ဖြစ်သည်။
ပရိသတ်အားလုံးက ဒါကိုမြင်ပြီး သူအနိုင်ရဖို့အတွက် ရည်မှန်းထားကြသည်။
သို့သော် မဲရလာဒ်ထွက်လာသည့်အခါ C ရာထူးက ရွှမ်းရိဟန်သာ အနိုင်ရရှီခဲ့ကြောင်း ရုတ်တရက် ကြေငြာလာခဲ့သည်။
ထို့နောက်မှာတော့ ရွှမ်းရိဟန်၏အပြင်းအထန်လေ့ကျင့်နေသည့်ပြကွက်အချို့ကို ဖြတ်ထုတ်ထားပြီး ဗီဒီယိုထဲတွင် ဖိန်ချုံက ရွှမ်းရိဟန်အတွက် လက်ခုပ်တီးကာ ချီးကျူးသံကိုကြားလိုက်ရသည်။
"မင်းနဲ့ ဒီ C ရာထူးက ထိုက်တန်ပါတယ်"
[ ဖိန်ချုံ မင်းမျက်လုံးကန်းနေတာလား။ရွှမ်းရိဟန်က ဒီနေရာနဲ့ ဘယ်မှာထိုက်တန်လို့လဲ ]
[ မင်း ကန်းနေလား။အဲ့ဒါက တည်းဖြတ်ထားတယ်ဆိုတာ နားမလည်ဘူးလား ]
[ဟုတ်တယ်...ဒါက ဖိန်ချုံရဲ့ရွေးချယ်မှုမဟုတ်ဘဲ သင်တန်းသားတွေက မဲပေးပြီး ဆုံးဖြတ်ခဲ့တာလေ ]
[ တည်းဖြတ်ပြီးပြသပေမယ့် ဖျော်ဖြေတင်ဆက်တာမှာ ဘယ်သူကောင်းတယ် ဘယ်သူမကောင်းဘူးဆိုတာ ပြောပြလို့ရနိုင်ပါသေးတယ် ]
[ တဆိတ်လောက် ပြောခွင့်ပြုပါ...တစ်ယောက်ကိုတစ်ယောက် ဖယ်ထုတ်ဖို့အတွက် မဲပေးကြတယ်ဆိုတာ ထင်ရှားပါတယ်။ဒါပေမယ့် မဲပေးခဲ့ကြတဲ့သူတွေက ရွှမ်းရိဟန်နဲ့ အမြဲတမ်းဆက်ဆံရေးကောင်းနေကြတဲ့သူတွေဆိုတာ ငါတို့မသိကြလို့လား ]
[ ချောင်ယဲ့ရှေ့မှာ ရွှမ်းရိဟန်က C ရာထူးအတွက် ထိုက်တန်တယ်လို့ပြောရဲတယ်ပေါ့။ကြည့်ရတာ ဖိန်ချုံက ချောင်ယဲ့ကို မနှစ်မြို့နေတာ ဖြစ်နိုင်မလား ]
ဒီအပိုင်းကိုထုတ်လွှင့်ပြီးချိန်မှာတော့ ချောင်ယဲ့၏ပရိသတ်တွေ ၊ နည်းပြဆရာပရိသတ်တွေ ၊ ရွှမ်းရိဟန်၏ပရိသတ်တွေ နဲ့ ဖြတ်သွားဖြတ်လာတို့ အားလုံး ငြင်းခုန်လာကြပါတော့သည်။
အစကတော့ လင်းယန်ရန်၏အဖွဲ့မှာ ဗရုတ်သုတ်ခနိုင်လွန်းတဲ့အဖွဲ့ဖြစ်သင့်တယ်လို့ လူတိုင်းကထင်ခဲ့ကြပေမယ့် ဖိန်ချုံအဖွဲ့ရဲ့ပရိသတ်တွေက ပထမဆုံးအနေနဲ့ သူတို့ပုတ်ခတ်ခြင်းခံကြရလိမ့်မယ်လို့ တစ်ခါမှ မမျှော်လင့်ထားကြပေ။
အထူးသဖြင့် ချောင်ယဲ့၏ပရိသတ်များက သူတို့အိုင်ဒေါလ်၏နေရာကို ခေါင်းပုံဖြတ်အမြတ်ထုတ်ပြီး C ရာထူးလုယက်ခံရသည်ကို မြင်ကြသည်။နောက်တော့ သူတို့အိုင်ဒေါလ်က ထောင့်တစ်နေရာတွင် တစ်ယောက်တည်းလေ့ကျင့်နေခဲ့ပြီး နည်းပြက ရွှမ်းရိဟန်အကြောင်း မျက်နှာချင်းဆိုင် ကြွားလုံးထုတ်သည့်စကားကို နားထောင်နေရသည်။နောက်ဆုံးတွင် ရွှမ်းရိဟန်၏အပြင်းအထန်ကြိုးစားလေ့ကျင့်နေသည်ကိုပြသပြီး တစ်ယောက်တည်းလေ့ကျင့်နေသည့်ချောင်ယဲ့၏ပုံပေါ်တွင်
"သေးငယ်တဲ့သဘောထားကွဲလွဲမှုတွေအများကြီးရှိပေမယ့် နောက်ဆုံးမှာတော့ ကျွန်တော်တို့ရဲ့ အိပ်မက်တွေကို အကောင်အထည်ဖော်ဖို့ အတူတကွ လုပ်ဆောင်နေဆဲပါ"
ဟူသောစာတန်းထိုးကာ ပရိသတ်များကို အားပေးနှစ်သိမ့်ပေးခဲ့သည်။
ဤစာပိုဒ်ကို ပြောင်းပြန်လှန်ရန် ကြိုးစားခြင်း ဇာတ်လမ်းအသွားအလာသည် နွေးထွေးပြီး စိတ်အားထက်သန်လာအောင် ဆွဲဆောင်ခဲ့သော်လည်း ပရိသတ်များက သူတို့ဆွဲဆောင်တိုင်း မြောပါမသွားခဲ့ပေ။
[ ရွှမ်းရိဟန်က သောက်ကျိုးနည်းကို နန်းဆန်လွန်းတယ် မဟုတ်လား ]
[ မီးမောင်းထိုးပြခံရမယ့် C နေရာအတွက် အောင်မြင်ကျော်ကြားလာနိုင်တဲ့ဇာတ်လမ်းကြောင်းတစ်ခုလုံးကို ဒီအုပ်စုတစ်ခုလုံးက သူ့ကို ပေးအပ်ခဲ့တာတဲ့လား ]
[ ချောင်ယဲ့က အချိန်တိုင်း မထင်မရှားထောင့်တစ်နေရာလေးမှာနေပြီး လေ့ကျင့်ဖို့ ခေါင်းပုံဖြတ်ခံနေရတယ်။ငါ အန်ချင်လာပြီ ]
[ ငါ ဒီအဖွဲ့ကို အများကြီးမျှော်လင့်ထားပေမယ့် အခုတော့ ရွံသွားပြီ ]
ပရိုဂရမ်အဖွဲ့က နောက်ပိုင်းအဆင့်မှာ ချောင်ယဲ့ရဲ့ပရိသတ်တွေ မကျေမနပ်ဖြစ်ကြလိမ့်မယ်လို့လည်း ကြိုမျှော်လင့်ထားတာကြောင့် ဗီဒီယိုအဆုံးမှာ သူ့ကိုရိုက်ကူးထားသည့်အပိုင်းတိုလေးကို နှစ်သိမ့်သည့်အနေဖြင့် ပြသလာခဲ့သည်။
စင်မြင့်ပေါ်ရှိ စခရင်ကြီးသည် အနက်ရောင်ဖြစ်သွားပြီး ထို့နောက်မှာတော့ စာတန်းထိုးလာသည်။
[ ဒီဗီဒီယိုက မနက်နှစ်နာရီ လေ့ကျင့်ခန်းအတွင်းက ပြကွက်ဖြစ်တယ် ]
ထို့နောက် မြင်ကွင်းပြောင်းသွားပြီး ကင်မရာက အခန်းကို ပြသထားသည်။
ရွှမ်းရိဟန်သည် သူ့အဝတ်အစားများကို ကောက်ယူလိုက်ပြီး လေ့ကျင့်ခန်းမှထွက်သွားတော့မည်။ သူက ခေါင်းကိုလှည့်ပြီး အဲ့ဒီမှာရှိနေသေးတဲ့ချောင်ယဲ့ကိုလှမ်းကြည့်ပြီး မေးလိုက်သည်။
" ချောင်ယဲ့ မပြန်သေးဘူးလား"
ချောင်ယဲ့ လှည့်မကြည့်ဘဲ ခေါင်းခါပြလိုက်ပြီး
"အရင်ပြန်နှင့်။ငါ ဆက်ပြီး လေ့ကျင့်လိုက်ဦးမယ်"
ရွှမ်းရိဟန်သည် တစ်ခုခုပြောဖို့ပါးစပ်ကိုဖွင့်လိုက်ပေမယ့် နောက်ဆုံးတော့ ဘာမှမပြောဘဲ ပြုံးပြလိုက်ပြီး
"ကောင်းပြီ...ဒါဆိုလည်း လေ့ကျင့်ချိန်ကို အရမ်းကြီး နောက်ကျတဲ့အထိ မနေနဲ့။အနားယူဖို့လည်း ဂရုစိုက်ပါဦး"
ဒီတကြိမ်မှာတော့ ချောင်ယဲ့ အဖြေပြန်မပေးတော့ဘဲ ဂီတသံစဉ်အတိုင်း လိုက်လံကခုန်နေလျက်ရှိသည်။
နောက်ပိုင်းကာလတွင် လျှင်မြန်စွာလှည့်ပတ်နေသောနာရီပုံစံကိုပြသထားပြီးနောက် ထပ်မံစာတန်းထိုးပြလာပြန်သည်။
[မနက် ၃ နာရီ ၁၅ မိနစ်...]
