Unicode
အဲ့ဒီလိုတွေးလိုက်ပြီးတဲ့နောက်မှာရှန်ယွီရဲ့သံသယတွေလည်းလုံးဝပျောက်ကွယ်သွားခဲ့သည်။သေချာစဥ်းစားလိုက်ပြီးနောက်ဆုံးမှာတော့သူကလိန်ယွီမန်အကြောင်းကိုထန်လီကိုမပြောပြလိုက်တော့ဘူး။
အခုတစ်လောမှာမုန့်ဆိုင်နှစ်ဆိုင်ဖွင့်ဖို့ပြင်ဆင်နေရပြီးကုမ္ပဏီကိုလည်းသွားနေရတာကြောင့်ရှန်ယွီကအရမ်းကိုအလုပ်တွေရှုပ်နေခဲ့သည်။အဲ့ဒါကြောင့်ပဲလိန်ယွီမန်အကြောင်းကိုချက်ချင်းပဲမေ့သွားခဲ့သည်။
အဲ့ဒီအချိန်အတောအတွင်းမှာပဲအကြီးအကဲရှန်ကသူနဲ့ဂျင်းနီယန်တို့ရဲ့အခြေအနေနဲ့ပတ်သက်ပြီးသူ့ကိုမေးလာခဲ့သည်။ရှန်ယွီကအကြီးအကဲရှန်ကိုမလိမ်ညာချင်တာကြောင့်သူနဲ့ဂျင်းနီယန်တို့ကမလိုက်ဖက်ဘူးလို့အမှန်အတိုင်းပဲပြန်ဖြေလိုက်သည်။
ထန်လီကိုသူကတိပေးထားတာကြောင့်တင်မဟုတ်ပဲအခုလိုအခြေအနေမျိုးမှာသူတစ်ယောက်ယောက်နဲ့ချစ်ကြိုက်တာကသူ့ကလေးရဲ့ပညာရေးအတွက်အနှောင့်အယှက်ဖြစ်သွားစေနိုင်တယ်လေ။ထန်လီအတွက်စိတ်မလုံမခြုံဖြစ်စေမယ့်အကြောင်းပြချက်လေးတစ်ခုတောင်မှရှိမနေစေချင်ဘူး။
အဲဒါကိုကြားလိုက်တော့မမျှော်လင့်စွာပဲအကြီးအကဲရှန်ကအချိန်အကြာကြီးတိတ်ဆိတ်သွားပြီးလက်လျှော့လိုက်တဲ့ပုံစံနဲ့သက်ပြင်းချလိုက်သည်။
"မင်းမှာငြင်းဖို့သေချာတဲ့အကြောင်းပြချက်တစ်ခုရှိနေတာပဲ။"
အကြီးအကဲရှန်ကပြောလိုက်သည်။
"ဒါပေမဲ့မင်းရဲ့ဘဝကိုတော့ကလေးတစ်ယောက်အတွက်နဲ့နှောင့်နှေးစေလို့မဖြစ်ဘူးလေ။ဟုတ်တယ်မလား။"
ရှန်ယွီကပြုံးရင်းပြန်ပြောလိုက်သည်။
"ကျွန်တော်ဂရုမစိုက်ဘူး။မစ္စယန်ကလည်းကျွန်တော်နဲ့ဖူးစာမပါတာဖြစ်မှာပါ။ပြီးတော့ကျွန်တော်ကငယ်သေးတယ်လေ။ကျွန်တော်နဲ့လိုက်ဖက်တဲ့တစ်ယောက်ယောက်ကိုရှာဖို့စိတ်ပူနေစရာမလိုသေးပါဘူး။"
"ကောင်းပြီလေ။"
အကြီးအကဲရှန်ကခဏလောက်ရပ်သွားပြီးမှဆက်ပြောလိုက်သည်။
YOU ARE READING
ဗီလိန်လေးအားမွေးစားခြင်း
RomanceOriginal author - Sweet And Greasy Millet Porridge English title - After Being Transported into a Book,I Adopted the Villain Original publisher - jjwxc Type - Web Novel This story is not mine...
