مين قال انتى عانس ج٢ للكاتبه...

كادت تخرج من غرفتها حتى اوقفها كلام امها وهى تقول
الام
لا ده اسمه لعب عيال  بقي ، كل شويه جاي لا مش جاي بقالى يومين عماله اعمل فى الاكل وهو يحدد معاد ويجى بعدها يعتذر ، لو مش عايز الجوازه دى يغور لكن شغل العيال ده مايرضيش ربنا ، كل يوم مصريف اد كده على مافيش كده اتخرب بيتنا

الاب
والله هو عمال يعتذر وبيقول ان كانو خلاص جايين قامو لقيو نسايب اخوه جه وماينفعش يسبوهم ، هتبقي عيبه فى حقهم

الام بغضب
ومش عيبه فى حقنا لما يدى كلمه ويرجع فيها ، كان جه هو لوحده تمم الموضوع وخلصنا ومش مهم اهلو بجو يبقي يجو فى يوم تانى مش هيحصل حاجه يعنى

الاب
يعنى عايزانى ابوس على ايديه علشان يشرف ويجى سعادت البيه ، ما عنه ما جه ووقت ماييجى يجى مش شغلانه هى ، هو قال هيجى على آخر الأسبوع وقال ماتتعبوش نفسكم ولا تعملو اكل ولا اي حاجه احنا مش عرب

الام وهو تضرب على قدميها
ليه هو انا هقعد اعمل كل شويه وفى الاخر الاكل يترمى ليه هو خراب بيت وخلاص ، هى اصلا بانت لبتها اهى

الاب
مش فاهم تقصدى ايه بكلام ده

الام
إللى اقصده هو بيحاول يخلص بس ما عارف وكل مره حجه شكل هو لو كان عايز يجى كان جه من امبارح الموضوع فيه إن وإن كبيره كمان ، اقطع دراعى من هنا ان ماكنش مش عايز يجى من اساساً وكل دى كلها حجج فارغه

الاب
تفتكري

الام
كل حاجه بتقول انى كلامي صح ، يا ميلت بختك يا وعد يابنتى حتى بعد ما قولنا خلاص البت اتفكت عقدتها خلاص قامت اتعقدت اكتر ، ياحول الله ياربي ، طب أودى وشي من الناس فين دلوقتى بس ياربي ، ولما يسالو اقول ايه ؟ البت بارت خلاص وهتعنس جنبي ، يا ميله بختى فى عيالى يانا ياما

لم أشعر بنفسي الا ودموعي تسقط على خدى فكانت كالشلال تنهمر دون توقف ، من المفترض أن اسعد وان يرفرف قلبي الان من الفرح لان هذا ما كنت أريده ان يحدث ، ولكن كان كلام امى كالسكين يذب**ح قلبي لقطع صغيره جدا

تراجعت للخلف حتى وقعت عينى على نفسي فى المرأه التى بالغرفه لانظر إلى نفسي ولملابسى التى كنت ارتديها وانا انظر بحصره فهذه ثانى مره ارتدى فيها ملابسي ولكن دون جدوه ، ما هذه الكسره التى بي الان نعم كنت لا اريد هذا العريس ولكن لم اعلم ان كسرت قلبي ستالمنى كل هذا الحد ؟

مسحت دموعها بيدها وخرجت لهم وهى كلها عزم على ان يأتى الرفض منها وإن يكن لها كرامه ولن تصمت مره اخره ، إلى هنا وكفي 

خرجت وكلها عزم على ان تخرج من صمتها اخيراً ، وقفت أمام امها وابيها وهى تقول

وعد
هو ماجاش ليه لحد دلوقتى؟  ممكن اعرف السبب ، لم يعرف الاب ولا الام ماذا يقولا لتكمل وعد بابا لو سمحت كلمه وانهى الموضوع كله الا كده انا كرامتى عندى بالدنيا كلها

الام
ما هو حصلتلو ظروف وغصب عنه برضه يا وعد وهو اعتذر كتير اوى وقال انهو..

