#الجن ...الجزء_ الثاني
حسن . ههههههه منو كال
أمير . وهل يخفى القمر الكتاب مبين من عنوانه اخلاقك سابقتك حسوني
حسن . الله يحفظك شيخ
أمير. حسوني اريد اتعشه يمك
استغربت من طلبه ؟؟ بس استحيت ارده
حسن . تنورني البيت بيتك
وصفتله البيت واجه تعشه يمي ومن يومها قوت علاقتي بيه حيل وصرت اطلع وياه وأروح للزياره وياه والمناسبات الدينيه و الكعدات الدينيه
صرت اثق بيه حيل وأمن بي صارت اكثر طلعاتي وياه وصار يبعدني عن اصدقائي
وخاصتآ نمر جان يحاول يبعدني منه و يكلي ذكي و مميز و مستواك اعله منهم و فعلا نجح
كدر يبعدني عنهم و يقربني اله هو جان يعرف بيه احب الروحانيات و احب اعرف عن عالم
الجن فبقى يدخلي من هلباب لأنو هوه جان روحاني وصار ياخذني وياه لأصدقائه الروحانين .
واسمع واشوف شغلات غريبه عن بعض الناس مخيفه بيها إلي مشوقه ومره اخذني وياه عند صديقه يسخر جن و عنده تواصل ويه عالم
الجن من خلال حجيهم فهمت صديقه هذا يستخدم معرفته وعلمه حته يأذي الناس و من حاولت اتناقش ويه أمير .
واكله صديقك عله غلط دافع عنه وبرر موقفه وكلي انو شغل صديقه كله لمصلحة الناس .
وبس فضولي الشديد وحبي للتعرف على هذا العالم خلاني اطلب من أمير انو يعلمني على الروحانيات و اتعمق بهالعالم .
أمير . حسن الموضوع مو بسهوله الي تتخيلها هالشي محتاج دراسه و تعب ومعرفه
حسن . واني مستعد بس انت ساعدني
أمير . حسن اني اخاف عليك أكو شغلات مو سهل تتعامل وياها
حسن . صدكني اني كدها انت بس ساعدني واذا مساعدتني ازعل منك
أمير . خلص حضر نفسك باجر امر عليك نروح لشخص
أخذني أمير ثاني يوم ورحنه للشخص جان اسمه (ابو قيصر) نطاني مجموعة كتب وحجه وياي
ابو قيصر. حسن شنو تعرف عن العالم الثاني يقصد عالم الجن . عندك تواصل سابق ويه هالعالم لولا .
حسن . الي اعرفه انو عالم صعب ومو اي احد يكدر يتواصل وياه بس اني من زمان كنت حاب اتعرف ع هالعالم وأحاول اتقرب منه لأن احس
عالمنه ناقص بدونه احسه يكملنه بس معندي تواصل سابق ويه هالعالم بس دائما ابحث واقره عنه بالنت .
ابو قيصر . لازم تعرف انه هالعالم صعب ومو اي احد يكدر يوصله ولتصدك اي احد يكلك اني
اتواصل ويه هالعالم لأن مو الكل عدهم هلأمكانيه والشي الأهم الي لازم تعرفه ان هالعالم حييل مخيف وأي خطأ منك تجاهه راح تتأذه .
حيل وبطريقه مخيفه فإذا كنت حاب تخوض هالشي لازم تعرف عواقبه
حسن . اني اعرف هالشي و مستعد لكلشي وانشالله اكدر اتعلم الصح .
وفعلا بلشت اقره الكتب و إستغربت انو عمري مشايف هالكتب ولاسامع بعناوينها وحده كانت كفيله انو تزرع الخوف بكلب الشخص .
صار أمير ياخذني عند ناس متخصصين بهالشي هواي ومن ضمنهم شخص معروف بهالمجال حيييل إسمه( أبومروه )بعد لقائي بأبو مروه
إرتاحيتله هوااي حسيته مو مثل كل الي تعرفت عليهم بالمجال حسيته حيل طيب وصاحب علم ميستخدم عمله لشيئ خطأ .
أومضر وصرت أتواصل ويه أبو مروه بس أمير عرف ضاج وصار يمنعني أنو اتواصل وياه من سألته عن السبب كال انو اني فقير وكلبي طيب
و ماعرف منو يستغلني ومنو لأ وفعلا بعدت عن أبو مروه و بيوم حسيت نفسي صرت أعرف الشي الكافي الي يخليني اوصل لهل عالم المثير لأهتمام بالنسبه الي.
اعتزلت بالبيت اسبوعين وبديت اقره و اعرف اكثر وقررت انو انفذ الي اريده وأعزم (أحظر) جن وإستخدمت الكتاب الخاص بهالشي.
حسن . يمه اني تعبان راح انام بغرفتي لحد يكعدني
أم . شبيك مو عوايدك تنام هسه ساعه9 بعد وكت
حسن . اي يمه تعبان شويه لحد يكعدني
إم . خوش يمه روح نام نوم العوافي يبعد أمك
حسن . تصبحين على خير
أم . وأنته من اهله يمه
صعدت لغرفتي دخلت سديت الباب و شغلت البخور الي جنت محظره وقاري عليه شغلات المطلوبه طلعت الكتاب وحصنت نفسي بأية
(الكرسي 7مرات ) وبلشت بألعزم أول خطوة جانت الطلسم جنت محظر الزعفران ومي الورد و قطعة قماش الي لازم اكتب عليها الطلسم
وفعلا بلشت اكتب طلسم على قطعة قماش طبعا حظور الجن راح يكون من خلال بابين حظره راح يكون سهل بس صرفه حيل صعب
وهواي يفشلون بي و يصيرون ضحيه لعدم معرفتهم وجهلهم بهالشي و يوكعون بخطأ
حيل فادح وصعب تداركه .
طبعا جانت الغرفه ظلمه لانه تحظيره للجن لازم يكون بضلمه فجنت مطفي الضوء وشاعل شمعه صغيره تنطي اضائه كللش خفيفه للغرفه .
خلصت الطقوس وصارت عندي رعشه حييل قويه وغريبه عرفت انو اني نجحت بهالشي.
وفجأه ضهر كبالي كائن شكله حيل مزعج ومخيف ويصرخ بصوت حييل عالي و مؤذي جان قزم وعيونه حمررره وجههه مابي ملامح ابيض ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
للقصه تكمله ...يتبع
راح يكدر حسن يخلص من الخطأ الي وكع بيه
راح تبده من بعد هالبارت الي حسن حظر بيه
الجن المعانات من الي سواه حسن نشوف بالبارتات
الجايه الي سواه حسن زين مو زين صح غلط انتضروني ....
أنت تقرأ
الجن..🔞
Romanceحسن . انت شتريد مني عوفني دمرتني عوووفني أطلع من جسمي. 🔯يستحيل ان اترك هذا الجسد الجميل واعود للجسد البشع الذي كنت به الجسد هذا اصبح لي الان وليس لك اي حق به 🔯 الجن ..🔞(باللهجه العراقية ) (روايه قد لاتناسب ذوي القلوب الضعيفه )
