الحلقة83🌿 بقلم انصاف 🌿
راح نرد عليه بصح سكتت قاتلو جداتو شوف يماك هي لدير في المشاكل واش جبدها في باباها وخوها ربي يرحمهم
قلها ولات يما ذرك نعرفكم ما تحبوهاش انا خرجت طول ما حبيتش نهدر دخلت للبيت لميت قشنا لكان فيها وخرجت لقيت عجوزتي واش ببك قلتلها راح نطلع لداري قاتلي يا بنتي ما دريش عليه جداتو بهدلاتو قلتلها معليش بصح نطلع خير قاتلي على كيفك قلتلها من بعد نجي ندي ابراهيم طلعت لدار نقيتها وسيقتغسلت القش و نزلت لعجوزتي قلتلها نحتاج قضيان قاتلي ارفدي من الكوزينة واش يخصك وغدوا اقضي بغرضك قلتلها ايه دخلت لقيت عزيزة واسراء رحت نرفد قاتلي عزيزة واش ترفدي وجات نحاتهم من يدي قاتلي كيف تكون دار باباك ارفدي واش حبيتي خليتها خرجت رحت لبيت رفدة ولدي كان مزال راقد وطلعت لدار حطتيو في سريرو بصح ناض وليت بدلت ليه ودرتلو حليب وقاطو وكلتو مسحتلو خليتو يلعب ورحت بقيت نشوف واش ندير وليت جبدة درت ماقرون بالحليب زدة الزبة فيها جات تسخف خليتها بردة وتغديت غسلت فواش كليت توضيت صليت الضهر عيطت لماما هدرت معاها كانت في حالة غير تبكي قصيت من عندها جبدة المصحف نقرا فيه وحطيت ولدي قدامي يلعب بقيت هكذاك حتى للعص رقد ولدي درت قهوة شربتها عندي ماقرون للعشاء بقيت نتفرج حتى للعشاء تعشيت صليت المغرب والعشاء عيطلي قاسم قالي نوصل روطار وليت رقدو فقت غير كيف فتح الخزانة نضت قتلو قاسم جيت قالي هاذا وين ندوش ونجي راح دوش وجاء دخل في بلاصتو تحضني قالي تعبان عاود زيد رقدنا فقت الفجر صلينا ورجعنا رقدنا حتى ل9 فقت خليتو راقد مع ولدي غيلت وجهي ورحت ندير في الفطور سمعت تيليفونو يصوني رحت نشوف راح ندخل سمعتو يهدر يقلو ايه وينو ذرك خلاص خلاص ذرك نجي العنوان بالضبط ايه غير نوصل نعيطلك قص انا دخلت لقيتو يلبس في قشو قتلو صباح الخير رد عليا وهو يلبس قتلو الخير قالي خدمة لعشية نرجع قتلو خصني القضيان قالي قولي لبابا قتلو انت تقضيلي ما نحتجش الناس تقضيلي قالي ما تعطلنيش ضرك نوصي بابا انت اكتبي ونزليها ليه كمل لبس قتلو والفطور قالي زارب ذرك راح غير غسل وجهو مشط شعرو رفد المفتاح والتيليفون وخرج يزرب وليت رفدة الفراش ناض ولدي غسلت ليه فطرتو درتو يلعب دقدق الباب طليت لقيتها عجوزتي فتحت ليها صبحت علبها قاتلي قاسم نزل يجري واشبيه قلتلها خدمة قاتلي وصانا على القضيان اكتبي واش خصك قلتلها معليش راحت تلعب على ابراهيم ورحت كتبت واش يخصني مديت ليها نزلت ابراهيم معاها انا رحت نطوي في القش حتى عيطتلي اختي قاتلي شفتي عمامك لكلاب استولو على رزقنا قالك نحن اولى بيه نسيروه قلتلها كلاب همهم غير الرزق والمال قاتلي عمك لكبير راس الحية قاتلي نسمة لازم نقفوهم عند حدهم قاتلها كيفاش قاتلي راجلك قلتلها باسم قاتل خاليقال لماما كل واحدة دير توكيل اراجلها يتكفل بالرزق وماما دراتو لخالي هكذا ما يقدرو يديرو والو قلتلها علاش واش حابين يديرو قاتلي حابين نتنازلو على الرزق عمامي راحو لماما البارح و قالولها ما عندكم ما ديرو بالرزق نمدولك شهرية وبناتك عند رجالهم ماعندهم ما يديرو بالدراهم والرزق ما يروحش للبراني قاتلي خاصة المعصرة نسمة المعصرة باسمك ردي بالك تتنازلي عليها بابا ديما يوصي ماما عليها قلتلها كيف يجي قاسم نهدر معاه قاتلي انا هدرت معاه وقالي معليش وانت لازم نسمة في اقرب وقت قلتلها معليش كيف يجي نقلو