وعد مقاطعه
ماما لو سمحتى ، لسه برضه بعد كل إللى حصل هتدافعي عنه واحد زي ده مالوش راي وكل شويه يدى كلمه ويرجع فيها ازاى استئمن نفسي معاه ؟ تقدري تقوليلى حتى لو حصل وتم يجى يوم الخطوبه او الفرح ويعتذي ويطلع بنفس الحجج

الاب
خلاص احنا هنديه آخر فرصه لو ماجاش زى ما قال على آخر الأسبوع ده يبقي خلاص الموضوع منتهي

وعد
يا بابا افهمنى ارجوك ، وحد زي ده هيجى فى نفس المعاد وهيتصل ويقول نفس الكلام وهنفضل على هذا الحال لحد امته هاا ؟ هو كده هيفكر اننا مدلوقين عليه وهتخلو كرامتى فى الارض

الام
كرامت ايه يا ام كرامه وبعدين آخر الأسبوع مش بعيد ولو ماجاش سعتها نبقي ننهى الموضوع ، انتى فى كرامتك دى اللى هتخلى وشي منيل بستين نيله قدام الناس ، بس اقول ايه انتى السبب فى كل ده ، فيها ايه يعنى لو كنتى من الأول وافقتى على اي عريس بدل ما احنا قاعدين يشترو ويبيعو فينا ده شويه وده شويه

وعد
يا ماما..

الاب لانهاء النقاش
بس خلاص اسكتو شويه ،  هو مافيش مراعه انى قاعد وسطيكم يعنى ، وانتى  يا وعد خلاص احنا آخر فرصه دى ليه ولو ماجاش يبقي خلاص كده ، كان قدامك الأحسن منه وانتى رفضتبه وادى نتيجت اختيارتك ، احنا عارفين الأنسب ليكى اكتر منك ، وانتى يا ام وعد مالوش لزمه الكلام ده دلوقتى

الام
الانسب ليها هو عريسها ده يا حج واللى عليه الكلام اهو اتنيل خطب من كام يوم ولقي نصيبه مع انى اقطع دراعى من هنا لو كان هو إللى عامل حاجه للبت بوقف الحال

الاب
شوف برضه بتقول ايه ؟

تركتهم يتجادلون وذهبت إلى غرفتي وبمجرد ان دخلت بها حتى اترميت على السرير ابكي بحرقه على ما حدث معى وكلام اهلى لي ، ماذا افعل معهم فقد وضعو كرامتى تحت أقدام هذا العريس

وعد
يارب ساعدنى بترجاك انا لحد الان مش عايزه الموضوع ده يتم ونفسي اخلص منه باي شكل كان بس.. بس كلام اهلى كان زى السم بياكل فيا اكل من جوه ، هما ازاى لحد الان مش شايفين انه مش مناسب ليا ؟ وازاى كل واحد فيهم بيفكر فى مصلحته

ماما بتفكر فى كلام الناس وهتقولهم ايه لما يسالو على الموضوع وأن مافيش حاجه ، من جهه تانيه بابا بيفكر انى كان الأصلح ليا ابن عمى وحتى بعد ما اتنيل وخطب لسه طالع من عينه ونفسه يكون ليا طب وانا !..

انا فين من كل ده ؟ ازاى مش مراعيين مشاعري للدرجه دى انا للدرجه دى مش متشافه خالص ؟ طب حتى اعملولى كرامه قدام الناس حتى لو بالكدب علشان مايسقوش فيها ، اعمل ايه انا دلوقتى بس ياربي

انتها بها المطاف إلى أن تذهب هاربه إلى فراشها لعلها ترتاح من زحام الواقع لتغرق بعالم الأحلام لعلها ترتاح قليلا

متابعه للبيدج لاستمرار الكتابه فضلا
______________________

عند حمات شهد

ظلت تنظر من ورا الباب حتى شاهدت شهد تصعد إلى الأعلى لتفتح الباب بسرعه وتهتف بها

انتصار
اخيراً شرفتى ياختى ، ما كان لسه بدري كنتى تعالى نص الليل احسن

شهد فى نفسها
ابتدينا اهو طب استنى آخر نفسي من المشوار طيب وبعدين تعالى ، ثم هتفت بصوت عالى انا جيت فى المهاد إللى احمد قال عليه وكل حاجه عملها قبل ما امشي فيه ايه تانى

انتصار
انتى كمان طلعلك لسان وبتردي عليا كلمه بكلمه ، ايه امك مقوياكى علينا للدرجه دى

شهد
لو مش عايزه حاجه اعملهالك هطلع على الشقه استنى احمد على ما يجى علشان اسخلنله الاكل