ကင်မရာထဲ၌ ချောင်ယဲ့သည် ချွေးတွေစိုရွှဲနေခဲ့ပြီး စိတ်လှုပ်ရှားမှုမရှိသော စက်ရုပ်ကဲ့သို့ နံရံကပ်မှန်ရှေ့တွင် သူ၏လှုပ်ရှားမှုများကို ထပ်ခါတလဲလဲ လေ့ကျင့် ရင်း အလွန်ပင်ပန်းနေပြီဖြစ်သည်။
နောက်ပိုင်းတွင် သူသည် အချို့သော လှုပ်ရှားမှုတစ်ခုကို လေ့ကျင့်သောအခါ၌ သူ့ကြွက်သားတွေက မခံနိုင်တော့တာကြောင့် အချိန်အကြာကြီး မတ်တပ်မရပ်နိုင်တော့ဘဲ မြေပေါ်သို့ လဲကျသွားခဲ့သည်။
ဒီမြင်ကွင်းကို မြင်လိုက်ရတဲ့ ပရိသတ်တွေက ဒေါသတွေထွက်ပြီး စိတ်မကောင်းဖြစ်နေကြသည်။
[ ငါတို့ရဲ့ချောင်ယဲ့က အေးစက်တဲ့သွင်ပြင်ရှိပေမယ့် သူ့ရဲ့စိတ်ပိုင်းဆိုင်ရာကတော့ အရမ်းသန်မာတယ်။သူနောက်ကျတဲ့အထိလေ့ကျင့်နေတာက C ရာထူးမရတဲ့အတွက် သူ့မှာလိုအပ်ချက်တွေရှိနေတယ်လို့ ခံစားရပြီး အဲ့ဒါကိုပြင်ဆင်ဖို့ အပြင်းအထန် လေ့ကျင့်နေတာပဲဖြစ်ရမယ် ]
[ အဓိက main point ကတော့ သူက သူ့ခွန်အားတွေအားလုံးကုန်ခမ်းသွားတဲ့အထိ လေ့ကျင့်နေတာကိုကြည့်ပြီး ငါ တကယ်ကို မျက်ရည်ကျနေပြီ ]
[ ရွှမ်းရိဟန် အမှိုက်လိုကောင်။ငါ ဒေါသထွက်ပြီး သူ့ကို သတ်ချင်လာပြီ ]
ပရိသတ်များက ပေါက်ကွဲသံစဥ်တွေအရူးအမူးထုတ်ဖော်ပြောနေကြချိန် ကင်မရာထဲတွင် လေ့ကျင့်ခန်းတံခါးပွင့်လာသည်ကို တွေ့လိုက်ကြရသည်။
ထို့နောက် ဘယ်သူမှ မမျှော်လင့်ထားတဲ့ လူတစ်ယောက် ဝင်လာခဲ့သည်။
[ မီးခိုး ????]
[ Wooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooo
ယန်ရန်လောင်ရှီး...ဂရုစိုက်ပေးတဲ့အတွက် ကျေးဇူးပါ...ဒီနည်းပြဆရာကို စိတ်ရင်းနဲ့ ကျေးဇူးတင်နေပါပြီ ]
[ ရိုးရိုးသားသားပြောရရင် ယန်ရန်က ချောင်ယဲ့ဆီကို လျှောက်သွားတဲ့အချိန် သူ့ဆီကနေ သန့်ရှင်းတဲ့အလင်းတန်းတွေထုတ်လွှတ်နေတယ်လို့ ငါတကယ်ပဲ ခံစားလိုက်ရတယ်။ချဲ့ကားပြောဆိုရမယ်ဆိုရင် အမှောင်ထဲမှာလမ်းပျောက်နေတဲ့အချိန် တစ်စုံတစ်ယောက်က အလင်းတန်းတစ်ခုယူဆောင်လာပြီး လမ်းပြပေးနေတယ်လို့ ခံစားရတယ် ]
[ ကျွန်မရဲ့ကိုယ်ရည်ကိုယ်သွေးက ချောင်ယဲ့နဲ့ ပိုတူတာမို့ ယန်ရန်ရဲ့ဆက်ဆံပုံကို အရမ်းသဘောကျတယ်။အဲ့ဒီ့အချိန်မှာ ချောင်ယဲ့က စိတ်မချမ်းမြေ့နေတာကိုသိပေမယ့် ဘာတစ်ခွန်းမှမနေးဘဲ ရေတစ်ပုလင်းကို တိတ်တိတ်လေးလှမ်းပေးလိုက်တာကိုပဲကြည့်ပါဦး...]
[အဲဒါက အရမ်းနွေးထွေးပြီး EQ မြင့်တယ်]
လူတိုင်းရဲ့ ချီးကျူးမှုကိုမြင်တော့ black fans တွေက တစ်စခန်း ထလာပြန်သည်။
[စိတ်ခံစားမှုဆိုင်ရာ ဉာဏ်ရည်ဉာဏ်သွေးသည် မြင့်မားတယ်ဟုတ်လား။အရင်င်က ရွှမ်းရိဟန်ကို ဒုက္ခပေးခဲ့တာကို မေ့သွားပြီလား ]
[ မေ့လိုက်တော့...ဒါက ရိုက်ချက်တစ်ခုပဲလေ..ဇာတ်ညွှန်းရှိ မရှိကို ဘယ်သူသိနိုင်မှာလဲ ]
[ ရေတစ်ပုလင်းလေး ပေးလိုက်ရုံနဲ့ ချက်ချင်းပဲ နွေးထွေးတတ်လိုက်တာဆိုပြီး ကျော်သွားပေးလိုက်တယ်ပေါ့။ငါ ဒီလို ကမ္ဘာကြီးမျိုးကို တစ်ခါမှ မမြင်ဖူးခဲ့ဘူး ]
[ Azure's note .. ခုမြင်ဖူးပြီး မဟုတ်လား 😒😒😒]
စင်မြင့်မီးများမှိန်ကျသွားပြီး ကန့်လန့်ကာနောက်မှ ဖိန်ချုံ၏အဖွဲ့သားများ စင်ရှေ့သို့ထွက်လာကြ၏ ။
သင်တန်းသား ဆယ့်ငါးယောက်သည် အနက်ရောင်ဝတ်စုံများ ဝတ်ဆင်ထားကြပြီး အရပ်မြင့်မြင့် ခြေတံရှည်ရှည်များရှိ သော သင်တန်းသားအသီးသီး မတ်တပ်ရပ်နေရာကပင် လူတိုင်း၏အာရုံ ကို ချက်ချင်း ဖမ်းစားလိုက်ကြသည်။
စင်မြင့်အလယ်မှာ ရပ်နေတဲ့ ရွှမ်းရိဟန်သည်အရင်ကလို ချစ်စရာယုန်ဖြူလေးတစ်ကောင်နှင့်မတူတော့ပေ။သူ ဒီနေ့ဝတ်ထားသည့်ပုံက အရမ်းမိုက်သည်။ ဆက်စီကျလှသော V-neck ဝတ်စုံကိုဝတ်ဆင်ထားပြီး သူ၏ကောင်းမွန်လှသော ရင်ဘတ်သားဖြူဖြူလေးကိုပေါ်လွင်ထင်ရှားစေပြီး အပြုံးအနည်းငယ်ဖြင့် စတိုင်လ်ကျ၍လှပနေပါသည်။
ထို့နောက် တေးဂီတသံ ထွက်ပေါ်လာပြီး တူညီသော ကိုယ်ဟန်အမူအရာများ ပြုလုပ်ကြသည်။
ပရိသတ်များက သူတို့စပြီး ကခုန်ကတည်းက အဝေးသို့ အကြည့်မလွှဲနိုင်ကြတော့ပေ။
ဓားများဖြင့် လှပစွာ ကခုန်နေကြသည်!
