حين يشاء القدر

#حين يشاء القدر

#بقلمي:-نون

#تصويت متابعه تعليق بين الفقرات*

لم أَلقَ ذا شَجَنٍ يَبوحُ بِحُبِّهِ
إِلا ظَنَنتُكَ ذَلِكَ المَحبوبا
حَذَرًا عَلَيكَ فَإِنَّني بِكَ واثِقٌ
أَن لا يَنالَ سِوايَ مِنكَ نَصِيبَا

♡♡♡♡♡♡♡♡♡♡

اخذت نفس ايدي على گلبي:: لا

باوعلي بنضرة مستحيل انساها نضرة عتب على كسرة هز راسه وابتسم بكسرة

:: قرار اخير اسيل؟!

غمضت عيوني
::  قرار اخير

-محمد:: باوعي عليه واحجيها اسيل

فتحت عيوني باوعت بعيونه
:: اني ماموافقة على عرض الزواج

حسيت عيونه دمعت رجفه ايده حسيت بيها اما اني رغم الالم بس صامده مستحيل انطي بنفسي واخلي يشوف دموعي وضعفي عليه هو اختار هل شي... ضم شفايفه لداخل فمه وهز راسه

-محمد:: عنادج راح يموتني وراسج اليابس هذا ما اعرف وين راح يودينه الله اكبر دا اكلج غلطه غلطه وصارت يكلمه ردي لمكانجج لو اعرف ما كايل لامييي موتينييي والله موتينيي وتعبتينيي حسي بيه يولي حسيي ترا حرام عليج

رفعت حاجبي
:: انتَ كلتها غلطه وللاسف اني ما اسامح الي يغلط

عض اصبعه يفترر يحير شسووي يحاول يهدء نفسه سمعته يستغفر

-شلون بيج اسيلل شلوون بيج مو حتى كرامه ما بقت عندي لو اعرف اشيل هل گلب واشمره واخلص منه ومن هل حب

بعدني اريد اجاوب سمعت صوته
:: شنو هاي لك عيني ها بشرو راح يصير عرس صخام خطوبة بشرو؟!

باوعتله بأبتسامه ومحمد متنرفز وجهه مغضب صفك ايده وكال

-سجاد: يحح الاخبار ما تبشر بخير من نضرتج السمانيه الحيه ولج شسموية باخوي ها؟!

رفعت حاجبي بغرور
:: عفووا شسموية بي هذا وينه صاغ سليم كدامك

يحجي ويأشر بأيده عود هو عصبي
:: شنو صاغ سليم ما تشوفين وجهه يلطم عبالك بزون بايگين عشاها بعد عيني ياخويه هاي الحية زعلتك يبو عليج يالقزم يبوو

-محمد:: هاي شبيك شنو بزوون احجي عدل لك

-سجاد:: لعد تستاهل كل الي صارلك اووف عاشت ايدج القزم حيللل بي لا تقبلين بي ابد هذا النحس يلعب على البنات ترا جذب ما يحبج

بس خلص كلامه ركض ورا محمد واني متت ضحك هو يركض ومحمد يركض ورا هسه يطلع ضوجته بي خطية سجاد دوم واكع بيها عفتهم واحد يركض ورا الثاني ورحت للبيت خلص روتيني عادي لحد بليل اتصل عليه سجاد

-سجاد: ها ولك قزوم

-ها ولك سجود

صاح بعصبية
:: نجبي نجبيي لج تعالي كوليلي ليش متعبه اخوي! ترا والله خطية هل ايام كلها ما ينام كاعد برا بالحديقه ويشرب بهل جكاير ليش، هيج انتِ غاسية؟

-اي غاسية جان فكر بكلامه قبل لا يحجي سجاد اني مو لعبه بيده شوكت ما يحب يجي وبس ارفضه يروح على غيري يعني فرضا ازوجنه وصار يوم وتعاركنه شلون بيه ثاني يوم الكي مزوج الثانيه على هاي سوالفه

-سجاد:: ههههه هسه انتِ بس وافقي غير يبيعنه كلنه حتى اني اخو الحلو المصكصك الحسن المظهر والوجه

