"Ang Pagtatapos"
-Tula-
Ika-labing apat, #14
Naranasan na niyang mabigo
Ipinamukha sa kanya na walang siyang kwenta
Paulit-ulit na siyang sinasabihang bobo
Hindi iyon totoo, ngunit siya ay naniwala.
Kalunos-lunos ang kanyang sinapit
Ngunit walang nakakita sa mga iyon
Hindi naman niya hinangad
Na kaawaan at yurakan ang kanyang dignidad.
Sapat na ang awa niya sa sarili
Panliliit na sa kanya mismo nagmumula
Hindi na niya pipigilan pa—
ang pagkalunod sa sariling mga luha.
Malamyos ang musika sa paligid
Bumabalot ang malilikot na mga ilaw
Ngunit siya ay nasa isang tabi lamang;
hapong-hapo. Humihikbi.
Umaasa na sa pagtigil ng kanyang paghinga, magtatapos ang lahat.
BINABASA MO ANG
Hinagpis sa Bawat Taludturan (Completed)
PoetryIto ay mga salitang nagmula sa pusong nais lamang na magtapos na ang sakit. Makatakas sa pagkakakulong mula sa mga alaala na nais nang makalimutan. Sa binuong mga tula, umaasa na sana ay mabuo na rin ulit siya. ---