انتصار
ربنا مايعوزنى لاشكالك يختى غوري من وشي السعادى

ذهبت دون اى كلمه فا انا لا يوجد بي حيل للنقاش معاها او حتى طاقه للجدال معاها ولكن وقفت عندما سمعتها تحدث شخص ما لانظر من السلم للاسف لاجد فتاه شديدت الجمال تقف مع حماتى ومعاها طفل صغير ولكن واقفتنى جملة حماتى عندما قالت لها

انتصار
ابنك زى القمر والله يا سعاد ، دى توته هتفرح جد لما تلقيه ويلعبو سو تعالى ادخلو جوه احمد كلمنى وقال انه على وصول واهو تتعرفو على بعض اكتر ، احمد هيفرح اوى لما يعرف انك رجعتى هنا

الفتاه
ده انا إللى وحشانى القعده معاكم جدا والله يا طنط انتصار ومن لما رجعت وانا عايزه ازورك بس الله يسامحه جوزى كان عاملى مشاكل ومكنتش بعرف اخرج خالص من البيت بسببه

انتصار
اهو ربنا خلصك منه ومين عارف مش يمكن تلاقي إللى يعوضك عنه ويقدر قيمتك انتى وحتت السكر ده

الفتاه
الله المستعان يا طنط انتصار

انتصار
ايه طنط دى يا سعاد انا اسمى ماما انتصار ولا نسيتى ، تعالى بس ادخلى جوه الأول وبعدين نشوف موضوع طنط ده بدل ما احنا قاعدين  نرغي على الباب كتير كده ، تعالي ماتتكسفيش دى البيت بيتك ياقلبي

دخلو إلى الشقه وانا جلست على السلم من الصدمه هل يعقل ما يخطر على بالى الان صحيح ؟ وماذا لو كان صحيح ماذا سافعل الان ؟

شهد
معقوله بعد كل إللى عملته واتحملته احمد يتجوز عليا ويجبلي ضره ؟ ليه كده بس يا احمد تعمل فيا كده هو انا عملت ايه لكل ده ؟ شكلي وبدأت اغير منه علشانك وبدأت ارجع للأول تانى اهو ، اهتمام بيك وبالبيت وطلبات امك ومش مخليكم عايزين اى حاجه وشغاله خدامه تحت رجليكم ، ليه تعملو فيا كده ؟ ليييييه

طب اعمل ايه انا دلوقتى؟  لو اطلقت هروح فين انا وبنتك اهلى لو اتحملونا يوم مش هيتحملونا باقي السنين ولو فضلت على زمتك هنقعد فين وهيكون مصيرنا ايه ؟ طب و بنتى اعمل فيها ايه دى روحها فى احمد ومش هقدر ابعدها عنه واخاف ياخدها منى واتحرم منها باقي عمري ، يارب ساعدنى انا ماليش غيرك ، انا مش عارف القيها منين ولا منين ، انا تعبت خلاص ومابقاش فيا حيل اتحمل اكتر من كده ، ساعدنى يارب

صعدت إلى شقتها وملايين الاسئله تجور فى عقلها والدموع لا تفارق عيونها ، ولكن ماذا تفعل الان ؟ فهي لا تملك سوء الدعاء وليس فى يدها اى شئ آخر تفعله

__________________

فى صباح اليوم التالى
عند وعد

كان الاب يقراء الجريده على الفطار وهو يحتسي القليل من الشاي حتى يقطع علي مزاجه رنين جرس الباب ليقول بصوت عالى

الاب
حد يشوف مين الغلس ابن الغلس إللى مش عايز يشيل ايده من على جرس الباب ده مش ناقصين صداع

الاب بصوت عالى
حاضر يا حج،  ساره يا ساره انتى يابت ردى ، انتى يا زفتت الطين شوفى مين على الباب

ساره
اااايه فى ايه

الام
غوري شوفى مين قليل الذوق ده إللى على الباب ابوكى عمال يزعق

ساره
هو مافيش غيري فى البيت ده يعنى ، كل شويا  ياساره افتحى يا ساره شوفي مين على الباب يا ساره ردى ، كل شويه ساره ساره اووووف انا زهقت

