Thank You!

                                    

                                          
Finally! Sa wakas at natapos ko na rin si boss Axel. Ibang klaseng fullfilment ang nararamdaman ko habang sinusulat ang epilogue. Hindi ko ito matatapos kung hindi dahil sa suporta ninyong lahat. Maraming- maraming salamat po sa inyo. Maraming salamat po sa mga komento, suhestyon, votes at load. Lahat ng 'yon naging dahilan para makaabot ako hanggang epilogue.
                          
Sobrang dami kong natutunan habang sinusulat ang kwentong ito na naging dahilan para pag-igihan ko pa sa iba ko pang kwento. 
                          
Marami akong pinag-daming ups and downs akong nadaanan hindi lang sa pagsusulat kung hindi sa totoong buhay rin. Reading and writing became my escape from my real life. Minsan gusto ko nalang mag-breakdown pero ayokong maging mahina. Kaya nagsusulat na lang ako dito o di kaya ay nagbabasa. 
                          
Ang mga komento niyo at ang mga mensahe niyo ang distraction ko. Pasensya na kung hindi ko po nare-replyan lahat ng mga komento at mensahe ninyo sa akin. May mga araw rin kasi na gusto ko nalang matulog ng isang buong araw para makalimutan ang mga problema ko. Nakakainis kasi kahit anong gawin kong pagtakas, pa ulit-ulit ko pa ring hinaharap ang problema na hindi naman dapat para sa akin. 
                          
Kung may mga araw mang hindi ako makapag-update, iyon po ay dahil nagpapahinga ako saglit. Napapagod rin po kasi ako. Hindi lang sa pagsusulat pati na rin sa totoong buhay. Napapagod na akong marinig ang iyak ng mama ko. Ang sigawan nila. Nakakapagod isipin na unti-unti na palang nasisira ang pamilya mo. Bilang panganay, nakakapagod rin pakinggan ang mga magulang mo na nagpaparinig ng mga habilin sa iyo. Ang sarap nilang unahan. 
                          
Hindi po ako nagpapa-awa o ano man. You can choose to forget this part of my thank you letter pero ito lang po kasi ang naiisip kong paraan para gumaan kahit papaano ang pakiramdam ko. Gusto kong makipag-usap sa mga kaibigan ko pero ayokong abalahin sila sa problema ko. Alam kong may sarili rin silang problema.
                          
Maraming salamat po! 
                          
Sana suportahan niyo pa rin ang iba ko pong on-going na libro. Hehe!
                          
Ito po ang mga ongoing books ko po:

                          
•The Governor's Secret
                          
•The Lost Doctor
                          
•Set Me Free, Mr. Businessman
                          
•Where To Find
                          
•Parasitism
                          
Mag fo-focus po muna ako sa The Governor's Secret, The Lost Doctor at Where to Find.