تابع83🌿قاتلي راجلك واعر ما يقدروش ليه وراجلي حالف فيهم في الجنازة قالي يهدرو على الرزق
والورث لا قالو ناس راح ليهم عزيز لا ناس مجروحين جايين على الدراهم بصح وربي لا ءاقو دورو منو قلتلها كلاب الله يجيبهالهم في لعزيز عليهم قصيت من عندها شدتني قنطة منهم
الست ونزلت قلت ننزل نشوف رجاء اذا جات نلهي روحي خير ابا نزلت سمعت صوتهم في الصالة دخلت لقيتها جات مع عجوزتها سلمت عليهم وشفت بنتها شابة كيفها قاتلي عمتها كيف حالك وحال يماك قلتلها الحمدلله رانا صابرين وخلاص قاتلي ربي يرحمو حسام ولدي كان صاحبو وقراو مع بعض وقالي غير لدار هءاك الشيء لازم نشدو وحتى على باباك تاني شاد القضية قلتلها صح قاتلي ايه قلتلها عزيزة واش راح يشد واش يخلي عندهم عدو من كل جيهة شوف على واش قت...لوهم كاش ماكلاو حق واحد وتضحك وقفت راح نهدر ولات عجوزتي جبدتني قاتلي اقعدي وغمزتلي ولات تبدل في الهدرة قاتلي ولدك راح مع جدو يقضيلك سكتت دخلت اسراء تتعوج سلمت عليهم شافت بنت رجاء باستها قلتلها عمتهم لعقوب ليك قلتلها عزيزة لا خلاوها ولاد لحرام في حالها ومادروش ليها السحور من جديد شفنا فيها كامل قلتلها جداتو شكون لدار ليها السحور راكي تهدري في هدرة ماشي مسڨمة قلتلها عزيزة الغايارين والحاسادين راح نقلها السحور تعرفيه انت تفكرت كيف قالي قاسم انا ندبر راسي سكتت قاتلي رجاء نروح لبيتي تعبت رفدة عليها بنتها ورحنا لبيتها قاتلي نشوف في الجو مكهرب واش هاذي السحور خرجوها جديدة قلتلها ما يقرا في ما يقرا السفيه إلا ما فيه قلتلها خلينا منهم بدلي قشك وريحي حطيت بنتها قد الفتاتة قاتلي وانت واش مع الوحم قلتلها مرة مليحة مرة لا اما خير من كنت نتوحم بابراهيم قاتلي ولدك احتل بلاصة كبيرة عند ماما وبابا قلتلها نخاف يكبر ويبدلني بيهم ونضحكو دخلت عجوزتي قاتلي ربي يدومها من ضحكة قاتلها رجاء خافو ابراهيم يبدلها بيكم ولات تضحك قاتلي كان نقلك قاسم كان ديما يرقد عند جداتو وجدو قلتلها على هاذي تبغيه عليهم كامل قاتلي وجدو عطيلو كامل الخدمة يسيرها هو قلتلها كان ولدي يخرج لباباه اديه على روحك بقينا نحكو جاء شيخي جاب القضيان طلعت لدار كملت خدمت خدمتي قاسم حتى للمغرب باش جاء لقاني نصلي دخل طول للبيت تكسل باين تاعب رحت عندو قتلو واش بيك قالي تاعب قالي ندوش كان لعشاء واجد حطيلي ناكل ونرقد قتلو واجد ولا ناض دوش حطيت تعشينا في نص العشاء قتلو واش قالت اختي قالي معليش من غير وكالة انا ندبر راسي قتلو قاسم المعصرة شاف فيا واش بيها قتلو وعااش عمامي مصرين عليها وحبين يدوها سيف هنا وجهو تخطف قالي وين نعرف بلاك على جال كبيرة وعصرية ومن كل بلاصة يجو عندها يعصرو قتلو لا كاين حاجة قالي ما ديري والو في بالك صونالو التيليفون ناض يزرب لحقتو بصح ما دخلتش سمعتو قالو
