(69.2)
ယန်မင်းဟာ တစ်နှစ်နီးပါး ဂျင်းဆင်း တွေ စားခဲ့ ပြီးသား ဖြစ်လေတယ်။ သူမရဲ့ ရောဂါ က အပြင်ပိုင်းမှာတော့ ပိုကောင်းမွန်လာတာ မှန်ပေမယ့် အတွင်းပိုင်းထဲက တစ်ချို့ အရာတွေ ကတော့ ပြန်လည်ကောင်းမွန် လာစေဖို့ရာ မလွယ်ပေ။
ပင်း က တစ်ခါတစ်လေ ဆိုရင် နောင်တ ရနေတက်တယ်။ အဲ့အချိန်တုံး က သူက ငယ်ရွယ်လွန်းပြီးတော့ အရမ်းလျစ်လျု ရှုမိခဲ့တယ်။ အဲ့တုံးက ယန်မင်းကို နှင်းတောင်ပေါ် သွားတာ တားခဲ့မိသင့်တယ်။ အခုတော့ သူတို့ ကံ ကြမ္မာ ရေစီးအတိုင်း လိုက်ဖို့ပဲ ကျန်တော့လေတယ်။
'' ဒီအချိန်မှာ အအေးဆေးပင် နှစ်ခု နဲ့ ဂျင်ဆင်း ၅ ခုသာ ယူသွားပါ။ မင်းအဲ့တာတွေနဲ့ ကြိုက်ရာကို လဲလှယ်နိုင်တယ်။ ဒါပေမယ့် မင်း လဲမယ့် အရာရဲ့ တန်ဖိုးက မနှစ်က ငါတို့ ယူလာတဲ့ အရာရဲ့ တန်ကြေး ကို ကိုယ်စားပြုတာကြောင့် ညီမျှတာ ကိုပဲ ရွေးချယ်ပါ ''
'' ငါသိပြီ''
ပင်းက ခေါင်းငြိမ့်လိုက်တယ်။ မနှစ်က ချီဟန် ညှိနှိုင်း ခဲ့တဲ့ မှတ်ဉာဏ်တွေက အခုချိန်ထိ လက်လက်ဆက်ဆက် ရှိနေဆဲ ပါပဲ။
'' ငါက ကြိုတင်နမိတ်ဖက် တာနဲ့ ပတ်သက်ပြီး တော့ စိုးရိမ်နေဆဲပဲ။ ပိုင် ကို ဦးဆောင်ခိုင်း ပြီးတော့ မျိုးနွယ်ထဲက လူတွေကို ငါတို့ရဲ့ ရေကန်ဆီ ခေါ်သွားပြီး ရေကူးသင်ခိုင်းလိုက်ပါ။ တကယ်လို့ အနာဂတ် မှာ သူတို့ ရေထဲကို ပြုတ်ကျ သွားရင်တောင်မှ ပဲ သူတို့ အသက်ဆက်ရှင်ဖို့ မျှော်လင့်ချက်လေး ရှိနေအုံးမယ်။ ''
ချီဟန်က အစ ကတော့ သားပေါက်လေးတွေကို အရင်ဆုံး ရေကူးသင်ခိုင်းဖို့ စီစဥ်ထားတာ ဖြစ်လေတယ်။ ဒါပေမယ့် အခုတော့ သားရဲလူသားကြီး တွေကိုပဲ စပြီး ရေကူးသင်ခိုင်းတာ က ပိုကောင်းမယ် ထင်ပါတယ်။ ဘာလို့လဲ ဆိုတော့ မိသားစု တစ်ခုလုံး ရဲ့ တာဝန်က သားရဲလူသားကြီးတွေ ပုခုံးပေါ်မှာ ထမ်းထား ရလို့ပဲ ဖြစ်တယ်။
'' တိုက်ကွန်းခ် မြစ် ရေကြီးတုံးက မြစ်ရေပြင် က မြင့်တက်လာပြီးတော့ မိကျောင်းတွေလဲ အပေါ်ကို တက်လာခဲ့ ကြတယ်။ ဒါကြောင့် ကန်ထဲကို မိကျောင်းရှင်းလင်းရေး လုပ်ဖို့ အရင်လုပ်ရမယ်။ မတော်တဆ လူတွေကို နာကျင်စေမိရင် မကောင်းဘူး ''
မနှစ်က ကန်ထဲ ကနေ မိကျောင်း နှစ်ကောင် တက်လာတာကို ပြန်တွေးမိတော့ တုံ ရဲ့ နှလုံးသား ထဲမှာ အကြောက်တရားတွေ မြင့်တက်လာဆဲ ပါပဲ။
