Napatakip ako sa aking mukha dahil tuluyan na akong napa-iyak. Wala man akong sariling pamilya pero ang mga taong ito ay sapat na. Hindi ko man sila kaano-ano o kadugo pero itinuring nila akong pamilya. Para sa akin sapat na 'yon. Ayoko ng humingi pa ng labis-labis. 
                          
"Are you happy?" Niyakap ako ni Axel habang nakatakip pa rin ang aking kamay sa mukha ko at umiiyak.
Tumango ako dito bilang sagot. Hindi lang ako masaya. Sobrang saya ko!
                          
Pinunasan ko ang aking mukha at humarap sa kanilang lahat. Lahat sila ay nakaabang sa sasabihin ko. 
                          
"Thank you po sa inyong lahat. Hindi ko talaga alam ang sasabihin ko...Pero thank you po talaga." Ang nakangiti kong sabi sa kanilang lahat.
                          
Lumapit sa akin si Senyora at Don Allistain at niyakap kaming dalawa ni Axel. 
                          
"Congratulations, ijo. Welcome to the family." Tinapik pa ako ni Don Allistain sa likuran. 
                          
"Congratulations, ijo. Welcome to the family. Nakakapagod na rin kasama si Austine. Call me mama na lang, ha?" Ang may kalakasang sabi ni...mama sa akin. Kinikilig akong napangiti dito at tumango.
                          
"Opo." 
                          
"Chosera ka, mama! Natalo ka lang sa mahjong magsisimula ka na ng family feud." Ang sigaw ni Austine na sinusubuan ng pagkain si Noah. Nagtawanan naman lahat pagkatapos nitong magsalita. Baliw talaga HAHAHA!
                          
"Anyways, kumain na tayo! I'm very hungry na." Sigaw ni tita bago umangkla sa aking braso at hinila ako papalayo kay Axel. " Kanina pa namin kayo hinihintay. Axel told me na by eleven or twelve kayo makakarating dito sa bahay."  Naglakad kami papunta sa lamesa kung saan may nakahandang pagkain.
                          
"Sobrang tagal kasing maligo ni Isabel, tita." Ang sumbong ko dito. Mariin namang umiling si Isabel na may bitbit na plato bago umupo sa lamesa kasama ang pamilya ni Austine.  
                          
Dinagdagan nila ng isa pang lamesa ang dining hall para yata ma-ukupa ang dami ng bisita. Everything here is decorated with royal blue mula sa mga balloons at mga anu-ano pang mga designs. May cake rin sa harapan at may dalawang figurines ng nakadapang baby sa ibabaw nito. May hawak-hawak pa na singsing ang dalawa. 
                          
Nilingon ko si Isabel ar tinitigan. I won't be surprised kung si Isabel ang nagsabi nito sa kanila. Sa daldal ba naman ng babaeng 'yon.
                          
Nilingon ako ni Isabel at tinaasan ng kilay. "Oh? It's not me ha! Si kuya Axel ang nag-utos sa amin ni Austine. Right bakla?" Kinalabit nito si Austine na lumingon sa akin at tumango.
                          
"Mmm! Tag 10k kami ni Isabel." Ang tapat nito na ikinatawa ko. Pinagkakitaan pa talaga ako. Walanghiya talaga!
                          
"Kumain ka na." Napatingin ako kay Axel habang nilalagyan niya rin ang sarili niyang plato ng pagkain pagkatapos niyang lagyan ang sa akin.
                          
"Thank you." Humalik ako sa pisnge nito bago nagsimulang kumain. 
                          
Pagkatapos namng kumain napuno ng usapan at tawanan ang dining hall sa pasimono ni Austine. "By the way, ijo. This is Nathalie Marie, my daughter. Ate nila Axel. Itong binatang katabi niya ay ang anak niya, si Kirby, apo ko." 
                          
Umayos ako ng tayo at nakipag-kamay sa kapatid nila Axel. Para silang pinagbiyak na bunga ni tita. Sobrang ganda rin nito at ang binatang katabi niya ay hindi rin magpapahuli kina Axel.