-احمم هسه ينزل فيل على بيتنه

-شنو قصدج ولج اني جذاب؟

-لا حشاك يابه انتَ وينك وين الجذب كل سوالفك حقيقية وماكو اضافه ملح وبهارات

-عفية اسيل عفية هسه رضيت عنج

-امشي سجود مو اني بحال رضاج، اكلك صدك اريام وين اشو ما شفتها؟

-اريام راحت لبيت اهلها وتعالي شوفي يامن عبالك طفل وعايفته امه كل ساعه وكال يوم راح اروح اجيبها بابا عوف البنيه ترتاح ببيت اهلها صار هوايه ما شايفتهم هو لا شنو نص يوم ما يكفي معقولة

-هههههه خطية ياربي شكد يحبها ربي يحفظهم وحقه يخاف اخاف تتركه بعد التعب والعناء يخاف تروح منه نفس قبل

-اي والله انوب شنو ما يقبل ينام بغرفته ليش يابه ما اكدر اصعد وهي ماكو ما اشوف وجها وضحكتها واستقبالها الي ما اتحمل ويتزل ينام بالغرفه الجوة

-هههههه عزاا هاي اريام مخبلة الزلمه صدك

-احمم واكو وحده هم مخبلة واحد ومخليته نفس راميو يشرب جكاير ويضرب  صفنات

-هههههه

ضحكت على سوالفه وهو بقى يحجي ويقنع بيه خطية وافقي واني ابد بس سديت الاتصال منه احترك الموبايل بالرسائل من محمد

محمد:: ليش بعدج ما نايمه

:: ويا منو دا تحجين ليش سهرانه

:: هسه تطلعين تحجين ويا الي خطبج امووت اسيللل امووتج واموت نفسي وراج طلقه براسج وبراسيي اسيلللل

متت ضحك يحجي ومصدك المشهد يحضي شوي ورجع كتب

:: اسيل بس وافقي والله اجيب الدنيا كلها عليج زلم معكله ورتب تسد الشارع الج بس وافقي امشي الدنيا لاجل عيونج

عيوني دمعت عليه حايرة بس ما اريد اتنازل بس واحبه حيرة ياربي بقيت اقرا بالراسائل لكد ما غفيت

♡♡♡♡

"سجاد"

-يعني هسه ليش ما توافق شكد حقيرة ونحسه اسيلو اني اعلمها

ما حسيت اله على ضربه على ركبتي
:: اخخ اشتعلو اهلك ليش هيج؟!

-محمد::  ولك شنو اسيلو احجي عدل  اسمها اسيل فهمت

مسحت مكان الضربة
:: اخ مو ايد تستاهل كل الي دا يصير الك فوك ما دا ادافع الك تضربنيي

-يامن:: شبيكم شكوو

باوعت على هذا الثاني وجهه يلطم بعد اكثر رفعت ايدي وصحت

:: يبووو يبووووو

-وسممم شكووو شبيك عبالك وحده دا تجيبب

-سجاد:: انتو شايفين وجوهكم شلون تتلاطم شبيكم بابا هسه هذا حميد نعرف شبي انتَ الثاني شبيك؟!

سحب كرسي كعد بصفي وكال بحزن
:: اريام ما دا تجاوب تعبتني خايف عليها معقولة صاير الها شي!

-سجاد: لا لا تخاف هاي شلون البزون كلشي ما يصير الها

ضربني على ركبتي كل قوته
:: عينك ولك عينك عنها راح يصير بيها شي اله اشلع عيونك

- يبوووو يبوووووو

-محمد:: وسمممم شبيككك

-يبوو يمه تعالي شوفي ولدج موتوني علمود نسوان هاي تالية الخوة يمن تعب يمن شكه يمن الى الحاضر لكه اهئ اهئ يايمه يايمه راحو اخوتي غيروهم الحيايه علينه تعالي وشوفي يايمه

-يامن:: شبيك بابا عبالك مرة وتنعي اكبر عيب عليك هاي السوالف وبعدين شنو حيايه اكو احسن والطف من اريام؟

-حقك يابه حقك اذا هي مسودنتك

ضرب على فخذه بقهر
:: هسه هي غير تجاوب مو موتتني والله اويلي بعد اذا اخليها تروح

-محمد: ترا بيت اهلها وحقها شنو تمنعها شبيك يامن؟

-هي خلت عقل بالراس شيصبر گلبي على فراكها هل كم يوم وانوب ما تجاوب على الموبايل راح تجلطني شدكولون معقولة صاير وياها شي اروح الها هسه

-محمد::صدك تحجي وين ترروح بابا اكعد واسكت هسه اني اتصل عليها بلكي تجاوب

-يامن:: اي بروح اخيك اتصل اتصل بسررعه

اتصل محمد بقى يرن محد جاوب كله يامن اتصل مرة ثانيه اتصلت  ويامن كاعد روحه تلوب قريب ما تنتهي المكالمه وجاوبو يامن طار من الفرح وجهه صاار يضحك ومعالم وجهه استبشرت