'' ကောင်းပြီ။ မင်းပဲ အဲ့တာကို စီစဥ်လိုက်ပါ! ''
ချီဟန်က တုံ ကို နှစ်လိုစွာနဲ့ ကြည့်လိုက်တယ်။ ဒီကောင်လေးက လွန်ခဲ့တဲ့ နှစ်နှစ်ကတည်း က ပိုပြီး အရွယ်ရောက်လာခဲ့တာလေ။ သူက ဘေးနားမှာ ရှိနေချိန် ဘာဆူညံမှုမှ အများကြီး မလုပ်ပေမယ့် သူ့မှာ ကိစ္စတစ်ခုကို အသေအချာလုပ်တက် ပြီးတော့ ထင်မြင်ချက် တစ်ချို့လဲ ပြောပြတက်သေးတယ်။
သူက ဘာကိုပဲ ဦးတည်ရည်ရွယ်ချက် ထားလိုက်ပါစေ အဲ့တာတွေ ဖြစ်မြောက်အောင် သူက သေချာပေါက် ဆောင်ရွက်မှာ ပဲ ဖြစ်လေတယ်။ သူက အတော်ဆုံးနဲ့ အကောင်းဆုံး ခေါင်းဆောင် တစ်ယောက် ပါပဲ!
'' ယန် ပြောတာ ကတော့ ချင်းယွမ် မျိုးနွယ်စုရဲ့ ကျန်တဲ့ လူတစ်ရာကျော်က အဝေးကို ခေါ်ဆောင်သွားခြင်း ခံရတယ်တဲ့လေ။ ''
လန် က သူ့မေးစေ့ကို ထိကာ ပြောလိုက်တယ်။
'' ယန် က ပြန်လာပြီလား? ''
'' သူက မနေ့ည ကတည်းက ပြန်ရောက်တာ ။ ဒါပေမယ့် ရောက်တာ အတော်လေး နောက်ကျတဲ့ အတွက်ကြောင့် မင်းအနားယူနေတာ ကို အနှောင့်အယှက် မပေးခိုင်း လိုက်တာလေ။ ယန်ပြောတာ ကတော့ မနေ့က တစ်ချို့ အမျိုးသမီး တွေက လွတ်မြောက်ဖို့ ကြိုးစားခဲ့တယ်တဲ့လေ။ ဒါပေမယ့် သူမတို့က မလွတ်မြောက်ပဲ သူတို့တွေ ဖမ်းတာ ကိုပဲ ခံလိုက်ရတယ် တဲ့လေ။ ခုန်း က မနေ့ညက ပဲ သူတို့တွေ ကို စုဝေးပြီးတော့ အယောက် ၄၀၀ ကျော်တဲ့ လူတွေက အဝေးကို ပြောင်းရွေ့သွားတယ်တဲ့လေ။ ''
'' ပြောင်းရွေ့သွားတယ်။ ဘယ်နေရာကို သွားတာ တဲ့လဲ? ''
'' ယန် ပြောတာ ကတော့ သူ့ကို ကြည့်ရတာ တောင်ပိုင်းကို ဦးတည် သွားတာတဲ့လေ။ သူက ပြန်လာပြီးတော့ သူတို့တွေကို လိုက်ပြီး ဆက်စောင့်ကြည့် ရမလား ဆိုတာ ကို လာမေးတာလေ ''
ယန် ကလည်း အသစ်စက်စက် လက်ထပ်ထားတာ ဖြစ်လို့ အပြင်မှာ အချိန်တွေ အကြာကြီး နေရင်တစ်ကယ်ကို မကောင်းပါပေ။
'' ကျင်းကို ပိုပြီးပါးနပ်ကာ လှုပ်ရှားရ လွယ်ကူတဲ့ လင်းယုန်လူသား တစ်ယောက်ကို ရွေးချယ် ခိုင်းပြီးတော့ သူတို့ကို လိုက်ကြည့်ခိုင်းလိုက်ပါ ''
'' ကောင်းပြီ ''
အဲ့ဒီ တကယ့်မရှိတဲ့ နတ်ဘုရား ဝါဒီ က တကယ့်ကိုပဲ လူအယောက်ပေါင်း 400 ကျော်ကို သိမ်းသွင်းနိုင်ခဲ့တာလေ။
နေရာ က ဒီလောက်ကျယ်ပြောတာ ဘာလို့ သူက တောင်ပိုင်းကိုမှ သွားရတာလဲ?
