Chapter: 086 - အဆုံးသတ်ကို ပြောင်းလဲနိုင်တယ်-၁

                                    

                                          


Chapter: 086 – အဆုံးသတ်ကို ပြောင်းလဲနိုင်တယ်–၁
ဂျီမိန် သည် သူမ၏လည်ပင်းနောက်တွင် အေးစိမ့်သွားတာ ခံစားလိုက်ရသည်။ ဘေးကလူက အရမ်းဆွဲဆောင်မှုရှိတဲ့ အပြုံးမျိုးရှိပေမယ့် မြွေတစ်ကောင်က သူမရဲ့လည်ပင်းကို ပတ်နေသလို ခံစားရတယ်။
သူမ ဘာသာအိပ်ဖို့ လှည့်လိုက်သည်။ လောလောဆယ်တော့ သူဘာတွေတွေးနေမှန်း မခန့်မှန်းနိုင်သေးပေမဲ့ အဆင်ပြေတယ်။ သူ၏ ယုတ်မာသော အကြံအစည်များကို မကြာမီ သို့မဟုတ် နောက်ပိုင်းတွင် ထင်ရှားလာလိမ့်မည်။
ရက်အနည်းငယ်ကြာသောအခါ ဧကရာဇ် တောင်ဘက်သို့ သွားလိုသည့်သတင်း ပျံ့နှံ့သွားခဲ့သည်။ လိုက်ပါမယ့် ဧည့်သည်စာရင်းတွေလည်း ထွက်လာခဲ့သည်။ ဧကရီ သည် မောင်းမဆောင်ကို ကြီးကြပ်ဖို့ ကျန်နေခဲ့ရသည်။ အထက်တန်းလွှာကြင်ယာတော်မြန့် သည် ဧကရာဇ်၏တောင်ဘက်ခရီးစဉ်တွင် လိုက်ပါသွားမည် ဖြစ်သည်။ အိမ်ရှေ့မင်းသား၊ တတိယမင်းသားနှင့် မြို့စားမိုယုတို့ က ဧကရာဇ် ကို လိုက်ပါ စောင့်ရှောက်ပေးမည်ဖြစ်သည်။ ဤလူများ အားလုံးသည် ဧကရာဇ် နှင့်အတူလိုက်ပါခြင်းမှာ မထူးဆန်းပေ။ သို့သော် အစောင့်အကြပ်စာရင်းတွင် အခြားအမည်တစ်ခုရှိသေးသည်။ တကယ်ပဲ နင်းမင်ကျဲ၏နာမည်ပင်။
—
"အရှင့်ဝမ်းကွဲ က ကိုယ်ခံပညာတက်လား?" ဂျီမိန် က စပ်စုသည်။
နင်းယုယွမ် က ပေါ့ပေါ့ပါးပါး ပြုံးလိုက်ပြီး ပြောလာသည်။ 'မင်ကျဲရဲ့ကိုယ်ခံပညာ ကျွမ်းကျင်မှုနဲ့ ကိုယ့်ရဲ့ကျွမ်းကျင်မှုက သိပ်မကွာဘူး၊ မင်း ဘယ်လိုထင်လဲ?"
ဂျီမိန် အံ့ဩသွားသည်။ နင်းမင်ကျဲ က တကယ်ကို အံ့သြစရာကောင်းတာကို သူမ မအံ့သြပါ။ သို့သော် သူမရှေ့က ပျော့ပျောင်းပြီး အားနည်းသောသူက ကိုယ်ခံပညာကို ဘယ်လိုလုပ်သိနိုင်မှာလဲ?
ကြီးမြတ်သောစုန့်မင်းဆက်ရှိ မင်းမျိုးမင်းနွယ်အများစုသည် နူးညံ့သိမ်မွေ့ကြသည်။ သူမသည် နင်းယုရွမ် ကို ကြည့်လိုက်သည်။ နှင်းများကဲ့သို့ ရိုးဖြောင့်သော ဘရိုကိတ်အင်္ကျီကို အမြဲဝတ်ထားကာ ပတ်ပတ်လည်တွင် လွင့်နေပုံရသည်။ သူက မင်းသားလေးလို ကြီးပြင်းလာခဲ့ပြီး နူးညံ့သိမ်မွေ့တဲ့ ယောကျာ်းမျိုးဖြစ်မည်ဟု ဂျီမိန် ထင်တယ်။