Smile
Vincent's POV
Isang linggo na pala ang lumipas simula noong makalabas sa hospital sina Pauline, Voni at Nate. Mas nauna nga lang ng dalawang araw sina Pauline kay Nate. Kababalik lang din nina Kenneth, Boss RD at Mr. Kendrix kahapon galing sa Bohol.
Wala naman daw masamang nangyari sa kanila pero 'yong mukha raw ni Boss RD sabi ni Kenneth ay hindi maipinta.
Isang linggo ko na ring napapansin na good mood si Mr. Kendrix at hindi ko naman magawang magtanong sa kaniya dahil wala akong panahon.
Si Boss RD naman at si Luke ay parang nag-uunahan pa rin sa puso ni Dainty.
Ako? Wala akong problema, masaya ako sa piling ni Pauline.
"Ang daming nangyari noong nakaraang linggo and I think we deserved a break." Napatingin naman kaming lahat kay Mr. Kendrix nang magsalita s'ya.
"Break? Sa pagkakaalam ko Boss ay walang tayo." Sabi ni Ricko kaya nakatanggap s'ya ng sobrang lakas na batok kay Voni. Hindi naman pinansin ni Mr. Kendrix si Ricko dahil nagpatuloy ulit s'ya sa pagsasalita.
"Saan n'yo gustong pumunta? Magbabakasyon tayo." Sabi n'ya kaya bigla akong na-excite.
"Cebu!" Si Voni.
"Boracay." Si Nate naman.
"Kahit saan basta rito lang sa Pilipinas, tinatamad na ako mag ibang bansa." Sagot ni Kenneth na nakakamot pa sa batok n'ya.
"Agree ako kay Kenneth." Pagsang-ayon Dainty at nag-apir pa silang dalawa ni Kenneth.
"Sa resort n'yo na lang kaya sa Zambales, Mr. Kendrix? Matagal ko nang hindi nabibisita 'yon." Tumango naman si Mr. Kendrix sa sinabi ni Vincent.
Na-curious tuloy ako bigla kung ano na ang itsura ng resort nilang 'yon? Huling punta ko ro'n ay sobrang tagal na kaya sobrang ganda na siguro doon.
"Ayos lang ba sa inyo sa Zambales?" Tanong ni Mr. Kendrix sa amin, kaya tumango kami.
"Isama n'yo na rin kung sino ang mga gusto ninyong isama." Dagdag pa ni Mr. Kendrix at bigla naman s'yang inasar ni Nate.
"Sus, Ken. Ang dali-dali sabihin na gusto mong makita ang pinsan ko, kaya sige tatanungin ko 'yon kung gusto n'yang sumama. Pero hindi ko maipapangakong papayag 'yon dahil tinatamad 'yon magtravel kapag malayo." Mahabang sabi ni Nate kaya natawa kaming sa lahat sa loob dahil pinanliitan s'ya ng mata ni Mr. Kendrix.
"Vincent, isama mo na rin si Pauline para may magic word tayo kay Xariya." Sabi pa ni Nate at natatawang tumango ako sa kaniya.
Excited na tuloy ako sa magiging bakasyon namin lalo na't magkakasama na naman kami at mas marami kaming pupunta ngayon doon, hindi para sa mission, kundi para magpahinga.
***
Nate's POV
"Xariya, gusto mo bang magbakasyon?" Tanong ko sa pinsan ko habang tumatambay kami rito sa tindahan sa kanto. May mga street foods kasi rito kaya masarap tumambay.
"Saan naman?" Tanong n'ya bago sumubo ng fishball.
"Zambales." Sagot ko.
Pupusta ako ng isang milyon na 'hindi' agad ang isasagot n'ya.
"Hindi."
Oh sabi ko na nga ba e!
"Hoy, bilis na kasi, minsan na nga lang tayo magbabakasyon ng libre tapos hindi ka pa papayag?" Sabi ko pero inirapan n'ya lang ako.
