Hanggang Dito Nalang

                                    

                                          

Akala ko magtatagal ang ating pagkakaibigan,
Akala ko sabay tayong lalaban
Pero hindi pala,
Gaya ka rin pala ng iba na kapag nagsawa ay susuko na
Mga pag-aakalang isusulat na lang,
Dahil alam kong kahit kailan ay hindi mo na magagampanan.
Mga ala-alang ibabaon na lang.
                          
Naghintay ng matagal nagbabaka sakaling babalik ka at sasabihin mong patawad na,
Nagbabakasakali lang naman ako
Pero wala.
                          
Oo!
                          
Kaibigan nga lang pala kita, 
Wala akong karapatan na masaktan.
Kailangan kong magpanggap na masaya.
Yung tipong kunwari ok pa.
                          
Pero hindi ko maiwasang umiyak kapag nakikita ko ang dati nating chat.
Hindi ko mapigilan ang emosyon ko kapag naaalala ko ang masaya nating nakaraan.
Nakaraan na akala ko hindi na magwawakas pa,
Pero nagbibiro si tadhana
Dahil natagpuan ko na lang ang sarili natin na nasa dulo na.
At matatapos na!
                          
Sinubukan kitang abutin pero sa pag-abot ko ay umatras ka.
Pagsubok lang naman 'to pero sumuko ka.
Sinubukan kitang habulin ngunit humakbang ka na papalayo.
Tumakas ka na habang ako pa ay nagdurugo.
                          
Naghihintay ako ng chat mo ngunit hanggang kailan maghihintay?
Hanggang kailan aasa at magiging tanga?
Sana hanggang bukas na lang o kung pwede...
Sana hanggang mamaya na lang.
                          
Pero ilang ulit na akong nasaktan
Dahil ilang beses na akong umasa sa 'sana' na iyan.
Siguro nga ayaw mo na,
Siguro nga hanggang dito na lang.
Hanggang ala-ala ka na lang.
Hanggang dating kaibigan na lang.
                          
Hindi na ako hahakbang pa ng lumuluha,
Hindi na ako lalayo pa ng may sakit na nadarama, 
Hanggang dito na lang ako.
                          
Dahil sa muling paghakbang ko ay wala na ang sakit,
Wala na ang pagdurusa,
Wala ka ng makikitang pangungulila sa mga mata ko
At
Wala na ang dating ako.
                          
Ako na naghintay sa'yo.
Ako na naging tanga.
Umasa, nasaktan, lumuha.
Yes, ng dahil sa'yo umasa pero don't worry 
Dahil rin naman sa'yo kaya ako masaya ngayon.
Kaya ako nakaahon.
Kaya ako may bagong kaibigan na masasandalan kapag nasasaktan.
Bagong kaibigan na luluhod at tutulong kapag nadapa ako.
Salamat ha?
                          
Dahil hindi na ako ang dating ako!
Yung ala-ala?
Hindi na madadagdagan pa,
Dahil ang ala-alang iyon ay hanggang doon na lang.
At hindi na makakawala pa.