Confessions | Miss Torres

                                    

                                          
Likha ni stateofguthrie

                          
 Dear Ache,
                          
Nung una kong nakita na Confessions ang theme niyo para sa last issue medyo na-excite ako kasi puro true stories na yung mababasa ko. Muntikan na akong di mag pass kasi inisip ko na baka baduy kasi lalaki ako tapos nagbabasa pala ako ng mga ganitong wattpad stories. Pero naisip ko din na yung nangyari sa akin medyo lately na lang naging mukhang posible. Recently ko na lang napanood sa TV shows yung sitwasyon na napagdaanan ko nun. Nag pass ako hindi lang dahil gusto kong mag share nang harot story kung di para maipakita na rin na nangyayari talaga sa totoong buhay yung student-teacher affair na nakikita natin sa TV. Archie nga pala ang pangalan ko, at ito ang aking kwento. 
                          
Nangyari ang lahat nung 3rd year B.S. Computer Programming student pa ako ng Holy Angel University sa Angeles, Pampanga. Isang araw pa lang nun pagkatapos ng 18th birthday ko nung nilapitan ako nang isa kong barkada para yayain gumala. 
                          
"Arch? Pare?! Wala ka naman pupuntahan mamaya di ba?" 
                          
"Wala naman, bakit?" sagot ko. 
                          
"Sama ka mamaya, may pupuntahan tayo." 
                          
"Saan?"
                          
"Magalang, Par. Malapit sa amin." Tugon niya. 
                          
"Ok ... sige." 
                          
Pumunta na kami nun sa classroom at hinintay pumasok yung Professor naming para sa last subject.  At pagkalipas ng isang oras, tumunog na yung bell. Sabay na kaming lumabas ni Carl sa classroom at naglakad papunta sa parking lot. 
                          
"Arch, text mo na si Tita. Magpaalam ka na gagabihin ka." Bulong niya.  
                          
"Nag-text na ako." Sabi ko at sumakay na sa kotse niya. Dahil sa dulo pa sila ng Brgy. Sta Lucia nakatira, madalang na yung sasakyang namamasada kaya sarili niyang kotse ang gamit niya araw-araw. Ilang minuto pagkatapos ko umupo sa passenger's seat, pumasok na si Carl at nag-drive na palayo sa Campus. 
                          
**
                          
5:45 pm
                          
Halos wala nang araw nung umabot kami sa kanila. Bumaba ako nang kotse nung nakita ko si Tita na kumakaway sa amin. Siyempre, ngumiti ako at nilapitan siya. 
                          
"Good afternoon po." Bati ko sa kanya
                          
"Good afternoon din. Archie, ang  tangkad mo na ah. Nung huli kitang nakita, medyo pandak ka pa." 
                          
"Tuli na po kasi." Biro ni Carl. 
                          
"Gago ka!" sigaw ko sa kanya sabay tawa. Alam ng nanay ni Carl na mapagmura kaming dalawa. Dati, pinapagalitan pa niya kami pero dahil walang nangyayari, sumuko na rin siya. Akala ko nun, dun lang kami sa kanila mag-stay pero ilang minuto lang pagkatapos pumasok ni Tita sa loob eh tinuturo na ako ni Carl dun sa bahay sa dulo pa ng daan. 
                          
"Dun yung pupuntahan natin." Sabi niya. Tumakbo si Carl saglit sa loob ng bahay para magpalit ng damit. Umupo na lang ako sa may terrace nila at hinintay siyang lumabas. Mga sampung minuto din yung nakalipas bago siya nagpakita ulit. Nakapambahay na siya at hinihila palabas yung motor niya. Tumayo na rin ako at naglakad palabas nang gate. Umangkas ako sa likod ni Carl at pina-harurot na niya papunta dun sa dulo ng Brgy. Sta. Lucia.
                          
"Ready ka na?" tanong niya at tumango na lang ako. Nang tinabi na niya yung motor, bumaba na ako at pumunta dun sa may pinto ng bahay. Medyo malaki din ito, dalawang stories at may at least apat na kwarto.  
                          
Kumatok si Carl nang ilang beses bago ito nagbukas. Pumasok na siya nun at sumunod ako sa loob. Ang bumungad sa amin ay mga bote ngnang alak, ilang platong puno nang pulutan at limang tao na nakaupo sa may sala set. Isang babaeng maputi, makinis at maganda. Isang lalake na halos kasing tanda lang namin. Dalawang bakla na mukhang middle-aged na at isa pang babae na parang 30 na ang edad.