الحلقة 85🌿بقلم انصاف 🌿
فات هذاك النهار وقاسم من الصالة ما خرجش غير لصلاة ولا لغداء طلع شيخي وعجوزتي وجداتو مع بعد العشاء دخلو لصالة عندو هو ولا يستغفر عرفهم على اسراء قالو شيخي واش راح دير معاها طلقتها خلاص قالو قاسم تقعد غير هي مرا لا نرجعها قالو حذرتها قلتلها نفيق بيك درتيها والله مايبقالك قعاد عندي وقاتلي ايه وحلفتلي قالو باباه الله غالب غرها الشيطان يابابا راني فكيت الكتوبة ولقين فيهم صورة نسمة ولدي وصور ليا انا واش بقى نرجعها عليه انا تصدمت قاتلو يماه انا قاتلي غير على جال لولاد بصح هي ولا تاذي في ولدك ونسمة علاش قلها شيخي ربي يهديهم
قالو باباه هنا ما عندي واش ندافع عليها قعدو شويا وراحو انا رقدة ولدي ورحت عندو هو مع الخدمة قعدة جنبو قلت لازم نعرف واش مخبي عليا لازم نرطب معاه الحالة وندلل عليه قاسومي شاف فيا بنص عين 😒جديدة هذي قاسومي وليت نضحك قتلو ما ندللش حبيبي قالي من الاخر واش تحتاجي قتلو خصارة عليك انا جيت نخفف عليك برك استغفر وكمل يخدم رميت عيني على الميكرو لقيتو غير كتيبة وحسبات قتلو نعاونك قالي فواش قتلو في الحساب قالي علاش قريتي محاسبة قتلو لا اما نعرف قتلو وانت واش قاري قالي مهندس في المحاسبة قتلو عند بالي ما قريتشفي الجامعة قالي قرينا كانل انا وخاوتي غير ولاد عزيزة ما قراوش قتلو انا تمنيت نقرا ونخرج معلمة قالي خليها مع الوقت بلاك نخليك تقرأي قتلو صح قالي ايه تحضنتو ونبو..... فيه قالي خبيثة على مصلحتك وليت نضحك
تابع 85🌿قتلو واش راح دير في حكاية المعصرة قالي ايمات ونشدها انا قتلو علاشماشي غدوا نخاف عمامي يستولو عليها بالي علاش لعبة غير ارواح واستولي راكي باوراقك قتلو على ذكر الاوراق راهم عند ماما غدوا نقلها عليهم وانت فوت جيبهم قالي خليهم كيف نحتاجهم نجيبهم قتلو معليش صونالو التيليفون شفت مكتوب حسام قالي روحي ديري ليا قهوة اليوم خدمة بزاف وليت خرجت بصح بقيت نسمع رفد عليه يقلو وصلوك الصور ايه لا ما تتفكرش بصح انا شاك في واحد ايه كان في الخارج عندو عام غايب ايه لا راني بعثت لتم واكدولي عندو شهر من رجع ايه كنت عندو لباس خرج من الكلنيك ايه خلاص المهم السلعة الكبيرة نهار الجمعة تدخل وجد روحك مليح ههههههه وربي لخلقني غير نخلطها عليهم كلاب المهم نخليك اي جديد نعيطلك وانت تاني قص انا رحت درت لبه قهوة ورجعت حطتهالو وقلبي موسوس واش مخبي عليا هاذا
المهبول طلع راسو لقاني نشوف فيه قالي واش بيك تشوفي فيا قتلو والو ما نشوفش تاني قالي اروحي رحت عندو قعدني على رجلو ودار وجهو في رقبتي قالي ذرك راني غير ليك وحدك هنا استوعبت صح مدام اسراء طلقت يعني راح يبقى ليا وحدي قتلو يعني بلاك يغرك الشيطان وتتزوج مرة اخرى قالي وهذي حاجة تتعاود توبة من الزواج انت وهذيك شيبتوني قتلو انا خلاص بعد زيرني قالي انت اكثر وحدة شيبتني نسيتي واش درتي فيا طلقتي قتلو وانت خطفتني نسيت قالي اجمل حاجة درتها بقينا نحكو هذيك الليل على مغمراتنا من بعد درت مناحة كيف تفكرت جابر ما سكتت بسيف طلع نهار جديد نضت عندي السطر في كرشي لا قاسم قالي نديك لطبيبة تشوفك لبست خليت ولدي عند عجوزتي وخرجنا في نص الطريق لقيت طونوبيل تبع فينا
