البارت الاخير

                                    

                                          
لكل بدايه نهايه و لكل قصه بدايه و نهايه وذي نهاية قصة ريم البهاج 
🥹🩷
صلو على النبي عليه افضل الصلاة والسلام 🧡
نوره:ايه ايه صح أتخيل شكلي ههههههه
سالم:مافيه شي يضحك ترا 
نوره:وجهك لحاله يضحك هههههه
سالم عطها نظرة و راح وهو يتوعد فيها
~
ببيت كان مليان بالفرحه و الحزن الي كان فرحان بزواج رهف و احمد و الي حزين على انه راح تطلع مصيبه لهم لأكن المفاجأة الكبره ان كل الاحزان ذي راح تقلب ل فرح و سعاده كانت ريم طايحه على الأرض صرخت بس محد سمعها بحكم لين بغرفة الملابس و ماكانت تسمعها عدل و لان صرخت ريم ضعيفه و ماكانت تبي احد يسمع صوتها جت تبي تقوم من على الأرض و بالفعل تحركة رجلها اليمين نزلت دمعتها و هي تشوف رجلها تتحرك ايه بالفعل كانت تتحرك رجلها انصدمت وهي غمضت عيونها و فتحتها وهي تحسب نفسها تتوهم او حلم صارت تكلم نفسها وهي تقول: كيف يعني راح ارجع امشي لا كيف الدكتور قال مستحيل ارجع امشي إلا بمعجزه لا لا أنا يتوهم لي اكيد 
صارت تغمض عيونها و تفتحها وهي تبكي و الدموع على خدها حركة رجلها مره ثاني وبالفعل تحركة صارت تحركها يمين و يسار وهي تضحك و فرحانه و الدموع على خدها مو مصدقه انها راح تقدر تمشي وقفت و بالفعل صارت توقف صارت تبكي بصمت وهي فرحانه و شوي و تصرخ بس لما وقفت ما قدرت تتوازن جلست بسرعه على الكرسي تبعها طلعت لين 
لين:لقيت فستان يجننن لك 
ريم وهي تمسح دموعها بسرعه ماتبي تقول لهم الحين تبي تنزل لهم وهي تمشي:وش هو 
لين:كنتي تبيكن؟
ريم وهي تضحك:لا افااا يذا العلم أنا أبكي ي لين
لين:هههههه مادري شكيت بس!
ريم:ابكي علشان رهوف راح تتزوج 
لين:اجل قول من الأول انك تبكين هههه
ريم:لين لا ترفعين ضغطي الحين مو وقتك اطلعي بلبس 
لين:بس...
ريم:لين اطلعي ماعليك اعرف البس خلاص ثنكيووو 
لين:ههههههه مستحيه اوك بطلع بس بروح للبنات البس و انزل و انتي انزلي بعد ماتخلصين و لو تبين حاجه صوتي لي 
ريم:تمام ياقلبي 
طلعت لين و سكرت الباب و راها و راحت للبنات وقفت ريم مره ثاني بس ذي المره التوازن صار اشوا شوي صارت تحاول توازن نفسها و لبست و خلصت سوت مكياجها و لبست كعبها و جلست على الكرسي تبعها و دقت على بهاج و قالت له تعال للغرفه ضروري 
~
عند رهف الي طاحت على الأرض و فتحت عيونها وهي تشوف الشخص جت تبي تصرخ  و مسك افمها بمعنا انها تسكت سكتت و قام و فتح النور و قرب و جلس لعندها وهو يتأملها كيف طاوعه قلبه يضربها
رهف وهي ماسكه رأسها و مستغربه منه:احمد وش تسوي هنا وليه ضربتني؟
احمد وهو يجلس عندها و يمسك يدينها و يبوسها:جيت علشان اسألك بوجه لوجه بس لما شفتك و شفت مافيه احد و ظلام خفت ان مافيه احد ولما دخلت من الدريشه( النافذه )شفت ظل شخص و خفت زياده و خذيت اقرب شي لي و ضربته و طلعتي انتي 
رهف وهي تضحك و ماسكه رأسها:ههههههه الأهم وش جاي تسأل له ؟
احمد وقف:شوفي أنا خايف و مو خايف 
رهف:من وش تخاف؟!
احمد تنهد تنهيده قويه و غمض عيونه وهو يسألها:انتي وافقتي على الزواج علشان تحمين نفسك من ولد نايف ولا وافقتي بإرادتك ؟
رهف وهي تناظره تشوف كيف مغمض عيونه و يتنفس بسرعة ابتسمت:الحين انت جاي تسألني ذا السؤال بس؟
احمد وهو مغمض عيونه:رهفففف بلا استعباط اخلصي انتي موافقه بإرادتك او علشان الخطه؟
رهف وهي تبي ترفع ضغطه:وش يهمك من ذا كله؟!
احمد فتح عيونه وهو شوي و ينفجر من الفضول فجاءه إلا يدق الباب
~
عند لين طلعت من الغرفه و شافت ناصر جالس على الدرج يكلم كانت تسوي نفسها ثقيل راحت من عنده بس لفت لما شافت نوف تمشي وجهها يمه لفت بعيد و تخبت و شافته وقف و حضنت نوف لف عليها بصدمه ناصر وهو مصدوم منها 
ناصر:من انتي و وش تبين وليه أصلا تحضنيني من انتي؟
نوف وهي تسوي نفسها غبيه:ااا كنت احسبك احد ثاني 
ناصر شمق لها و مشى من عندها:لاعاد تحضنين خل الله سامعه ولو عدتيها لا اقول ل ابوك 
راح و هي لفت نوف و ماشافت لين البريمر تحسبها بس شافت وهي تحضنه و ماشفته وهو معصب عليها جت تبي تروح و سحبتها لين وهي معصبه شوي و تنفجر بوجهها مسكتها و لزتها على الحيط نوف كانت متوتره مره
لين بعصبيه:وش كنتي تسوين مع ناصر 
نوف وهي تحسب ماشافته وهو يهاوشها ابتسمت:ولا شي بس هو كان يكلمني بالجوال و جيته من ورا و حظنته
لين:والله!!!!