အမည်ဖော်ပြသည့်အတိုင်း ဓားအကအဖွဲ့ အကဆိုသည်မှာ ဓားဆွဲအကကဲ့သို့ သပ်ရပ်သောအကကို ဆိုလိုသည်။
ပင်မအုပ်စုနှစ်စု၏ ပုံစံသည် ယခင်အုပ်စုနှစ်စုနှင့် ကွဲပြားသည်။ ယခုအချိန်တွင် စင်မြင့်ပေါ်ရှိ ဖိန်ချုံအဖွဲ့မှသင်တန်းသားများ၏ စင်မြင့်ဖျော်ဖြေမှုသည် ပရိုဂရမ်၏အစီီအစဉ်အတိုင်း ပရိသတ်များက ထိုအပေါ်၌သာ အာရုံစိုက်နေကြပါသည်။
တကယ်တော့ ဒီအဖွဲ့ထဲက ကကွက်တွေဟာ အရမ်းခက်ခဲလှသည်တော့ မဟုတ်။လှုပ်ရှားကခုန်ရမဲ့အကွက်တွေ အများကြီးပါသည်။
မကြာခဏ လှုပ်ရှားမှုဆိုသည်မှာ လှုပ်ရှားမှုများ ရှုပ်ယှက်ခတ်လာမည်ကိုဆိုလိုသည်။
သို့သော် မကြာမီတွင် ပရိသတ်သည် ရာထူးမည်မျှပင် ပြောင်းလဲစေကာမူ သင်တန်းသားများသည် အခြေခံအားဖြင့် သူတို့၏ လှုပ်ရှားမှုများကို တသမတ်တည်း ထားရှိသည်ကို တွေ့ရှိခဲ့သည်။
လက်ကို မြှောက်လိုက်တာပဲဖြစ်ဖြစ် ၊ ကွေးလိုက်ပဲဖြစ်ဖြစ်၊ ခုန်ပေါက် တာပဲဖြစ်ဖြစ်၊ အားလုံး တစ်ထပ်တည်းနီးပါးတူညီအောင် ကခုန်နိုင်ကြသည်။
လူဆယ့်ငါးယောက်က ခမ်းနားထည်ဝါနေပြီဖြစ်သော်လည်း ထိုကဲ့သို့ သပ်ရပ်သောအကများဖြင့် စင်မြင့်ပေါ်တွင် တင်ဆက်လိုက်သောကြောင့် ပရိသတ်ကို အံ့အားသင့်တုန်လှုပ်ချောက်ချားစေသည့်အချက်မှာသေးငယ်လှသည်တော့ မဟုတ်ပေ။
ဖိန်ချုံအဖွဲ့၏ ဖျော်ဖြေပွဲအစမှ အဆုံးအထိ စင်မြင့်အောက်မှ အော်သံများသည် ရပ်တန့်သွားခြင်းမရှိပေ။
စင်မြင့်ပေါ်တွင် ရွှမ်းရိဟန်သည် C အနေအထား၏အလယ်ဗဟိုတွင် ရပ်နေပြီး အသင်းဖော်များက သူ့ကို အလယ်ဗဟိုတွင် ဝိုင်းထားသည်။
နောက်ဆုံး ဒရမ်တီးခတ်မှုနှင့်အတူ သူသည် လှည့်ကြည့်ကာ လုံးဝကို ချောမွေ့သော ဇာတ်သိမ်းခန်းကို ပုံဖော်ခဲ့သည်။
ဖျော်ဖြေပွဲအပြီးတွင် ဖိန်ချုံက ထရပ်၍ လက်ခုပ်တီးရန် ဦးဆောင်ခဲ့သည်။
ထို့နောက် ပရိသတ်များက သူ့နောက်မှလိုက်ကာ စင်ပေါ် ရှိ သင်တန်းသားများအတွက် လှိုက်လှိုက်လှဲလှဲ ချီးကျူးကြသည်။
"အရင်က VCR ကိုကြည့်လိုက်ရင် အားလုံးက ငါတို့အဖွဲ့ ကြားက ဆက်ဆံရေးကို နားလည်မှုလွဲပြီး အရည်အချင်း ပြည့်မီတဲ့ စင်မြင့်ပေါ်မှာ ဖျော်ဖြေနိုင်ပါ့မလားလို့ တွေးမိကြလိမ့်မယ်။ ဒါပေမယ့် အခု ငါတို့အဖွဲ့ရဲ့ စွမ်းဆောင်ရည်ကို ကြည့်ပြီး မင်းတို့အနေနဲ့ အငြင်းပွားမဲ့စကားတွေကို ထပ်ပြောစရာ မလိုတော့ဘူးလို့ ငါယုံကြည်တယ်။ ကျွန်တော်တို့ အဖွဲ့ရဲ့ စည်းလုံးညီညွတ်မှုကို လူတိုင်း ခံစားမိမှာပါ"
စာကြောင်းတစ်ကြောင်းဖြင့် ဖိန်ချုံသည် ယခင် VCR ၏ အကြောင်းအရာကို သိမ်းကျုံးပြောဆိုသွားသည်။
ထိုသို့ ပြောပြီးတဲ့အခါ ဖိန်ချုံက ပရိသတ်ကိုကြည့်ပြီး မေးလိုက်သည်။
"မင်းတို့ ဘယ်လိုထင်လဲ"
ပရိသတ်က ကျယ်လောင်စွာ အော်ဟစ်ပြီး ပြန်ဖြေသည်။
"ဟုတ်တယ်"
ယခင်အဖွဲ့နှစ်ဖွဲ့၏ ဖျော်ဖြေမှုများမှာလည်း ကောင်းမွန်သော်လည်း ဖိန်ချုံအဖွဲ့နှင့် နှိုင်းယှဉ်ပါက ထောင်ထောင်အဖွဲ့၏ ကကွက်နှင့် ဟန်ကျွယ်အဖွဲ့၏ကကွက်များသည် အရမ်း စိတ်ဝင်စားစရာမရှိသလို သေသပ်လှပခြင်းလည်း မရှိပေ။
နောက်ဆုံးမဖျော်ဖြေရသေးသောအဖွဲ့နှင့်ပတ်သတ်၍ သူတို့အနေနဲ့ နောက်ထပ် အံ့ဩစရာများရှိလာမည်မဟုတ်ကြောင်းကိုလည်း သူတို့သိထားကြသည်။
ထို့ကြောင့် ဤကဲ့သို့ နှိုင်းယှဉ်ကြည့်ခြင်းအားဖြင့် ယနေ့ည ပရိသတ်များအတွက် ဖိန်ချုံအဖွဲ့က အကောင်းဆုံးဖြစ်နေတာကိုတော့ သူတို့အနေနဲ့ အံ့ဩစရာမရှိပေ။
ဖိန်ချုံလည်း ထိုကဲ့သို့တွေးနေပုံရပြီး သူအနိုင်ရပြီးသားဟု ယုံကြည်ထားပုံရသည်။
ဖျော်ဖြေပွဲအပြီးတွင် PK နည်းပြအဖွဲ့နှစ်ဖွဲ့သည် ၎င်းတို့ ထင်မြင်ယူဆသည့် အကောင်းဆုံးကစားသမားကို မဲပေးနိုင်ပြီး ဆန်ခါတင်အကောင်းဆုံးသင်တန်းသားအုပ်စု တစ်ခုစီအတွက် ပရိသတ်က မဲ 10 မဲထည့်နိုင်သည်။
စီစဉ်တင်ဆက်သူအနေဖြင့် လင်းယန်ရန်အား ပထမဦးစွာ ညွှန်ပြပြီး တင်ဆက်သွားမှုအပေါ် အကောင်းဆုံးဖြစ် မဖြစ် မည်ကဲ့သို့ထင်မြင်ကြောင်း ကြေညာစကားပြောဆိုပေးရန် တောင်းဆိုလာသည်။
လင်းယန်ရန်သည် မိုက်ခရိုဖုန်းကို ကောက်ကိုင်လိုက်ပြီး ပြိုင်ဘက်အသင်းအား အလွန်ကြင်နာသော အပြုအမူဖြင့် ချီးကျူးခဲ့သည်။
"ပြီးခဲ့တဲ့ သုံးရက်က အဖွဲ့တစ်ဖွဲ့စီအတွက် သီးခြားစီ လေ့ကျင့်ခဲ့ကြတယ်၊ အဆုံးမှာ တခြားတစ်ဖွဲ့က ဘယ်လို ဖျော်ဖြေမယ်ဆိုတာကို ကျွန်တော်တို့ တစ်ယောက်မှ ကြိုပြီး မသိခဲ့ကြဘူး၊ ဒါကြောင့် မင်းတို့ရဲ့ဖျော်ဖြေရေးဇာတ်ခုံကို စောင့်မျှော်နေခဲ့တယ်။ ဒီည ကြည့်ပြီးတော့ ပြောချင်တာက မင်းတို့အဖွဲ့နဲ့ထိုက်တန်တယ်.. အဲဒါ [နတ်ဆိုး ဘုရင်ကြီး] ၊ သူက ကြီးကျယ်ခမ်းနားတယ်။"
သင်တန်းသားအားလုံးကို ချီးမွမ်းပြီးနောက် လင်းယန်ရန်က သူချရေးထားသော အမည်ကို လှန်ပြလိုက်သည်။
