ဂျိန်းန်က ခေါင်းငြိမ့်ပြလိုက်တယ် " ကိုက ပိုးမွှားဗေဒတွေ ဘာတွေကို နားမလည်ပေမဲ့ အဲဒါက အကြောင်းအကျိုး ခိုင်လုံတဲ့ ယူဆချက်လို့ ထင်တယ် "
                          
" ဒါပေမဲ့ ဇွန်ဘီတွေက အထူးတပ်ဖွဲ့ဝင်တွေကို တိုက်ခိုက်လိမ့်မယ်လေ "
                          
" အင်း "
                          
" ဒါပေမဲ့ အိပ်က်စ်-ဗိုင်းရပ်စ်က ကိုမက်ဗိုင်းရပ်စ်ကနေ ထုတ်ဖော်ထားတာလေ "
                          
" အင်း ... ဟုတ်တယ် ... ဒါဆို သူတို့က ဘာလို့ ကိုတို့ကို တိုက်ခိုက်ရမှာလဲ " ဂျိန်းန်ကိုယ်တိုင်လည်း သိမိသွားခဲ့တယ်။  
                          
" အဲဒါကြောင့် ငါတို့က ကိုမက်ဗိုင်းရပ်စ်ထဲမှာ ရှိပြီး ... အိပ်က်စ်-ဗိုင်းရပ်စ်ထဲမှာ မရှိတဲ့အရာကို ရှာဖွေရမယ်လို့ ဆိုလိုတာလေ။ သူတို့ ဘယ်နေရာမှာ ထပ်သွားပြီး ငါတို့ ဘာလွတ်သွားလဲဆိုတာကို ရှာဖွေဖို့ လိုတယ်။ ဒါဆို ကျန်ခဲ့တဲ့ဟာကို လေ့လာရမယ်။ အဲဒါက အဲဒီ့ထဲမှာပဲ။ အဲဒီ့အပိုင်းက သူတို့ အခြားလက်ခံသူတွေကို ဘယ်လိုခွဲခြားတယ်ဆိုတာပဲ။ အဲဒီ့ အဓိပ္ပါယ်က ငါ အဲဒီ့အခန်းဏ္ဍကို ခွဲခြားသတ်မှတ်နိုင်ဖို့ လိုတယ်။ ငါ ရှာနိုင်ပါတယ်။ ငါရှာတွေ့မှာပါ "
                          
ရှောင်ရန် ခက်ရင်းကို ချလိုက်ပြီးတော့ စားသောက်ဆိုင်ကနေ ထွက်သွားဖို့ မတ်တက်ရပ်လိုက်တယ်။ 
                          
" ဟေး ... မင်း အခုထိ စားလို့မပြီးသေးဘူးလေ " 
                          
ဂျိန်းန်က သူ့ကို အော်ပြောရင်း သူပါ ထရပ်လိုက်ပြီး ရှောင်ရန်နောက်ကို အမှီလိုက်ဖို့ ကြိုးစားလိုက်တယ်။ 
                          
ရှောင်ရန် ကျောင်းဝန်းထဲကို ပြန်လျှောက်လာခဲ့တယ်။ သူ ကိုမက်နဲ့အိပ်က်စ်-ဗိုင်းရပ်စ်ကြားက ကွာဟချက်ကို ဖော်ထုတ်နိုင်ကတည်းက သူ အိပ်က်စ်-ဗိုင်းရပ်စ်နဲ့ ပက်သတ်တဲ့ ပရောဂျက်တွေအားလုံးမှာ ပါဝင်ခဲ့ရပြီးတော့ သိထားသမျှအကျိုးဆက်တွေကို ဖယ်ထုတ်ထားခဲ့ကြတယ်။  ဗိုင်းရပ်စ်ရဲ့ မျိုးပွားဗီဇထဲမှာ ပုန်းကွယ်နေတဲ့ တစ်ခုခုတော့ ရှိလိမ့်မယ်လို့ ရှောင်ရန် သေချာသိနေခဲ့တယ်။ ဇွန်ဘီတွေရဲ့ လျစ်လျူရှူ ဂရုမစိုက်ခြင်း ခံရတဲ့ သော့ချက်ပေါ့။