-اريام: الو

-محمد:: هلا خيتي شلونج شخبارج

-هلا خويه محمد بخير الحمدالله انت شخبارك خالتي الولد شلونهم

-كلنه بخير احم خيتي يامن يتصل عليج وليش ماتجاوبي بقى باله عندج

-والله خويه جنت كاعده عند اهلي وصديقاتي ونسيت موبايل هسه اني اتصل عليه

-اي والله خطيه اتصلي بي اله شوي ويموت وجهه مغضب ويلطم

-هههههه ان شاء الله هسه اتصل بي،بس خويه سؤال؟

-تفضلي خيتي

-ولو تدخل مني بس صوتك ليش هيج حزين!؟ اسيل صح؟

تنهد وكال
:: اكو غيرها موتتني ومرمرة احولي تعبت وياها والله ماكو فايده كلشي ترفض

-اريام:: خووية ترا البنيه تحبك بس اكيد سويت شي وهيج رافضتك

-والله تعبتني غلطت بكلمه لو ادري ولا حاجي موتتني بيها راح انجلط منها والله موتي على ايدها راح يصير

-اسم الله عليك بس هي اسيل عنودية المهم خويه تريد مساعدتي؟

بسرعه كعد عدل واستبشرت ملامحه لازم الموبايل حيل عبالك كدامه هي ودا يحجي وياها

-خيتيي الله يرضه عنج ويحفظ اهلج ويحفظلج يامن المصلبخ بس ساعديني يارب بلكي نصائحج تجيب نتيجه

-هههه ان شاء الله ويحفظلك اسيلو العنودية،، اسمعني......

-محمد:: خيتي متأكده تفيد

-امشي وراي ومعليك اله اسمع خبر خطوبتك

-يووم المنى وتصير صدك اله الج هدية ذهب والله

-هههه رايدة سلامتك خويه المهم تنجمعون لان هي تحبك والله بس راسها يابس هل بنوته

خلص المكالمه باوع علينه بفرح
:: شنو رأيكم  ينجح الي كالته؟!

-يامن:: افا مررتي وما تنجح خطتها لك هاي الي اختفت ثلاث سنوات عني واني عندي معارف شكد وما عرفتها ولعبت حالي لعب خلتني ما اعرف راسي من رجلي فرت عقلي تريد  ما تنجح خطتها توكل خوية توكل

حضن يامنن فرحان
:: يااارب سهلييي واخذهاا اله امشي كل العكل عليها واخذها بس توافق

طبطب على ضهرة يامن يطمنه شوي ودخلنه جوة نتناقش بالخطه

♡♡♡♡♡

"اسيل"

كعدت ثاني يوم نفس الروتين تنضيف وباقي السوالف ما احس اله ابوي اجه يركض مرتبك

-شكو بابا؟

-ولج العشاير كلها هنا رتب وعكل ما ادري شكو بسرعه سوو مي والجاي

بسرعه كالها وطلع يركض يفتح ببابا الاستقبال واخواني ويا يرتبون ركض صعدت لغرفتي اريد اشوف شكو
تفاجأة وگلبي رجف من كمية الناس الموجودة سادين الشارع سد كُله لابسين دشاديش وعكل ورتب هوايه ناس كومه ما ينعود عزا شكوو شصاير لكن سرعان ما طخت عندي من شفت محمد ويمه شيوخ وابو ويامن وباقي اخوانه وهو لابس دشداشه وعكال طالع فدد صاااك صدك

فزيت على صوت امي تصيحني نزلت اركض

-هاا يوم

-لج تعالي طلعلي المي بسررعه حضرري هوايه ناس

بسرعه طلعت كاسات المي احضر بيهم واخواني ياخذون ويحجون على كميه العدد وهوايه منهم رتب ضباط اكيد اصدقاء يامن هذول خلصت المي وايدي على گلبي معقولة الي افكر بي صح معقولة سواهاا!

استمرو ياخذون مي وجاي لحد ماوكعت رجليه من التعب متتت كعدت على الكرسي ارتاح دخل بابا واخواني سألت امي واني ايدي على گلبي

-حيدر شكو شصاير ليش هل اعداد الهواي؟!