ချောင်ယဲ့၏ နာမည်က ကင်မရာရှေ့မှာ ပေါ်လာသည်။
"စင်ပေါ်မှာ ချောင်ယဲ့ရဲ့ စွမ်းဆောင်နိုင်မှုက ငါ့အာရုံကို ပိုပြီးဖမ်းစားနိုင်ခဲ့တယ်"
လင်းယန်ရန်သည် ထောင့်စွန်တွင်နေရာချထားသည့် ချောင်ယဲ့ကိုကြည့်ကာ ကတိပြုလိုက်သည်။
"ဒါဆို ကျွန်တော့်ဘက်က အကောင်းဆုံးအဖြစ် ချောင်ယဲ့ကို မဲပေးချင်ပါတယ်"
လင်းယန်ရန် ပြောစကားအဆုံးတွင် စင်အောက်ရှိ ပရိသတ်တွေက သူ့ကို လက်ခုပ်တီးပြီး အော်ဟစ်အားပေးကြတာ ပထမဆုံးအကြိမ်ပါပဲ။
ဒီအားပေးကြတဲ့လူတွေက ချောင်ယဲ့ရဲ့ ပရိသတ်တွေပါ။
စင်မြင့်ပေါ်ရှိ ချောင်ယဲ့သည် သိသိသာသာကို အံ့ဩသွားကာ လင်းယန်ရန်ကို အံ့အားသင့်စွာကြည့်လိုက်ပြီးနောက် ပရိသတ်များ၏အော်ဟစ်ထောက်ခံသံများကြားတွင် လင်းယန်ရန်အား ကျေးဇူးတင်စွာ ရှိခိုးဦးညွှတ်လိုက်သည်။
လင်းယန်ရန်၏မဲပေးမှုကို ဖိန်ချုံအနေဖြင့် ထူးပြီး အံ့ဩမနေခဲ့ပါ။အဘယ်ကြောင့်ဆိုသော် သူ၏နားလည်မှုအရ လင်းယန်ရန်လုပ်သမျှသည် ရွှမ်းရိဟန်ကို တမင်ရည်ရွယ်ပြီး ပစ်မှတ်ထားသည်ဟု ယူဆသောကြောင့် ဖြစ်သည်။
အထူးသဖြင့် ချောင်ယဲ့ နှင့် ရွှမ်းရိဟန်တို့ အကြား ပဋိပက္ခကို ပြသသည့် ဗီဒီယိုဖိုင်တွင်သူက ယခုအချိန်ကိုအသုံးပြု၍ ချောင်ယဲ့ကိုအတိအကျ ထောက်ပြလာခဲ့သည်။
သူ့အမြင်မှာ တစ်ဖက်က ရည်ရွယ်ချက်ရှိရှိနဲ့ ရက်စက်စွာ လှည့်စားနေသယောင်။
ဤသို့ဖြင့် သူ့အလှည့်ကြေညာဖို့အလှည့်ရောက်လာတော့ သူ့ချစ်ရသူကိုသာ တိုက်ရိုက်ထောက်ခံပေးခဲ့သည်။
"ရွှမ်းရိဟန် မင်းမှာ သင်တန်းသားတစ်ယောက်အနေနဲ့ အတွေ့အကြုံမရှိဘူးဆိုတော့ မင်းရဲ့အရည်အချင်းကို မင်း အမြဲသံသယဝင်နေပြီး C ရာထူးက မင်းနဲ့မထိုက်တန်ဘူးလို့ အမြဲထင်နေတယ်။ဒါပေမယ့် ဒီနေ့ မင်းကိုကြိုက်တဲ့သူတိုင်းကို မင်းရဲ့ ပြီးပြည့်စုံတဲ့ ဖျော်ဖြေမှုတစ်ခုကို ချပြနိုင်ခဲ့ပြီလို့ ငါထင်တယ်။တခြားသူတွေပြောတာကို ဂရုမစိုက်နဲ့။ဘာဖြစ်လို့လဲဆိုတော့ မင်း စင်မြင့်ပေါ်ရပ်တဲ့အခါ မင်းကို စင်ပေါ်မှာ ရပ်တည်နိုင်စွမ်းကို ငါမြင်နိုင်လို့"
ဖိန်ချုံရဲ့မိုက်မဲလှတဲ့ စကားလုံးလှလှလေးတွေက စင်အောက်မှ သူ့ရဲ့ပရိသတ်တွေကို ချက်ချင်းလက်ငင်း ဟစ်အော်စေနိုင်ခဲ့သည်။
စွမ်းရည်ပြရှိုးတွင် ကြည့်ရှုသူအများအပြားသည် ဤ တန်ပြန်တိုက်စစ်ဇာတ်ညွှန်းကို နှစ်သက်ကြသောကြောင့် ဖိန်ချုံ၏စကားမျာအရ ရွှမ်းရိဟန်သည် အမြဲကြိုးစားကာ သူ၏စွမ်းရည်ကိုမြှင့်တင်နေပြီး အရည်အချင်းရှိသူတစ်ယောက်ဖြစ်သော်လည်း သူ့ကိုယ်သူ ယုံကြည်မှုမရှိသဖြင့် လူတိုင်း၏အားပေးမှုကို လိုအပ်နေသည်။
C ရာထူးမှာ သူ့ကို မကျေနပ်တဲ့လူတချို့က အခုချိန်မှာ ဘာတစ်ခွန်းမှထပ်ပြောမလာကြတော့ပေ။
[ အရင်က မင်းမှာ အခြေခံအုတ်မြစ်လုံးဝမရှိဘဲ အလျင်အမြန်တိုးတက်အောင်လေ့ကျင့်နိုင်တာက အရမ်းကောင်းတယ် ]
[ ယုံကြည်မှုမရှိဘဲ မနေပါနဲ့။ မင်းက အရမ်းသန်မာပြီး C ရာထူးနဲ့ထိုက်တန်ပါတယ် ]
ရွှမ်းရိဟန်သည် ဖိန်ချုံကို အံ့အားသင့်စွာကြည့်ပြီးနောက် စိတ်လှုပ်ရှားစွာဖြင့် သူ့လက်ကို မရပ်မနားဝှေ့ယမ်းပြကာ လေသံတိုးတိုးလေးဖြင့် ပြန်ဖြေလာသည်။
"ဟုတ်ကဲ့"
အခုချိန်မှာတော့ လူတိုင်းရဲ့မျက်လုံးတွေက သူ့ကိုအာရုံစိုက်နေကြပြီမို့ ပရိသတ်တွေကို ဆွဲဆောင်နိုင်ဖို့အတွက် အကောင်းဆုံးကြိုးစားပြီး သူ့ရဲ့အမူအယာကို ထိန်းသိမ်းထားရန် ကြိုးစားနေခဲ့သည်။
ဒီမှာရှိတဲ့ လေထုအငွေ့အသက်ကအဆင်ပြေနေပြီး ချောချောမွေ့မွေ့နဲ့ ကျော်ဖြတ်သွားနိုင်၏ ။
သို့သော် ဖိန်ချုံကမူ မကျေနပ်သေးချေ။ လင်းယန်ရန်ကို တိုက်ရိုက်ကြည့်ကာ ဂုဏ်ယူဝင့်ကြွားသောလေသံဖြင့် မေးလိုက်သည်။
"ဆရာ ယန်ရန်၊ မင်းရော ဘယ်လိုထင်လဲ"
ပွဲတွေကိုကြိုက်နှစ်သက်သော ပရိသတ်များက ရွှင်မြူးလာကြသည်။
[ ငါ လာပြီ !! နောက်ဆုံးတော့ ရောက်လာပြီ !! ငါတို့ကို တစ်ညလုံး မစောင့်ရစေနဲ့ ]
[ ဖိန်ချုံက အရမ်းတော်လွန်းတယ် ]
[ ဒါက ငါရင်းနှီးတဲ့အရသာပဲ။အရင်က ငြိမ်းချမ်းလွန်းတဲ့ ချစ်ခြင်းမေတ္တာတရားက ငါ့ကို ငြီးငွေ့စရာကောင်းစေတယ် ]
[ တိုက်ခိုက်ကြ တိုက်ခိုက်ကြ...ရွှမ်းရိဟန်ကို ယန်ရန်မှတ်ချက်ပေးတဲ့အထိစောင့်ပြီး တိုက်ခိုက်ကြ ]
[ ယန်ရန် - ဒီစွမ်းဆောင်ရည်က B အဆင့်ထက် မပိုနိုင်ဘူး ]
[ ဟားဟားဟားဟား... ရှေ့မှာ တစ်ခုခုဖုံးကွယ်ထားတာရှိရမယ် ]
ဒီနေ့ ရွှမ်းရိဟန်အကြောင်းကို လုံးဝ စကားမဟချင်တဲ့ လင်းယန်ရန်က ဖိန်ချုံက သူ့ကို ဒီလောက် တည့်တိုးဆန်ပြီး ပြတ်ပြတ်သားသားတိုက်ခိုက်လာလိမ့်မယ်လို့ ဘယ်တုန်းကမှ မမျှော်လင့်ထားခဲ့ပေ။
