Laban pa!

                                    

                                          

Hindi mo manlang nakuhang magtiwala,
Nagpaliwanag ako ngunit iyong binalewala
Hindi mo manlang sinulyapan itong mata kong puno na ng luha. 
Pinakinggan mo siya sa halip na ako,
Pinaniwalaan mo siya sa halip na ang paliwanag ko.
Kay sakit lang marinig na itinataboy mo ako,
Minahal kita ng buo ngunit nasaan na ang pagmamahal mo?
                          
Ng dahil sa isang pagkakamali na hindi ko alam ay nagalit ka.
Kaagad kang lumayo kahit may pagmamahal pa,
Binalewala mo lang ang ilang taon nating pagsasama.
Napakasakit isipin na bumitaw ka.
Ang hirap tanggapin na yung tiwala mo biglang nawala dahil lang sa simpleng sulsol nila.
                          
Tatangapin ko naman ang lahat.
Makakaya ko naman pero sana kahit saglit lang,
Nagawa mong lumaban!
                          
Hindi kita ipinagpalit sa iba,
Kaibigan ko lang 'yon pero hindi mo manlang pinakinggan
At yung pagmamahalan nating dalawa ay hindi mo binigyan ng halaga.
Ngayon ngang bumitaw ka na ay gusto ko pang lumaban.
Hinahabol parin kita kahit ang sakit sakit na.
Hindi ko kayang mawala ka pero bakit ganon na lang kadali para makalimot ka?
Minahal mo ba talaga ako o ginawa mo lang laruan?
                          
Dahil ako habang lumalaban ay lumuluha samantalang ikaw na nangakong lalaban ay
Unti-unti ng nawawala.
                          
Sige! Laban pa,
Kahit mukha ng tanga.
Laban pa
Kahit ang sakit sakit na!
Laban pa 
Kahit binabalewala na!
Laban pa kahit wala ng pag-asa!
Laban pa eh!
Kahit nasa dulo na tayong dalawa!
                          
Laban pa,
Kahit may katapusan na!
Bibigyan ko ng karugtong pero ayaw mo na yata,
Kaya't lalaban na lang akong mag-isa.
Lalaban ako kahit talo na!
MAHAL KASI KITA, KAHIT SUMUKO KA NA!