باوع عليه وابتسم
:: ماكو شي بس محمد جاب مشيه تسد عين الشمس لعيون بنتج

فتحت عيوني معقولة يعني صدك صاارت عزا يمه عزا ايدي ترجف اريد ابجي ياربي شنو هل احراج كمت اريد اطلع بس الحظ بابا صاحلي مو هسه فدوة مو هسه يبو عليك يمحمد اني اعلمك اوكفلي رحت يم بابا دنكت راسي خجلانه

-ها بابا

-حيدر: شنو رأيج بمحمد ابن عمج؟

لزمت ايدي اعصر باصابعي من التوتر عزا هذا سؤال

:: اءء ما اعرف بابا اي هو ابن عمي

-ادري بابا لعد اخوج ادري ابن عمج بس شنو رأيج اجه اليوم وجاب كل هل ناس حتى يطلب ايدج؟!

ارتبكت توتر على خوف ياربي
:: بابا بكيفك

باس راسي:: ليش هل توتر يابابا هاي حياتج انتي الي راح تعيشيها مو اني فشنو رأيج موافقه لو لا؟

كالت ماما:: صراحه وين تلكه مثل محمد شخصية وادب واخلاق ودراسه من كلشي والاهم اهله كلهم حبابين يعني قسمه ماكو منها

- اي والله اني محمد كلش اعزة لان ولد خلوق مو لان ابن اخوي بس هاي الصراحه هسه شكلتي يابابا

همست بتوتر
:: بس بابا اني ما اريد اتزوج

-ليش بابا صاير شي ما اعرفه انتِ تخرجتي وهسه كاعده بالبيت وهل قسمه ماكو منها وابن اخوي واعرفهم كل الزين وجاب ناس يسدون الشارع اكو سبب  للرفض؟

يبو يبوو يعني بابا كأنو ديكلي وافقي
:: بابا بكيفك اني رأيي من رأيك

-متأكده بنتي اني رأيي تعرفي بس اخاف انتِ رافضه واني جبرتج بكلامي؟

-لا بابا هاي هي اني موافقه ماكو احسن من بيت عمو

باس راسي:: الله يسعدج ويوفقج بحياتج

ابتسمت خجلانه وماما حضنتني تبوس بيه اهلي كلهم فرحانين لان بيت عمي حبابين كلش كلش

مر يومين وطول هل يومين موبايل يحترك بالرسائل من محمد يريد يعرف الجواب وساعه يتوسل اوافق وساعه يهدد مراح ازوح غيره خبلني لحد ما رجع بابا الخبر احترك حرك بالاتصال

-محمد:: اسيللللل صددك وافقتييي صددددك ياااربي رحمتككك ربييي معقولة اسيل اخاف دا احلممم

-لا صدك وافقت وهسه ما يصير تحجي وياي اله نعقد

-هههههه اي ليش لا نعقد ماا دا اصددك ولك سجاااد اليوم البيت كله اعشي عليه ونذرر اوزع للمنطقه لك وافقتت وافقتتت

متت ضحك على فرحته وبسرعه حددو موعد العقد بعد يومين واني انشغلت بالتحضيرات حتى حجي ما الحك احجي ويا محمد وهو يدز بالفلوس يكول كلشي تريده تاخذه اي شي عسى ما المحل كله المهم اسيل صراحه متت فررح على كلامه

بليل قبل العقد اتصلت عليه اريام طبعا لليوم هي ما اجت ويامن متخبل وروحه رايحه وراها

-اريام:: واخيراً مووتي للزلمه

-ههههه اي غير هذا نتيجه كلامه

-يمعوده غير خابرني يريد يبجي من القهر عاد كتله تعال عندي خطته والحمدالله جابت نتيجه خابررني يضحك فررحان يكلي هديتج توصلج ويشكر مني هوايه خطية والله

-اي مثلج من موتي ابن عمي هاا تتذكرين ثلاث سنوات روحه رايحه وراج

-ههههه يمه منج ومن السانج الف مبروك ياعمري ترا محمد خوش محمد ماكو منه يموت عليج على كيفج ويا تعب يلة حصلج

-ان شاء الله ليش ما تجين اريام؟!