နောက်ဆုံးတွင် တစ်ဖက်သား၏မေးခွန်းက ပေါ့ပေါ့ပါးပါး မေးနေပုံရသော်လည်း တကယ်တော့ နေရာတိုင်းမှာ ထောင်ချောက်တွေနဲ့ ပြည့်နှက်နေခဲ့ပါသည်။
ရွှန်းရိဟန်ရဲ့ စွမ်းဆောင်ရည်ကို အပေါ်ယံ အကဲဖြတ်ရင် ကောင်းတယ်။
ထို့နောက် သူ အကြံဥာဏ်ပေးသည့်အတိုင်း ချက်ချင်းအဓိပ္ပာယ်ပြန်ဆိုမည်ဖြစ်ပြီး ကတ် A ၏ယခင်လုပ်ဆောင်မှုများအပေါ် လွှမ်းမိုးနိုင်စေရန်အတွက် နေရာမရှိပေ။
တိတိကျကျ အကဲဖြတ်ရရင် မကောင်းဘူး။ဆိုးဝါးလွန်းတယ်။
ထို့နောက် သူသည် ရွှမ်းရိဟန်ကို ရည်ရွယ်ချက်ရှိရှိ ပစ်မှတ်ထားပြီး လူကောင်းတစ်ဦးအဖြစ်ဆက်လက်ရပ်တည်ရန် လုပ်ဆောင်ပေးနေသည်။ရွှမ်းရိဟန်၏နေရာတည်မြဲစေရန် နှင့် trending search ထဲဝင်ရောက်ရန်အတွက် တခြားတစ်ဖက်ကိုချနင်းကာ နောက်ထပ်ပရိသတ်တွေရဲ့ ဆူပူအုံကြွမှုကို ဖန်တီး၍ အလွဲသုံးစားလုပ်လာသည်။
တကယ်ကောင်းတဲ့ တွင်းနက်နက်ကို တူးပေးထားတာပဲ။
လင်းယန်ရန်သည် ခေါင်းလှည့်၍ ဖိန်ချုံကိုကြည့်ကာ တစ်ဖက်သား၏မျက်လုံးများတွင် သိုဝှက်ထားသည့် ဒေါသရိပ်များကို တွေ့လိုက်ရသည်။
သူ့ချစ်ရသူအတွက် ဒေါသကို ဖြေဖျောက်ဖို့ သူ့နည်းသူ့ဟန်နဲ့ လုပ်ဆောင်ပေးနေခဲ့သည်။
လင်းယန်ရန်က ချက်ချင်းပြန်မဖြေဘဲ ဖိန်ချုံကို ပေါ့ပေါ့ပါးပါးပြုံးပြကာ မေးလိုက်သည်။
"မင်း အခု ဒီအကြောင်းကို တကယ်ပဲ ထုတ်ပြောစေချင်တာလား"
ဖိန်ချုံသည် လင်းယန်ရန်က ရှောင်ထွက်ချင်နေသည်ကိုမြင်လျှင် ချက်ချင်းခေါင်းညိတ်၍ ထောက်ခံလိုက်သည်။
"မင်းက ရွှမ်းရိဟန်အတွက် အမြဲတမ်း မျှော်လင့်ချက်ကြီးကြီးမားမားထားတယ်ဆိုတာ ငါသိတယ်။ဒါ့ကြောင့် သူအခုဖျော်ဖြေသွားတဲ့အပေါ် မင်း ဘယ်လိုတွေးလဲဆိုတာ ငါသိချင်တယ်"
ဖိန်ချုံ၏ စကားများက အနည်းငယ် ကြမ်းတမ်းနေပြီ ဖြစ်သည်။
ဘေးမှာ ပြုံးပြီးနားထောင်နေသည့် ထောင်ထောင်သည် တစ်ခုခုမှားနေပြီဟု ခံစားနေရသည်။ဖိန်ချုံက သန်းပေါင်းများစွာသော တိုက်ရိုက်ထုတ်လွှင့်သူတွေရှေ့မှာ ယန်ရန်ကို စင်မြင့်ပေါ် မတက်နိုင်အောင် တမင်ကြိုးစားနေတယ်ဆိုတာကို သဘောပေါက်သွားသည်။
ဤအရှက်တရားကိုဖြေရှင်းရန် သူမရှေ့ထွက်ပြီးဖြေရှင်းချင်သော်လည်း မည်ကဲ့သို့ ဖြေရှင်းရမည်ကို သူမမသိပေ။
ထို့နောက် သူမ ပတ်ဝန်းကျင်ကိုလှည့်ပတ်ကြည့်ရှုလိုက်သောအခါ တစ်ချိန်လုံး နှုတ် ဆိတ်နေခဲ့သော ကုစစ်ရယ်သည် မိုက်ခရိုဖုန်းကို ကိုင်ထားလျက်ရှိသည်ကို တွေ့လိုက်ရသည်။
ကုစစ်ရယ်က လင်းယန်ရန်အတွက် ရှေ့ထွက်ပြီးဖြေရှင်းတော့မယ်လို့ထင်တဲ့အခါ တစ်ဖက်က မိုက်ခရိုဖုန်းကို ပြန်ချသွားသည်။
ထောင်ထောင် : ?????
ထောင်ထောငိက ကုစစိရယ်ကို သံသယဖြင့် ကြည့်လာသည်။
တစ်ဖက်လူက လင်းယန်ရန်ကို ကြည့်နေတာကို သူမ တွေ့လိုက်သည်မလား။
လင်းယန်ရန်သည်လည်း ကုစစ်ရယ်၏အပြုအမူကို သတိပြုမိပြီး ပြုံးပြကာ သူ့မျက်လုံးများက ကုစစ်ရယ်ကို သူ့ဘာသာသူ ကိုင်တွယ်နိုင်ကြောင်း ပြောနေခဲ့သည်။
ကုစစ်ရယ်က သူပြောလိုသည့်အဓိပ္ပာယ်ကိုနားလည်သွားပြီး အနည်းငယ် ဇဝေဇဝါဖြစ်သွားသော်လည်း ဝင်မစွက်ဖက်တော့ပေ။
နည်းပြဆရာများကြားတွင် ယမ်းနံ့သင်းသင်းလေး ထွက်ပေါ်လာသည်ကို ပရိသတ်များပင် သတိပြုမိလာကြသည်။
သို့သော် ယန်ရန်သည် ယခင်က ရွှမ်းရိဟန်အပေါ်ဆက်ဆံသည့်ပုံက ရွံမုန်းစရာဖြစ်သည်ဟုယူဆထားသဖြင့် လူတိုင်းက ဖိန်ချုံကို ကောင်းကောင်းလုပ်ခဲ့တယ်ဟု စိတ်ထဲမှနေ၍ လက်ထောင်ပြပြီး တိတ်တဆိတ် ချီးကျူးခဲ့ကြသည်။
အားလုံးက လင်းယန်ရန်ကို အာရုံစိုက်ကာ သူဘယ်လိုပြန်ဖြေမလဲဆိုတာကို သိချင်လာသည်။
"မြင့်မားတဲ့ မျှော်လင့်ချက်တွေထားတာ မဟုတ်ဘူး။ ငါ သူ့ကို အမြဲတမ်း စံနှုန်းတစ်ခု သတ်မှတ်ခဲ့တယ်"
လင်းယန်ရန်၏ ပါးစပ်ကို ဖွင့်လိုက်သည်နှင့် လူတိုင်း၏ နားများ စွင့်ထားကြသည်။
ဖိန်ချုံက မင်းဘယ်လိုဆက်ပြီး မိတ်ကပ်လိမ်းထားလဲဆိုတာ ငါမြင်တယ်ဆိုသည့်အသုံးအနှုန်းမျိုးနဲ့ အပျော်တမ်း အာမေဍိတ်သံကို သံရှည်ဆွဲပြီးပြုလုပ်ခဲ့သည်။
"အိုးးး”
လင်းယန်ရန်သည် သူ့လုပ်ရပ်ကိုစိတ်ထဲမထားဘဲ ရွှန်းရိဟန်ကိုကြည့်ကာ အလျင်မလိုဘဲ ဖြည်းညှင်းစွာ ဆက်ပြောလာသည်။
"စင်ပေါ်မှာ ပထမဆုံး ဖျော်ဖြေတုန်းက "Will" သီချင်း သီဆိုခဲ့တာကို မှတ်မိပါသေးတယ်။ အသင်းနဲ့ဖျော်ဖြေသွားတာက အရမ်းကောင်းတယ်၊ သီချင်းဆိုရာမှာ ကျွမ်းကျင်မှု တော်တော်များများကို မသုံးခဲ့ဘူး၊ အဲဒါက အခြေခံသီဆိုရုံလောက်သာဖြစ်ပြီး ရိုးရှင်းပါတယ်"
လင်းယန်ရန်၏စကားကိုကြားတော့ အားလုံး အံ့ဩသွား ကြသည်။
အဲဒီတုန်းက စကားတစ်ခွန်းမှ မပြောခဲ့ပေမဲ့ အခုတော့ ဂုဏ်ယူစွာနဲ့ထုတ်ပြောတော့မယ် !! အွန်လိုင်းပေါ်မှာ ပါးဖြတ်ရိုက်ခြင်းခံရပြီး ဒူးထောက်နေကြပြီလား !!!