الام
غوري شوفي مين على الباب يا كلبه وكفياكى برطمه وخلى اليوم يعدى على خير هااا احسن انا فيا إللى مكفينى ، يلا غوري من وشي

ساره بتافف
يووووه ، حاضر حاضر جايه اهو فتحت الباب بنرفزه لتقول ايه حاطط ايدك على الجرس ومش بتشيله ليه قاعدين وراء الباب احنا يعنى ، خير فى ايه

الرجل
مش ده بيت الحج محمد رمضان ابو عد برضه ولا النمره غلط

ساره
ايوه هو يا سيدي ، نقوله مين عايزه

الرجل
انا سعد باعتني الحج ابو مصطفى ابن عمك علشان اوصلكم الزياره دى كلها واشاره إلى الفاكهه والخضار والحوم التى على الارض

ساره
اممممم ، طب تعال دخلهم جوه

الرجل وهو يحمل الاشيئ من الارض
احطهم فين يا عروسه

ساره بصوت واطى
عروسه فى عينك يا بقف ثم رفعت صوتها وهى تاشر إلى جوار الباب حطهم عندك يعنى هتحطهم فين

وضع الرجل الاشيئ على الارض ثم رحل لتصفق ساره الباب بقوه من كثرة الغضب

ساره
قال عروسه قال ، جاك وجع فى مصرينك يابعيد بقي انا يتقالى يا عروسه ، اتفووو على دى أشكال بتتحدف علينا

الام من الداخل
مين إللى على الباب يا ساره

ساره بصوت عالى
ده ابن عمى مصطفى باعت حاجات كتير اوى مع واحد قريبه من البلد اسمه سعد وبيقول انه من خطوبة مصطفى ابن عمى

خرج الاب بفرحه وهو يهلل واخذ من الفاكهه واكل منه على الفور اما الام اخذت الأشياء وهى تسب وتلعن بهم فكيف بعد كل ما حدث يرسلو اشياء مثل هذه على هنا ، هل ليس عندهم دم إلى هذه الدرجه ؟!

استيقظت وعد من نومها لتجد هناك بقع زرقاء على يدها ولكنها لم تبالى ظنن انها من حزن ليله البارحه حدث معها تجلط فى الدم فقد قرأة على مثل هذه الأعراض من قبل ، خرجت من الغرفه لتجد تفاح على السفره اخذت اكبر واحده وهى تنظر إليها

وعد
مع انك فيكى كسره بسيطه بس شكلك مغري الصراحه ، ذهبت وغسلت التفاحه وبدأت تاكل منها رغم ان يوجد بها مثل ظافر مغروس بها ولكن كان شكل التفاحه ل وعد مغر فكانت كبيره جدا وحمراء غير التى كانت فى الشنط لا وطعمك جميل كمان ، بس غريبه بابا لحق يجيب الفاكهه دى كلها امته ، يلا وانا مالى اهو ناكل واحنا ساكتين وخلاص

اخذت التفاحه وهى مازالت تاكل بها بتلزز وذهبت إلى الغرفه لتصلي فرضها وتقراء وردها اليومى من القرآن

___________________

فى صعيد مصر

قهقه بصوت عالى وهو يصيح
ايوه كده يا عم سعيد ، لا ده انت ليك احلى وادمل حلاوه كمان ، عيب عليك يعنى هو انا عمري وعدتك بحاده وخلفت فيها ، اهم حاده المره دى ماتنفدش منها ، بتقول ايه ؟ كلتها لا ده انا بنفسي دايلك ومعايا احلى حلاوه ليك ، ماشي يا عم  سعيد، عايز حاده تانى انت تامر بس ، ماشي ماشي ماشي،  سلام سلام سلام

أغلق معه وجلس يصفر من فرحته فلو كان بيده لاقام الافراح الان وظل يرقص لمدت ثلاث سنوات وأكثر

انتهاء الفصل ، رايكم وتوقعاتكم

هل وعد اوفر فى موضوع الكرامه ؟
الاهل معهم حق ولا وعد كلامها صح ؟
حمات شهد هتجوز ابنها فعلا ؟
شهد هتعمل ايه ؟
وعد هيحصلها ايه بعد اكل السحر إللى ابن عمها عملهولها ؟

انتهاء الفصل الثالث عشر من حكاوي
#مين_قال_انتي_عانس_ج٢

بقلمي اسو_احمد