I have no choice but to teach him a lesson he'll never forget.
                          
*****
                          
Kinabukasan ay hindi na ako mapakapaghintay na makita si Jace. Hindi na ako makapaghintay na makita ang kinahinatnan ng ginawa ko. 
                          
At nang pumasok ako sa classroom at nakita ko ang bunga ng aking pinaghirapan ay napangiti ako. 
                          
Maang lang itong nakatitig sakin habang papalapit ako sa kanya.
                          
Mahabang buhok, check. 
Bigote, check. 
Hairs on arms, check.
Paglalaway, check. 
Check na rin siguro sa ibang parte ng katawan niya...
                          
Ang nakakainis lang ay parang bumagay pa ata sa kanya ang ginagawa niyang remedyo sa buhok niya. Mas naging cool siya tingnan sa man-bun niya at ang lintik na mga babae sa paligid ay nagpupuso ang mga mata na nakatingin sa kanya.
                          
Alam kong naniniwala na siya sa mga rumors ngayon pero parang hindi pa rin siya takot sa akin. Nakuha pa nitong maglandi at mag-alala kunyari sa nangyari kahapon.
                          
Nang matapos ang klase ay hinabol niya ako. Nagmakaawa siya sa'kin na gagawin niya daw ang lahat, bawiin ko lang ang sumpa. 
                          
Napangiti ako. Mukhang umaayon naman pala ang universe sa plano ko...
                          
****
                          
JACE
                          
"Merong tatlong kondisyon..." she smirked.
                          
Nabuhayan na sana ako ng loob, pero panira yung nakakalokong ngiti nito.
                          
Tatlong kondisyon....Ano-ano kaya ang mga ito?

Sana madali lang.
                          
"And what are those? Mahirap ba ang mga iyon? Huwag mo akong pahirapan, please."
                          
"Not all things are spoonfed to you, Jace. Dapat mong paghirapan muna bago mo makuha ang gusto mo." seryosong sabi nito. "'Di ba sabi mo gagawin mo ang lahat? Pero di ko pa nga inilalahad ang mga kondisyon ay nagreklamo ka na."
                          
"Sinasabi ko lang naman na huwag mong masyadong pahirapan. Yung kaya ko lang." nainis naman ako bigla. 
                          
"At dahil nagreklamo ka, gagawin ko nalang na lima."
                          
WHAT?
                          
"Ang daya mo naman!"
                          
"Magrereklamo ka? Or magpapagawa na ako ng dog house bukas?"
                          
I sighed in frustration. She won this time, and I have no choice. 
                          
"What are those conditions?" asik ko.
                          
Humalukipkip ito sa harap ko.
                          
"Sa ika-sampung hakbang ko papalayo mula sa'yo ay kailangan mong makahanap ng tahimik na lugar na walang esudyante at walang ingay. You should be the only one in that place. After making sure na walang ibang tao, buksan mo ang bag mo at may makikita kang dalawang klase ng isang bagay."
                          
Bigla akong nahilo sa sinabi niya.
                          
"Teka-teka, what the hell are you talking about? Ano'ng klaseng laro ito?"
                          
"Susundin mo ba ako? Or bibili na ako bukas ng Pedigree para sa'yo?"
                          
Relax, Jace...kumbinsi ko sa sarili ko.
                          
"Pagkatapos? Anong next? Asan na yung first condition?"
                          
"Simple lang naman, Jace. Sundin mo lang ang lahat ng sinasabi ko sa'yo. Follow the instructions as stated and you'll be on the right track..."
                          
Naguguluhan ako. Ang lakas naman ng trip ng babaeng ito. Nakakapanibago din kasi bigla siyang naging madaldal.
                          
"Oh siya, aalis na ako. Tandaan mo, sa ika-sampung hakbang ko..."