Black fans များက ကွန်ပျူတာစခရင်ပေါ်တွင် ကျည်ဆန်လိုအရှိန်ဖြင့်
[ ယန်ရန် မင်းက အရမ်း သူရဲဘောကြောင်လွန်းတယ် ] ဆိုတဲ့ စကားလုံးကို ရိုက်လို့မပြီးခင်မှာပဲ လင်းယန်ရန်ထံမှ နောက်ထပ်ထပ်ပြောလာသံကိုကြားလိုကိရသည်။
"ဒါပေမယ့် မင်း စည်းချက် သုံးကြိမ်မှားပြီး တီးလုံးကို နှစ်ခါလွတ်သွားတယ်။သံပြိုင်သီဆိုရမယ့် chorus ဆိုတဲ့နေရာမှာ အရှိန်မလျှော့ရတဲ့နေရာကို လမ်းခုလတ်မှာ အရှိန်လျော့သွားခဲ့တယ်။အဆုံးသတ်နားက tremolo ကလည်း ကီးမကိုက်ခဲ့ဘူး"
လင်းယန်ရန်သည် ရွှမ်းရိဟန်၏အားနည်းချက်များကို အေးဆေးတည်ငြိမ်စွာထောက်ပြခဲ့သည်။တစ်ဖက်လူက မှင်သက်သွားသည်ကိုမြင်တော့ သူ့နှုတ်ခမ်းတွေကိုတွန့်ကွေးလိုက်ပြီး
"ဒါပေမယ့် ဒီတစ်ခါတော့ ပိုကောင်းလာပြီ။ ဆရာတစ်ယောက်အနေနဲ့ ငါ့ရဲ့ကျွမ်းကျင်မှုကိုအခြေခံပြီး ထောက်ပြရမယ်ဆိုရင် အသံကို ဒီ့ထက်ပိုပြီးထိန်းချုပ်ဖို့လိုသေးတယ်။ကိုယ့်ရဲ့အားနည်းချက်တွေကို မြင်ပြီး သန်မာတဲ့လူဖြစ်လာအောင်ကြိုးစားပါ"
လင်းယန်ရန်၏ စကားများ ပဲ့တင်ထပ်လာကာ ထွက်ပေါ်လာသောအခါ ဖိန်ချုံ၏ မျက်နှာသည် ချက်ချင်း ပြောင်းလဲသွားသည်။
အစက လင်းယန်ရန်အတွက် ခက်ခဲတဲ့အရာတွေကို ဖန်တီးချင်ခဲ့ပေမယ့် နောက်ဆုံးမှာတော့ တစ်ဖက်က ထိုပြဿနာကို နောက်ကြောင်းပြန်လှည့်ပြီး ယခင်အဖြစ်အပျက်ကို ဖော်ထုတ်လာခဲ့လေသည်။
သူ ဘာလိုချင်တာလဲ? မင်းနာမည် ပြန်ပြီးရှင်းလင်းဖို့ ဒီအခွင့်အရေးကိုယူနေတာလား ?
လင်းယန်ရန်ရဲ့ အသွင်အပြင်က ပရိသတ်တွေကို အံ့အားသင့်စေခဲ့သည်။
သို့သော်လည်း လင်းယန်ရန်သည် ထိုကဲ့သို့သော အခြေအနေမျိုး မည်ကဲ့သို့ ဖြစ်ပေါ်လာပုံကို တွေးတောရန် အချိန်မပေးချင်သဖြင့် ပါးစပ်ကို ပြန်ဖွင့်လိုက်သည်။
" မင်းရဲ့ ကနဦးအဆင့်သတ်မှတ်မှုကို အကဲဖြတ်ရမယ်ဆိုရင် ပေးတဲ့အချိန်က နည်းတဲ့အတွက် ဒရမ်ရဲ့စည်းချက်နောက်ကို မင်းခြေထောက်က လုံလုံလောက်လောက်လိုက်မမှီနိုင်ခဲ့တာက ပြဿနာမဟုတ်ဘူး။ဒါပေမယ့် မင်းရဲ့ အားထည့်ပြီးပေါက်ကွဲရမယ့်စွမ်းအားက မလုံလောက်သလို ကကွက်တွေကလည်း မသပ်ရပ်ဘူး။ရှုပ်ထွေးနေတယ်။ဒီအချိန်မှာ ငါ သတိထားမိတာက စွမ်းဆောင်ရည်က ပြင်းထန်လာပေမယ့် ထိန်းချုပ်မှုအပိုင်းမှာတော့ မင်းက အတော်လေးအားနည်းနေသေးတယ်ဆိုတာပဲ"
လင်းယန်ရန်က မျက်စောင်းထိုးနားမှာရပ်နေတဲ့ ရွှမ်းရိဟန်ကိုအသုံးဝင်သောအကြံဉာဏ်အချို့ကိုပေးခဲ့ပြီးနောက် ဆက်ပြောလိုက်သည်။
"အနာဂတ်မှာ ဒီ့ထက်ပိုပြီးကောင်းလာနိုင်အောင် လိုအပ်တဲ့နေရာမှာ ခွန်အားတွေသုံးဖို့မမေ့နဲ့။ အကကို နောက်တစ်ဆင့်တက်ချင်ရင် သာမန်အဆင့်မှာပဲ နေ နေလို့မရဘူး။အခြေခံကျွမ်းကျင်မှုတွေကို အမှီလိုက်နိုင်ဖို့ အကနဲ့ ဂီတအပေါ်မှာထားရှိတဲ့ မင်းရဲ့စိတ်ခံစားမှုကို အံဝင်ခွင်ကျဖြစ်အောင် သင်ယူပါ"
သူက ဖိန်ချုံကိုလှည့်ကြည့်ပြီး သူ့မေးခွန်းကို ဖြေလိုက်သည်။
"ဒါဆို ဒီနေ့ ရဲ့စွမ်းဆောင်ရည်က တိုးတက်မှုတစ်ခုအနေနဲ့ မှတ်ယူလို့ရပါတယ်"
လင်းယန်ရန်စကားအဆုံး ပရိသတ်တွေ တိတ်ကျသွားသည်။
လူတော်တော်များများက ဒီလိုဖြစ်ရပ်မျိုးဖြစ်လာနိုင်တယ်လို့ အစကတည်းကမျှော်လင့်ထားပေမယ့် ဒီလိုတိုးတက်မှုမျိုးကိုတော့ဖြင့် သူတို့အနေနဲ့ မမျှော်လင့်ထားကြပေ။
[ ဘာတွေဖြစ်သွားမှန်း ငါနားမလည်ဘူး ]
[ ဘာလို့ ဒီတစ်ခေါက်က သူ ပရော်ဖက်ရှင်နယ် အရမ်းဆန်တယ်လို့ ခံစားနေရတာလဲ ]
[ ငါ အကကို သင်ယူခဲ့တာ သုံးနှစ်ရှိပြီ။သူပြောတာ မှန်တယ်လို့ ခံစားရတယ် ]
[ အဆိုပိုင်းနဲ့ပတ်သတ်လို့ကတော့ ငါလည်း ထောက်ခံတယ်။ကျွမ်းကျင်မှုမရှိရင် အလကားပါပဲ။ရလာဒ်အနေနဲ့ကတော့ KTV အကြောင်းကို ငါ ဘာတစ်ခုမှမသိဘူးနော်။ဟားဟား..ကိုယ့်သေတွင်းကိုယ်တူးမိတာပဲ။ယန်ရန်ရဲ့စကားတွေက တည့်တိုးဆန်လွန်းတယ် ]
[ဟားဟားဟားဟား အဲ့လိုလား?]
[ အရင်က ဖြတ်တောက်ပြသမှုတချို့ကိုမြင်ပြီး ယန်ရန်က ရွှမ်းရိဟန်ကို တမင်ရည်ရွယ်ချက်ရှိရှိ ပစ်မှတ်ထားနေတယ်လို့ ထင်ခဲ့တာ။ သူ ဖျော်ဖြေတာ အရမ်းညံ့ဖျင်းခဲ့တာလား။ ဒါဆို သူ့ကို B ပေးတာက ပုံမှန်ပဲ မဟုတ်ဘူးလား ]
ရွှမ်းရိဟန်၏ပရိသတ်များက လင်းယန်ရန်အနေနဲ့ ဒီအခွင့်အရေးကိုအသုံးချပြီး သူ့နာမည်သူ ပြန်အဖတ်ဆယ်ဖို့ကြိုးစားနေတာကိုမြင်လိုက်ရတော့ ချက်ချင်း စိုးရိမ်ထိတ်လန့်သွားခဲ့သည်။
[ မင်းက ပိုပြီးသန်မာတယ်ပေါ့။ဒီလိုပြောနေတာက ငါက အရမ်းတော်တယ်လို့ ကိုယ့်ကိုကိုယ်ပြောနေတာနဲ့မတူဘူးလား ]
[ ငါ တည်းဖြတ်ကြည့်ပြီးပြီ။ ဟန်ဟန်ရဲ့စွမ်းဆောင်ရည် က အရမ်းကောင်းပါတယ် ]
[ ဒီမူကြမ်းကို မင်းဗိုက်ထဲမှာ အကြာကြီးထိန်းချုပ်ထားခဲ့ရတာဆိုတော့ မင်းအတွက် အတော်လေးခက်ခဲခဲ့မှာပဲ ]
[ လေးစားစွာဖြင့် ဝင်ပြီးကူမန့်လာပေးကြတဲ့လူတွေကို ပန်းလေးတွေကြဲပေးပါရစေ ]
[ ယန်ရန်က သူ့ကိုယ်သူရှင်းလင်းဖို့အတွက် ဒီတိုက်ရိုက်ထုတ်လွှင့်မှုကို တမင်တကာ စောင့်နေခဲ့ပြီး စာမူကို အလွတ်ကျက်ထားခဲ့တာလား ဟက်...]
