CHAPTER 6

                                    

                                          
CHAPTER 6
                          
KANINA PA PINAGMAMASDAN ni Lucky ang imbitasyon na personal na iniabot kanya ni Mrs. Valcarcel noong makalawa. Nagdadalawang-isip siya kung pupunta siya. 
                          
She did promise Summer she'd attend her birthday party. 
                          
Bumuntong-hininga siya. Kailangan niyang magpakita sa bata. Nangako siya. Ayaw niyang ma-disappoint ito sa kanya. 
                          
Tiningnan niya ang wall clock. 
                          
1 PM. The party would start at two. 
                          
Mabilis siyang tumayo mula sa pagkakaupo sa sofa, saka hinubad ang mga damit at pumasok sa banyo para maligo.  
                          
After taking a bath, she chose her muted pink off shoulder dress that reached her knees and pair it with white-pink flat shoes. 
                          
Sinuklay niya ang hanggang balikat na buhok, naglagay ng kaunting kolorete sa mukha para hindi siya mukhang namumutla.
                          
She finished making herself presentable at exactly two PM. Nang lumabas siya ng apartment, inilabas niya ang sasakyan sa garahe ng apartment building at maingat na nagmaneho patungo sa Bachelor's Village kung saan gaganapin ang birthday party. Pero dumaan muna siya sa toy store para bumili ng regalo. 
                          
Nang makarating sa gate ng Bachelor's Village, ipinakita niya sa guard ang imbitasyon niya at agad naman siyang pinapasok. Kailangan pa niyang magtanong-tanong sa mga taong nadaraanan niya para lang matunton ang bahay ng mga Valcarcel. 
                          
It was a beautiful huge mansion. 
                          
Ilang segundong tinitigan ni Lucky ang harap ng mansiyon bago siya naglakad palapit sa pintong nakabukas. Malayo pa siya, naririnig na niya ang tawanan sa loob, kantahan at sigawan ng mga bata. 
                          
Naiilang siyang pumasok pero naisip niyang personal pa siyang pinuntahan ni Mrs. Valcarcel para imbitan kaya nilakasan na niya ang loob. Pumasok siya sa malaking mansiyon. 
                          
"Teacher Lucky!" Si Summer ang sumalubong sa kanya. "Good afternoon!"
                          
Umuklo siya para magpantay ang mukha nila. "Happy birthday, Summer," bati niya, sabay abot sa regalo nito. 
                          
"Thank you!" magiliw na tugon ni Summer, saka hinawakan siya sa kamay at hinila patungo sa sala kung saan naroon ang ina nitong nakikipag-usap. "Mommy! Mommy! Teacher Lucky is here!" excited na balita ng bata. "She's here! She's here!"
                          
Agad na gumuhit ang ngiti sa mga labi niya nang humarap sa kanya si Mrs. Valcarcel. 
                          
"Salamat naman at nakapunta ka," sabi nito, saka nakipagbeso-beso sa kanya. 
                          
"My pleasure," sagot niya habang nakangiti pa rin. 
                          
"Follow me?" nakangiting wika nito. 
                          
Tumango si Lucky. "After you."
                          
Sinamahan siya ni Mrs. Valcarcel patungo sa likod-bahay ng mga ito kung nasaan ang swimming pool at iginiya paupo sa bakanteng mesa na naroon. 
                          
Ang daming tao. Naiilang siya pero hindi niya ipinakita. Nanatili ang ngiti sa mga labi niya. 
                          
Iminuwestra ni Mrs. Valcarcel and buffet table. "The food is there. Puwede kang kumuha roon o magpahatid na lang sa waiter."
                          
"Salamat."
                          
Mrs. Valcarcel smiled at her sweetly. "Enjoy. I'll talk to you later, okay? Enjoy the food."
                          
Tumango siya uli at nagpasalamat. "Thank you again."
                          
Nang iwan siya ni Mrs. Valcarcel, huminga muna si Lucky nang malalim bago tumayo at kumuha ng pagkain sa buffet table. Nang makabalik siya sa mesa niya, naagaw ang pansin niya ng kalalakihan na nagkukumpulan sa isang pabilog na mesa at nag-iinuman ng beer.