Chapter 76: Declaration

                                    

                                          
"You made me feel like you really like me"
                          
Nang matapos akong maligo ay nagbalik na ko sa room ni Cands. Nakita ko silang nag-uusap usap. Tapos na ang lahat maligo.
                          
"ano hindi ka ba talaga mapipigilan sa pagsesenti mo?" tanong ni Thea
                          
"senti ka dyan! Matutulog ako. pagod din ako. buong week maaga pasok natin. Isama mo pa ang excitement ng pagpunta dito na nakadrain ng energy ko. basta I want to sleep guys." Sabi ko.
                          
hindi naman na sila nagprotesta at sabay-sabay na umalis ng kwarto.  Totoo naman kasi ang sinabi ko. Pagod na talaga ako at gusto ko ng magpahinga. 
                          
Inayos ko muna ang kwarto ni Cands bago ko pinatay ang ilaw. Ginawa kong ilaw ang flashlight ng phone ko para makalapit ulit sa kama ni Cands. Hindi kasi tulad ng kwarto ko ang kwarto niya na meron switch ng ilaw malapit sa bed ko. ang switch ng ilaw ng kwarto niya ay nasa may pintuan lang.
                          
Sinet ko ang phone ko para mag-alarm bukas. Ipinatong ko ito sa may head board ng kama niya. Gusto ko ang disenyo ng kama ni Cands. Hindi na niya kailangan ng bed side table dahil ang head board ng kama niya mukhang mini cabinet na at ang tuktok ay nagmumukhang table.
                          
Nakahiga na ko sa kama pero biglang nawala ang antok ko. 
                          
naman oh! Kailangan kong makatulog dahil na rin maaga pa kami bukas. 
                          
Nagpagulong gulong ako sa kama para makakuha ng tulog pero wala pa rin. 
                          
Bakit ganito?
                          
Ayoko namang bumaba dahil nasabi ko ng magpapahinga ako. sabihin pa nila naiinggit ako. Siguro kaya hindi ako makatulog dahil pinagkukwentuhan nila ako. 
                          
Mga walang yah sila. Hmmmp!
                          
Naisip kong sulitin ang unli ko kaso naitext ko na si James at nag goodnight na ko kaya magtataka yun. Baka mas lalo pang tumagal ang usapan namin nun at mas lalong hindi ako makatulog kapag nakipagcommunicate ulit ako sa kanya.
                          
Hay! Bakit ba kasi nawala bigla ang antok ko?
                          
Mas madilim ang kawarto ni Cands kesa sa room ko sa Davao. Dahil na rin siguro sa matataas na punong nakapalibot sa bahay nila kaya ang ilaw sa labas ay hindi makapasok sa loob ng kwarto niya.
                          
Napagpasyahan kong magbilang sa isip ko para makatulog ako. nakapikit ako ng marinig ko ang pagbukas ng pinto. 
                          
Baka sila Cands lang yan.
                          
pinagpasyahan kong matulog tulugan dahil aasarin na naman nila ako kapag nakita nilang gising pa ako. Sinabi ko pa naman na pagod ako.
                          
Nag-antay ako na bumukas ang ilaw pero wala. Naramdaman ko na lang ang paglubog ng kama. 
                          
Hala! Sino to?
                          
Naramdaman ko ang pag-ayos niya ng kumot ko at pag galaw galaw sa tabi ko. OMG! Don't tell me-
                          
Binuksan ko ang aking mga mata at kadiliman lang ang bumungad sakin. Ramdam ko ang presensya niya pero hindi ko alam kung sino. May hinala na ko pero ayaw kong magsalita. Nakatingin lang ako sa dilim kung saan ko siya naramdaman. Maya-maya lang ay naka adjust na sa dilim ang mga mata ko pero hindi ko pa rin maaninag ang katabi ko. isang tao lang naman ang alam kong tumatabi sakin sa pagtulog.
                          
"Enzo" mahinang tawag ko.
                          
wala kong narinig na sagot mula sa kanya. pero alam kong siya yan dahil kung mga kaibigan ko yan, pang-aasar na agad ang tugon nila sa pagbanggit ko ng pangalan ni Enzo.
                          
"are you asleep?" tanong ko pero wala pa ring sagot. Hindi ko alam kung nakatalikod ba siya sakin o nakaharap, sa dilim ng paligid hindi ko maaninag. Kailangan ko pa kasing tumayo para lang mabuksan ang ilaw at tamad akong gawin yun.