-ياعمري عذريني والله شكد حاولت ما كدرت صديقتي مريضه كلش وما اكدر اعوفها

-شكد تمنيتج وياي

-ياعمري والله لو اكدر بعيوني بس صديقتي وبعدين يولي هايه بس عقد بعد زواج وراج وان شاء الله موجودة

-ان شاء الله وسلامتها لصديقتج

-عمري الله يسلمج اريدج تدعيلها الله يسهل عليها ويهون على گلبها فدوة

-ان شاء الله يعمري

-يلا عمري لازم اروح سلميلي على خاله وامج

-الله يسلمج يوصل حبيبتي

شكد تمنيتها يمي بس ما تكدر ومبين على صوتها التعب تعبانه على تعب صديقتها اعرف شكد تحبها وتحسبها اختها... نمت كعدت ثااني يوم مر روتين عادي لحد ما ماما كالت يلة نروح للصالون حاجزة

لبست وطلعنه وصلنه اول ما وصلت اجه دوري بسرعه بلشت بيه طلبت مكياج خفيف كلش يكون ترابي وفستاني اوف وايت ما بي ردن ومن ورا طويل تصميمه كلش حلو مرت بسرعه الساعات وهي تشتغل خلصت

باوعت اخر نضرة على روحي سحبت نفس تمام راضيه عن نفسي كلش حلوة الفستان ويا المكياج والتسريحه البسيطه حبيت كلش شوي وكالو اجه سجاد ياخذنه... طلعنه وطول الطريق يحشش عليه وعلى محمد وصلنه للقاعه نزلت بغرفه الترتيبات بقيت كاعده ارتب بنفسي لحد ما كالو يلة راح تصير الدخولية طلعت وجان محمد منطيني ضهرة
حس عليه واندار فتح عيونه يبلع بريكه وايده ترجف

تمشي الي لزم ايدي باسها وخلاها على وجهه يتنفس بيها مغمض عيونه وايدي على وجهه

:: بعد تعب طويل وسهر ليالي واشهر اخذتج ما مصدك حلمي كدامي

باس راسي وعيوني
:: مستحيل ابجي هل عيون الحلوة بيوم

باس خدي
:: مستحيل بيوم اضرب هل خد الحلو تنكسر ايدي اذا رفعتها عليج سحب ايدي وباسها

-جاهزة

هزيت راسي مبتسمه سحبني نمشي سوة وكفنه يم الباب مال القاعه شغلو موسيقى هادئة تجنن انفتح الباب وصارت الاضواء علينه والدخان والاشعالات والكامرا لزم ايدي دخلنه لحضه كلش حلوة موسيقى واضواء خافته وبس احنه نمشي

ايدي بيده لحد موصلنه للكوشه كعدني وباس راسي اشتغلت الانارة والكل يصفك وبدت الاغاني والركص والفعاليات لحد ما صارت فقرة الكيك جابو الكيكه ثلاث طوابق مكتوب عليها

" نبض گلبي عيون سيلينتي وضحكتها"

محمد~اسيل

كلشش حبيت الكتابه... كصكصنه الكيك وشربنه العصير شوي وكالو فقرة الركص سحبني لنص القاعه ونطفت الاضواء صارت انارة خافته والدخان اجواء تجنن تجننن بقينه نركص سلو وهو مخلي راسه على كتفي باس اذاني وكال

::  يامحلى التعب اذا عليج وعلى عيونج احبج حيل روح گلبي

ابتسمت خجلانه همست يم اذانه
:: واني احبك

هز راسه ما مصدك
:: عيديها اريد اسمعها عيديها

رفعت ايدي لكتفه وهمست
:: احبكك حيل

ما حسيت اله شالني ويفترر بيه ويصيح "احبجججج بعد روح محمد احبججج"

والناس تضحك وتصفك ونص يصوفر صددك تونسنه انتهت فقرة الركص السلو رجعنه لاماكنه وبدت الردح للمعازيم وطول الكعده محمد يتغزل بيه لازم ايدي لازك بيه ممصدك عبالك راح اشرد

استمرت الحفلة 5 ساعات وانتهت متت تعب طلعنه برا دا نرجع للبيت وفزينه على صووت ياامن نارر صاير من الاعصااب راح ركض للسيارة صاح ورا محمد

-ياامن شكووو؟

- اني رايح لاريام ارريد اعررف شبيها خبلتني

_ليش شبيها؟

صاح روحه مفرفحه صاير نار:: ترريد تطلك طلبت الطلاك....

للحكايه بقية❤️‍🔥

يوزر الانستا: nnohn _43

قناة التلي: https://t.me/nnon_43

"" "" "" "" "" ""

-سبحان الله

-الحمدالله

-لا اله الا الله

-الله اكبر

-استغفرالله العظيم واتوب اليه

-اللهم صلِّ على محمد وعلى آله محمد