Melissa's POV
                          
Sumapit ang ikalimang araw mula nang mangyari ang pagkabigo namin sa laban.
                          
Ngayon na, ngayon na kami lalaban upang tulungan at sagipin si Athena ang kaibigan kong miss na miss ko na. At puksain ang kasamaan ni Drack dahil sumosobra na siya pati ang mga kapwa naming estudyante na walang laban ay nadadamay.
                          
"What the hell?! Ba't mga nakatulala sila? At nakapila ng maayos?! Hindi ba kahapon mga nakahandusay silang lahat?" Pagtataka ni Aldrin dahil mula rito sa taas kitang kita namin ang mga tulala at 'di kumikilos naming mga kaeskwela at mga kawal.
                          
Mukhang kontrolado sila.
                          
"Kontrolado sila ni Drack" sabi ko at parang sumakit ulo ko kaya napapikit ako. Nakita ko ang ginawa nila, kinuha nila ang kapangyarihan ni Athena!
                          
"Ok ka lang Kitty? Anong nangyayari?" Sabi nito at hinawakan pa 'ko sa kamay . Lahat kami ay lumilipad at nandito sa taas para tignan ang kalagayan ng mga nandito sa Magian Academy.
                          
Nakatingin sila sa 'king lahat tila hinihintay ang sagot ko.
                          
"Kinuha nila ang kalahating kapangyarihan ni A-athena" sabi ko kaya nagulat sila kasi paano nila makukuha 'yon? Tanging Diyos o may kapit sa Diyos lang ang may kayang gumawa non.
                          
"Paano?! Hindi ba ang sabi sa libro ng mga mago ay hindi pwe-pwedeng kunin ng kapwa mago ang kapangyarihan ng ibang mago dahil simula palang ng ipinanganak ang mga tulad natin ay inborn na sa'tin ang mga kapangyarihan natin. Tsaka ang sabi pa don tanging Diyos lamang ang kayang makakuha ng kapangyarihan kasama nadin ang may kapit sa Diyos" sabi naman ni Icy kaya napaisip ako. Paano nakuha ni Drack ang kapangyarihan ni Athena?
                          
Hindi kaya?
                          
"Ang nag-iisang Diyos na sinasamba ni Drack ay si Hades, matagal na din simula ng ialay niya ang kaluluwa niya kay Hades. At sa palagay ko tinulungan siya nito para sa pinakamalakas na kapangyarihan na makukuha nito. Dahil iisa nalang sila, si Hades na nakakulong sa Underworld ay pwedeng makawala dahil sa pagkuha ni Drack ng sobrang lakas na kapangyarihan galing sa isang itinakdang Prinsesa" makahulugan namin siyang tinignan at napaisip kami.
                          
Teka, paano nalaman ni Ralph ang bagay na 'yon?
                          
"Sa sinabi mo ba Ralph, maaaring si Hades na ang umubos sa ating lahat kung sakaling mas lumakas at makuha ang lahat ng kapangyarihan ni Athena?" tanong ni Stacey sakanya kaya naghintay lang kami ng sagot niya.
                          
"Maaaring oo, maaaring hindi" Makahulugang sabi niya, kasabay non ay paglipad namin papunta sa Celestial Kingdom upang iparating ang nangyari sa Magian Academy.
                          
Ibinalita namin ang nangyari sa Academy at ngayon na kami susugod. Hindi na kami makapaghintay pang lumaban para sa kalayaan ng lahat, dahil alam kong balak ni Drack na kontrolin kaming lahat para siya na ang maging pinakamalakas rito sa mundo ng mahika.

                          
Habang abala yung iba sa pag-eensayo at kasama ko sila Stacey na nandito sa gilid ng paakyat sa bundok dahil nagpapahinga kami ngayon dahil mamayang kabilugan ng buwan kami susugod. Biglang lumitaw si Olivia, kaya napatayo kaming lahat sa pagkakaupo.

                          
"Pasensya na sa istorbo mga Mahal na Prinsesa't Prinsipe, nais ko lang ipaalam sa inyo na pupunta tayong lahat sa pinakatuktok ng bundok" nagtaka pa kami pero sinagot niya din ang katanungan na nakikita sa mukha namin.

                          
"Ipapakita ko ang mga rebulto ng ating mga Diyos at Diyosa upang bigyan kayo ng lakas para sa laban mamaya.


                          
Elisay's POV