الحلقة80🌿بقلم انصاف 🌿
تقول لعزيزة والله كرهت ما لقيت ما ندير ليه لبست عدلت والو حجرة البارح جاء طول رقد كيف حبيت على حقي قالي تعبان وانا على بالي بيه كان معاها ريحتها لاسقة فيه وفي الصباح طول من ناض وفر طلع عندها طول قلتلها عزيزة بنت الكلب سحراتو قلتلها اسراء من نهار دخل عليها وهو هابل يرجف عليها خلي نهار طلقت هبل غير يكمل معايا فوققلبو يقوم بواجبو وخلاص يضل في الصالة يتكيف ويشوف في صورتها ومسجلها تغني ليه وزيد كيف زيدة وجابت طفل زاد في هبالو ما ارتاح حتى ردها قد ماهدرت فيها قد ما كرهتو فيها وهو حجرة العكس زاد هبل وحبها اكثر واش ندير انا هذي المرش قد مادرت ماحبش يصحلي صغير قلتلها عزيزة اصبري برك راني موجدا ليها تبهديلة نخليه يعافها طول حياتو وانت كاين طالب يدير اعشاب وخلطات نديك ليه يمدلك بلاك في يدو الشفاء وترفدي ويدير ليك كاش حرز يخلي قاسم يرجع عندك بصح انت تاني اهدري على حقك كيفاش ترفدي وهو لاسق فيها قلتلها اسراء تعيشي خالتي في اقرب وقت راجلي ضاع مني انا تصدمت راح نرجع حتى صدمت في حاجة مع درت لقيتو قاسم دار ليا بصبعو اششششت باس...... من راسي ودار ليا بصبعو لفوق قتلو ايه وطلعت نرجف يا يما الحقد لي في قلبهم عليا حطيت ابراهيم في البوسات ودرتلو القران وبقيت ندور في الصالة شويا ودخل قاسم رحت ولليهقتلو سمعتهم واش قالو قالي ايه سمعت عمري شد وجهي ما تخافيش ماعندها ما دير ليك قتلو كيفاش ما نخافش هاذو يحبو يفرقونا وزيد بتبهديلة والسحورات وطالب قالي عمري والله ما تقيسك حاجة قتلو منيش عليا على ولادي قالي نسمة راني قتلك ما عندهم ما يديرو قالي من هنا ما تنزليش يما وجداتي عند خالتي عندها خطبة وانا نروح عندي خدمة اليوم ناخذو الزيتون للمعصرتكم نرجع لعشية ولا في الليل قتلو ما طولش قالي خلاص عمري واي حاجة عيطيلي قتلو ايه خرج هو وانا بقيت نهار هذاك على اعصابي ونخمم ونتحلف في اسراء هدرت مع اختي وماما
في لعشية عيطت لقاسم قالي نجي مع العشاء وليت درت لعشاء ڨرتان وكسرة وسلاطة ودرت تحلية قلت ندير سهرية نقمة في اسراء وعزيزة على واش يخططو عليا ايا وجدة الطابله درت الشموع والورد درت معطر لدار كملت زيد دوشت كسلت شعري لبست بيجامة عشيت ابراهيم غسلت ليه خلبتو يلعب شفت الساعة لقيتها التاسعة قلت هذاك نرقد ابراهيم دخلت للبيت رقدتو رحت للخزانة جبدة نويزات في النوار كانت طويلة ضهرها خيوط من فوق جايا كيف الست...... مزيرة مع انا ما رضعتها ص...... واق...... عيطت ليه قالي قريب نوصل ايا لبستها طلڨ شعري درت مكياج خفيف فحفحت روحي رحت طليت لقيتو وصل ونزل من الطونوبيل وداخل لدار رحت للباب نتعرض ليه فتحتو نسمع فيه يهدر مع اسرء قلها البارح كنت هنا الليلة لفوق قاتلو بصح جيت غير رقدة لا تعشيت لا وسكتت وزيد الصباح ىحت عندها قلها كم لعت لولدي غدوا نجي نتعشى اليوم لفوق قاتلو علاش دير هكذا حتى انا عندي حق قلها فوتي وقتلك غدوا نجيك مكانش نحلف عليك راني ماشي ناسي هدرت خوك قاتلو معليش انا بلعت الباب نغلي بصح ماشي وقتها وقفت في بابا الصالة وهو فتح الباب دخل شاف فيا من تحت لفوق عنيه خرجو وعض على شاربو قالي انت ما تخافيشعلى روحك قتلو علاش نهدر ونعوج ونلعب بشعري قالي اليوم ندخلك لسبيطار وربي مبير خافي على البيبي لي في كرشك قتلو ما تخافش عليه شاد روحو مليح ولا يضحك قرب مني ولسقني فيه قالي ندوش ونجيك قالي العشاء كاين قتلو كلش واجد قالي وبرهومة قتلو عشيتو ورقتو قالي مخطط لكلش قتلو ايه با..... دخل لدوش دوش وخرج لقاني في الطابلة نستنى فيه قعد قالي الريحة بنينة وقفت سربيت ليه تعشين وهو طول دخلني للبيت ....... دوشنا ورقدنا فاتت سيمانة على هذاك النهار
تابع80🌿 انا مع قاسم عايشين في العسل اما اسراء قد ما درت ما قدرتش تجبدو ليها المهم كان نهار احد كان قاسم وانا نتعشو حتى صونالو التيلفون رفد غير قال الو وقف وشاف فيا قالو وقتاش ايه ايه ذرك نجو قص وشاف فيا جاء عندي كم بس قدامي وشد يدي انا هنا دمي جمد قتلو واش كاين قالي ماتخافيش بصح جابر وقفت طول وهو تاني واش بيه جابر لقاو طونوبيلتو محروقو انا عيطت لا حابر قالي اهدي مزال مانش شكون كان فيها هو ولا الخدامة ليمعاه وليت نعيط لربي لخلقيني ونضرب فيه جابر لا يا ربي خويا قاسم خويا راح وهو مشديتي اسكتي مزال ما بان والو البسي نروحو وانا خلاص منيش نسمع فيه غير نعيط وخلاص دقدق الباب رفدني وانا نعيط دخلني للبيت حط طني على السرير وانا خلاص راح نمو...ت راح فتح سويا ودخلت عجوزتي يا بنتي خلاص اهدي خممي فلي كرشك دخل قاسم عاونوني لبست بسيف قاتلي هي روحي ابراهيم عندي عاوني قاسم نزلت لقيت شيخي هو تاني لبس وسلفي تاني ركبنا ورحنا غير وصلنا لقيت دارنا مقلبة خوالي وعمامي لكلاب و الجادرمية نزلني قاسم دخلت نمشي بسيف لقيت اختي متغاشية مشديتها خالتي وماما مكانش دخلت طول نعيط جاتي مرت عمي الصغير تحضنتني خلاص علاش ظيرو هكذا مزال ما بان والو