ဖြတ်သွားဖြတ်လာတွေက ဒါကိုမြင်ပြီး ပဟေဋ္ဌိဖြစ်သွားကြသည်။
[ဒါပေမယ့် ဖိန်ချုံက သူ့ကိုအစပြုပြီးမေးခဲ့တာမဟုတ်ဘူးလား ]
ရွှမ်းရိဟန်ပရိသတ်တွေက စကားစဲသွားကြသည်။
ဖိန်ချုံသည် လင်းယန်ရန်အတွက် သူကိုယ်တိုင်တူးပေးထားသည့် တွင်းထဲသို့ တစ်ဖက်လူက မခုန်ချခဲ့ဘဲ သည့်အစား လုပ်ရိုးလုပ်စဉ်အတိုင်းလိုက်ကာ ရွှမ်းရိဟန်ကို သူတူးထားသည့်တွင်းနက်ထဲသို့ တိုက်ရိုက်ပစ်ချလိုက်မည်ဟု ဘယ်တုန်းကမှ မမျှော်လင့်ထားခဲ့ချေ။
ဒီစကားလုံးတွေက ရွှမ်းရိဟန်ရဲ့ခွန်အားကို လူအများက သံသယဖြစ်စေပြီး သူ့ရဲ့ယခင်တင်ဆက်မှုတွေကိုတောင် နှိမ့်ချပြီး လျော်ကြေးပေးဖို့ အဆောတလျင် တောင်းဆိုခဲ့သည်။
"ဒါပေမယ့် အရင်တစ်ခေါက်က သူက ထရိန်နင် တောင်ဖြစ်သေးတာမဟုတ်ဘူးလေ။သူ့မှာသာအရည်အချင်းမရှိရင် ဒီလောက်ထိ တိုးတက်လာနိုင်ပါ့မလား။မင်း သူ့ကို ပစ်မှတ်ထားနေတာလား"
ဖိန်ချုံ၏ဆိုလိုရင်းကတော့ လင်းယန်ရန်က ရွှမ်းရိဟန်အပေါ် ဆက်ဆံပုံက ကြမ်းတမ်းလွန်းသည်ဟု။
Lin Yanran က ချက်ချင်းမချေပဘဲ ခေါင်းငုံ့၍ ပေါ့ပေါ့ပါးပါး ပြုံးလိုက်ပြီးနောက် ဆက်ပြောလာသည်။
"ပရိသတ်တစ်ယောက်အနေနဲ့ဆိုရင်တော့ ကျွန်တော် ဖိန်ချုံလောင်ရှီးပြောတဲ့အတိုင်း သူ့ရဲ့ခက်ခက်ခဲခဲကြိုးစားအားထုတ်တာတွေကို အားပေးထောက်ခံမိမှာပဲ။ဒါပေမယ့်...."
သူ့အကြည့်တွေက သင်တန်းသားအားလုံးရပ်နေတဲ့စင်မြင့်ပေါ် ကို လှမ်းကြည့်လိုက်ပြီး..
"နည်းပြတစ်ယောက်အနေနဲ့ လူတိုင်းကို တန်းတူရည်တူ မဆက်ဆံနိုင်ရင် သင်တန်းသားဖြစ်ခဲ့တဲ့ နှစ်တွေနဲ့ ပတ်သက်ပြီး ဘာလုပ်သင့်လဲ"
လင်းယန်ရန်၏ လေသံသည် နူးညံ့ပြီး သာယာနေသေးသော်လည်း သင်တန်းသား အများအပြားက သူပြောသည်ကို သဘောပေါက်ရန် မခက်ခဲပေ။သူတို့မျက်လုံးတွေ နီရဲလာခဲ့သည်။
သူတို့ရင်ထဲကထုတ်ပြောချင်သော်လည်း ထုတ်မပြောရဲတဲ့စကားတွေကို လင်းယန်ရန်က ကိုယ်စားပြောပေးလာသည်။
နည်းပြတွေက လူတိုင်းကို တန်းတူရည်တူ မဆက်ဆံနိုင် ရင် သင်တန်းသားအဖြစ် ကုန်ဆုံးခဲ့တဲ့ နှစ်တွေကရော…
လူတိုင်းက C ရာထူးကို ထောက်ခံကြတဲ့သင်တန်းသားတစ်ယောက်အနေနဲ့ အတွေ့အကြုံမရှိလို့ဖြစ်မလား။ ဒီလိုလုပ်နိုင်တယ်ဆိုကတည်းက အရမ်းကောင်းတဲ့ပတ်ဝန်းကျင်တစ်ခုဖြစ်နေပါပြီ။လေ့ကျင့်ဖို့နဲ့ တိုးတက်အောင်လုပ်ဖို့ သူတို့ရဲ့အချိန်တွေနဲ့ ငယ်ရွယ်မှုတွေကို ကုန်ဆုံးခဲ့တဲ့ သင်တန်းသားတွေက မတရားမှုများစွာကို ခံစားခဲ့ရသည်။
သင်တန်းသားမဟုတ်သူများအတွက် ယခင်အချိန်ထက် ပိုကောင်းရန်အလို့ငှာအနည်းငယ်မျှ ကြိုးစားလုပ်ဆောင်ရုံဖြင့် လူတိုင်း၏ စာနာမှုနှင့် မေတ္တာများကို အလွယ်တကူ ရရှိနိုင်ပါသည်။
တစ်ညလုံးနီးပါး အကလေ့ကျင့်ခဲ့ရခြင်းကြောင့် နေထွက်တာကိုလည်းမကြည့်ရ။အခြေခံကကွက်တွေကိုလေ့ကျင့်ရင်းနဲ့ ရလာတဲ့ဒဏ်ရာတွေကလည်း မနည်းမနော။များပြားလှတဲ့ချွေးတွေ မျက်ရည်တွေကိုရင်းပြီး အချိန်တွေကိုဖြတ်သန်းခဲ့ရတာတွေ။တရုတ်နှစ်သစ်ကူးချိန်မှာတောင် မိသားစုနဲ့အတူအချိန်ကုန်ဆုံးဖို့လည်း အချိန်မရှိခဲ့။အနာဂါတ်မှာ ပရိသတ်တွေနဲ့မျက်နှာချင်းဆိုင် ကောင်းမွန်စွာပွဲဦးထွက်နိုင်ဖို့အတွက် နာကျင်ခြင်းဝေဒနာကနေ မျှော်လင့်ချက်မဲ့စွာနဲ့ နိုးထခဲ့ရတာကလည်း အကြိမ်ကြိမ်။
ဒါပေမယ့် အခြားတစ်ဖက်မှာတော့ မင်းကသာ ထရိန်နင်တစ်ယောက်ဖြစ်ခဲ့မယ်ဆိုရင် မင်းက တခြားသူတွေထက် နှစ်အကြာကြီး ပိုလေ့ကျင့်ထားတာကြောင့် အတွေ့အကြုံမရှိသေးတဲ့လူတစ်ယောက်အတွက် မင်းရဲ့ကြိုးစားမှုရလာဒ်တွေကို နောက်ပို့ထားခံရတယ်ဆိုတာက ဖြစ်သင့်လို့လား။
မင်းသာ သင်တန်းသားတစ်ယောက်ဖြစ်ပြီး အခြေခံအုတ်မြစ် နဲ့ အရည်အချင်းတွေရှိတယ်ဆိုရင်တောင် သာမန်အချိန်တွေမှာဆို မင်း ဘယ်လောက်ပဲကောင်းနေတော်နေပါစေ မင်းကို ဘယ်သူမှချီးကျူးမှာမဟုတ်ဘူး။
ရွှမ်းရိဟန်ရဲ့ C အနေအထားအတိုင်းပါပဲ။
တကယ်တော့ ယခင်ဗီဒီယိုကို လုံးဝအဆုံးထိ တည်းဖြတ်ထားခြင်း မဟုတ်ပေ။ရွှမ်းရိဟန်၏ C ရာထူးကို သူ၏အဖွဲ့မှမဲပေးလို့ရခဲ့သည်မဟုတ်ဘဲ ဖိန်ချုံကိုယ်တိုင် သတ်မှတ်ခဲ့ခြင်းဖြစ်သည်။
ထိုအချိန်၌ ဖိန်ချုံသည် ချောင်ယဲ့၏လက်မှတ်များကိုဆုတ်ကိုင်ထားပြီး သင်တန်းသားတွေကို ရွှမ်းရိဟန်သည် အရင်က အခြေခံအုတ်မြစ်မခိုင်ခဲ့တာကြောင့် သူ့ကိုယ်သူသက်သေပြရန်အတွက် C ရာထူးကိုလိုအက်ကြောင်း ၊ သူတို့က သူ့ထက်စာရင် အတွေ့အကြုံပိုရှိတဲ့အတွက် ဒီအခွင့်အရေးကိုလက်လွှတ်ပြီး သူ့ကိုအခွင့်အရေးပေးသင့်ကြောင်း စသည်ဖြင့်ပြောကြားခဲ့သည်။
ထို့ကြောင့် သူတို့ဆယ့်လေးယောက်က မှင်သေသေနဲ့ အရန်ကခြေသည်တွေဖြစ်လာကြပြီး C ရာထူးရသွားတဲ့ရွှမ်းရိဟန်ကိုသာ မျှော်ငေးကြည့်နေရတဲ့ဘဝသို့ ရောက်သွားခဲ့သည်။
ဒါပေမယ့် အရန်ကခြေသည်များအနေဖြင့် သူတို့ကို ဘယ်သူကမှ သတိမထားမိကြပေ။အများစုက ရွှမ်းရိဟန်လောက်တောင် လူကြိုက်မများကြ။ဒီနေ့တင်ဆက်ပွဲက သူတို့ကို တိုက်ရိုက်သတ်ပစ်လိုက်တာပဲ မဟုတ်လား။သူတို့လည်း သူတို့ကိုယ်သူတို့ပြသဖို့အတွက် ဒီအခွင့်အရေးကို လိုအပ်တယ်လေ။လက်ရှိမှာ နည်းပြဆရာတွေနဲ့ ပရိသတ်တွေကြားမှာ ၊ ပရိုဂရမ်အဖွဲ့နဲ့ ပြိုင်ပွဲဝင်တွေကြားမှာ အခြေခံအုတ်မြစ်မရှိတဲ့သူတွေက ပိုပြီးအခွင့်အရေးရသင့်တယ်လို့ လူတိုင်းထင်နေကြတယ်။သည့်ထက်ပိုပြီး သူတို့ကို တခြားအကြံဉာဏ်တွေ မပေးခဲ့ကြဘူး။
တကယ်ပဲ ဒါက ခုလိုဖြစ်သင့်လို့လား.....