ချီဟန် ရုတ်တရက်ကြီး တုန်လှုပ်သွားလေတယ်။
တိုက်ကွန်းခ်မြစ် အထက်ပိုင်း က မျိုးနွယ်စုတွေ အကုန်လုံး နီးပါးကို ချောင်ယွမ် မျိုးနွယ်စု က စုစည်းပြီးသွားပြီ။
သူက တောင်ပိုင်းကို သွားတာက သူ့မျိုးနွယ်ထဲ လူတွေ ဝင်ဖို့ ထပ်စုဆောင်း ချင်နေတာများလား?
အဲ့ကောင်က တကယ်ကို မကောင်းဆိုးဝါး ဆန်တယ်။ သူ့နောက်ကို လိုက်နေတဲ့ သူတွေ ကလည်း တကယ့်ကို မဲနက်နေတဲ့ စိတ်ရှိတဲ့ သူနဲ့ ဘာမှ လုံးဝ မသိတဲ့ ဖြူစင်တဲ့ လူတွေ ပဲ ရှိတယ်။
ဘဝ က ဘယ်လို ကြီးပဲ ဖြစ်နေပါစေ ကိစ္စမရှိပေ။ ဘယ်နေရာမှာမဆို နောက်ဘဝ ကျရင် ဘယ်လိုကောင်းမွန်မယ် ဆိုတဲ့ မက်လုံး ကတော့ လူတိုင်း ကို လွယ်ကူစွာ ဦးနှောက်ဆေးပြီး လှည့်စားလို့ ရလေတယ်။
'' မြန်မြန်လေး လမ်းဆောက်ပြီးတော့ တောင်ပိုင်းကို သွားတော့။ ငါတို့မျိုးနွယ်စု က အောက်ပိုင်းဒေသ အထိ တိုးတက်အောင် တက်နိုင်သမျှ ဆောင်ရွက်ရမယ်။ ပင်း ၊ မင်း ဒီနှစ် ကမ်းခြေကို သွားပါ။ ပြီးတော့ ပင်လယ်မျိုးနွယ်စု စုန်းမကို ပြောလိုက်ပါ။ အဲ့သားရဲလူသားကောင်ကို သေချာအာရုံစိုက်ပြီးတော့ တားဖို့လုပ်ပါလို့ ''
'' ကောင်းပြီ ''
သူ့ကို ဖယ်ရှားပစ်ဖို့ သူတို့ တစ်ကယ်ကြီး နည်းလမ်း တစ်ခု လိုလာပြီလား?
ချင်းယွမ်ရဲ့ ခေါင်းဆောင် က အရမ်းကို စိတ်ကြီးဝင်လွန်းတယ်။ ချင်းယွမ်က လူတွေ အတော်များများက ထွက်လာပြီးတော့ တုံ ရဲ့ မျိုးနွယ်ထဲကို ဝင်လာခဲ့ကြတယ်။ သူက သေချာပေါက် မနာလို မလိုမုန်းထား နေမှာပဲ။ တကယ်လို့ အဲ့နှစ်ယောက် သာ အတူတူ ထားလိုက်မယ် ဆိုရင် တကယ့်ကို ပုန်းကွယ်နေတဲ့ အန္တရယ် ကြီး ဖြစ်လာလိမ့်မယ်။
'' ပင်း မင်းရဲ့ လေးမြားကျွမ်းကျင်မှုက ဘယ်လိုနေလဲ?''
'' အရမ်းကောင်းတယ် ''
လေးပစ်စွမ်းရည်အကြောင်း ပြောရရင် ပင်း က အရမ်းကို ယုံကြည် ချက် ပြည့်ဝ လေတယ်။ သူက နေ့တိုင်း ပဲ မြားပစ် လေ့ကျင့်လေ့ ရှိတယ်။
ချီဟန်က ပင်း ကို ထိုလူတွေအား ဖယ်ရှားစေ လိုခဲ့တယ်။ အဲ့တာက လူရှေ့သူရှေ့မှာ ပြော ဖို့ကတော့ သိပ်တော့ မသင့်တော်ပေ။ အဲ့အကြောင်းကို တွေးပြီးတော့ သူက ပင်းကို သီးသန့် ခဏလောက် ခေါ်ပြောဖို့ လုပ်လိုက်လေတယ်။
.................................
တနင်္လါနေ့တိုင်း update ရှိပါတယ်။