ယန်ရန်လောင်ရှီးက သင်တန်းသားအားလုံးအတွက် တန်းတူရည်တူ ဆက်ဆံမှု၏ အဓိကအချက်ကို လိုက်နာပြီး သူတို့လိုချင်သောတရားမျှတမှုကို တိတ်တဆိတ် ထိန်းသိမ်းထားကြောင်း တွေ့ရှိရပေသည်။
သို့သော် ယခင်ကတော့ သူတို့သည် တစ်ချိန်လုံး သူ့ကို အထင်လွဲခဲ့ကြသည်။
ရွှမ်းရိဟန်ကို B အဆင့်သို့ပေးကမ်းခြင်းမှာ ရည်ရွယ်ချက်ရှိရှိ ပေးကမ်းခြင်းဟု လူအများကပင် ဦးနှောက်ဆေးကြောခဲ့ကြသည်။
စင်ပေါ်ရှိ သင်တန်းသား အများအပြား ရုတ်တရက် လန့်နိုးလာပြီးနောက် မငိုကြွေးဘဲမနေနိုင်တော့ပေ။
ယန်ရန်ကို အထင်အမြင်လွဲမှားခြင်းအတွက် အပြစ်ရှိသလိုခံစားရပြီး ကိုယ့်ကိုယ်ကိုယ်လည်း မှားတယ်လို့ ခံစားနေရပါပြီ။
သင်တန်းသားအချို့ စင်ပေါ်မှာ ပွေ့ဖက်ပြီး ရှိုက်ကြီးတငင် ငိုကြွေးနေကြတာကိုမြင်တော့ ပရိသတ်က ဒီစာကြောင်းရဲ့ နောက်ကွယ်က အဓိပ္ပါယ်ကို နောက်ကျပြီးမှ သဘောပေါက်သွားခဲ့သည်။
[ ဟုတ်တယ်၊ နည်းပြဆရာက လူတိုင်းကို တန်းတူရည်တူ ဆက်ဆံသင့်တယ်၊ အားနည်းသူတွေကို ဘာကြောင့် မျက်နှာသာပေးသင့်တာလဲ ]
[ ဒါဆို မင်းမှာ ခိုင်မာတဲ့ အခြေခံအုတ်မြစ်ရှိလို့ မင်း ကောင်းကောင်း စွမ်းဆောင်နိုင်တယ်ပေါ့။ငါတို့လို အခြေခံအုတ်မြစ်မရှိတဲ့သူတွေက နည်းနည်းလေးတိုးတက်လာတဲ့အပေါ်ကိုတောင် ကျေးဇူးမတင်နိုင်ဘူးပေါ့။အဲ့လိုလား ]
[ ဖိန်ချုံဆိုလိုတာက သူက အားနည်းတဲ့အတွက် တရားမျှတဖို့ ပိုလိုအပ်တယ်တဲ့ ]
[ ရွှမ်းရိဟန်က သင်တန်းသားတောင်မဟုတ်တာကို ဘာလို့ဒီလောက်ထိ ပစားပေးခံနေရတာလဲ ?? ]
[ ငါ အရင်က ဖိန်ချုံရဲ့ စကားတွေကိုထူးဆန်းတယ်လို့ ထင်ခဲ့တာ၊ အခုတော့ ဒါက ဒဏ္ဍာရီလာ အကျင့်သိက္ခာကို ပြန်ပေးဆွဲမှုကိုကျူးလွန်ထားတာပဲ ]
စင်ပေါ်တွင်ရပ်နေသော ရွှမ်းရိဟန်သည် အရူးဖိန်ချုံပြောခဲ့သည့်စကားလုံးတိုင်းကို နင်းပြီး ချောက်ထဲသို့တွန်းချခံရလိမ့်မည်ဟူ ဘယ်သောအခါမှ မမျှော်လင့်ထားပေ။
အစက သူသည် ပရိသတ်ကြားတွင် အတောက်ပဆုံးဖြစ်မည်ဟုထင်ရသော်လည်း ယခုအခါ လူအများ၏ဝေဖန်မှု၏ပစ်မှတ်ဖြစ်လာခဲ့သည်။
သူ့မျက်နှာပေါ်ရှိ အပြုံးကို ထိန်းမထားနိုင်တော့ဘဲ ဖိန်ချုံကိုဆို့နင့်သောအကြည့်ပို့လွှတ်လိုက်သည်။
ဖိန်ချုံသည် ယခုမှပင် သူအလွန်မိုက်မဲနေပြီဆိုတာကို သဘောပေါက်သွားသည်။ လင်းယန်ရန်က ဒီလိုစကားမျိုးပြောဖို့ မမျှော်လင့်ထားတာကြောင့် ဒီအကြောင်းအရာကို အမြန်အဆုံးသတ်စေချင်သည်။
ထို့ကြောင့် သူက မိုက်ခရိုဖုန်းကို စိတ်တိုတိုနဲ့အနည်းငယ် ပင့်ကိုင်လိုက်ပြီး ပြဿနာကို လင်းယန်ရန်ထံသို့ တွန်းပို့လိုက်သည်။
" ကျွန်တော်ပြောချင်တာက လူတိုင်းမှာ မတူညီတဲ့ စံနှုန်းတွေရှိတယ်။ယန်ရန်လောင်ရှီး က ဒီလောက်တောင်ကျွမ်းကျင်နေမှတော့ မင်းအဖွဲ့ရဲ့စွမ်းဆောင်ရည်ကို မင်းဘာလို့ မပြရမှာလဲ"
ဖိန်ချုံသည် လင်းယန်ရန်အဖွဲ့၏ဖျော်ဖြေမှုကို တမင်တကာညွှန်ပြပြီး သူတို့အဖွဲ့က သူတို့ကိုယ်သူတို့ စိတ်ကသိကအောက်ဖြစ်ပြီး အရူးလိုလျှောက်ပြီးဖျော်ဖြေပြမှာကိုစောင့်ကြည့်ပြီးမှ ဖြေရှင်းဖို့အတွက် အမြန်ထွက်ကစေလိုသည်။
လင်းယန်ရန်သည် ဖိန်ချုံ၏ဆိုးသွမ်းသောအကြည့်ကိုမြင်ပြီးနောက် မဆိုင်းမတွ ချက်ချင်းဆိုသလို ရက်ရောစွာ တုန့်ပြန်လိုက်သည်။
"ကောင်းပြီလေ"