نوف:لو ما انتي مصدقه خل اقول لك شي شوفي هو لما جيته من بعيد طفى الجوال و أنا كنت اكلم و طفيته لما حضنته صح!
لين وهي تبتسم و تمسك فك يد نوف:تحسبيني غبيه بصدقك يعني لا والله و يخسي الي يصدقك شفت كيف هاوشك ههههه الله لا يبلانا تبيعين نفسك على الناس ؟!
نوف وهي معصبه من كلامها و جت تبي تبعد:أنا ما أبيع نفسي علشان رجل سامعه و ثانياً خلي عندك كرامه تركضين له وهو مو طاق لك حس و غير كذا ما درا عنك بس انتي خطيبته و بس يامسكينه
لين وهي ترص على أسنانها و بعصبيه:الحمدلله عندي كرامه و قلتيها اني خطيبته و هو مو فاضي لي صح مو فاضي لانه يجهش لزواجنا بعد ٢ شهرين مع رهوف قلبي أنا و رهوفتي راح نتزوج بنفس اليوم عندك اعتراض و ثانياً للمعلوميه الي ما عنده كرامه فهي انتي مو أنا غلطانه شكلك ههههه الله لا يبلانا 
بعدت لين عنها وهي تضربها كف:وذا علشان ما تعودين تقربين ل ناصر ولا اقول خطيبيييييي
بعدت لين وهي تمشي و هي تضحك و تبتسم و بنفس الوقت منقهره 
~
بالغرفه عند ريم دخل بهاج وهو خايف فتح الباب وشافها بكامل زينتها 
كانت لابسه فستان احمر و مخصر و كعب اسود جلس يتأملها و هو يقول بقلبه:كيف هي زوته و حبيبة قلبه و راح تصير ام ولده 
ريم وهي تقاطع تفكيره:بهاج بهوجيييي بوبيييي
بهاج لف لها وهو يضحك:ههههه هيبتي راحت وش الي بوبييي و بهوجييي؟
ريم وهي تبتسم:خلك ذا كله غمض عيونك عندي مفاجأة 
بهاج:اغمض و وش ذي المفاجأة؟
ريم:مالك دخل وش هي بس غمض 
غمض بهاج وقفت ريم و تمسكت به و حطت يدها على كتف بهاج وهي تبتسم باسته مع خده فتح بهاج عيونه بصدمه وهو منصدم شافها قدامه واقفه و متمسكه فيه علشان تتوازن انصدم جلس يغمض وهو يبكي:ذا حلم او واقع ياريم 
ريم وهي تبتسم:لا مو حلم رجعت ريم البهاج تمشي 
بهاج حضنها وهو يرفعها و يفر فيها و يضحك نزلها وهو يبي يروح يبشر الكل بس مسكته ريم وهي تضحك:لا لا وقف لا تقول لهم إنبي ننزل تحت يد بيد و الكل يشوف بعيونه 
بهاج فهمها انها تبي تقهر الي عمل فيها كذا و هو مو متاكد من هو بس ابتسم لها بمعنى تمام 
~
عند رهف انفتح الباب و يقز احمد و يروح ورا الستاره و رهف ميته ضحك و تحاول ما تضحك دخلت نوره وهي تضحك لفت على رهف و شافتها ماسكه رأسها:رهوففف وش صاير براسك؟
رهف:اااا ولا وش بس دخت و طحت على الأرض لاني ماكليت شي من الصبح
نوره:وشششش لا كذا لا لازم تأكلين بروح اجيب لك و أجي
رهف حركة رأسها بمعنى تمام و راحت و طلع احمد وهو يضحك على رهف و على كذبتها جلس عندها:وش ذي الكذبه طلعتي شاطره بالكذب 
رهف:الله يلعنك الحين تجيب كل نص الأكل من يبي يأكله كله!!!
احمد مات ضحك و طاح على الأرض يضحك:هههههههه جيبي لي نصه
رهف ضربته:احمددددد بلا استهبال والحين اطلع خلاص رح الحين ترجع نوره 
احمد عدل جلسته و هو يضحك:طيب طيب بروح بس لا تضربين بس اول شي جاوبيني تزوجتيني علشان الشرط او برضاك؟
رهف ضحك وهي ما تبي تجاوب عليها علشان تستفزه زياده:رح رح بعدين أجاوبك 
احمد:رهففف جاوبي اخلصي علي ولا مراح تصير الخطبه و كتب الكتاب 
رهف:امزح امزح أنا موافقه برضاي 
احمد:يعنيييييييي ت.....
ماكمل كلامه إلا يفتح الباب و ينقز احمد مع الدريشه( النافذه )و رهف تضحك عليه دخلت لين وهي تشوف راس رهف:وش بلا رأسك؟
رهف جت تبي تتكلم و تكلمة نوره:دايخه ماهي مأكله من الصبح من التوتر و جيت معي اكل لها 
رهف تورطت زياده وهي تشوف صحن ورق العنب و سندويشه و عصير
خذت رهف الأكل و طلع الكل و نزلو تحت و الكل مجتمع من ابو ريم و ابو بهاج و ابو ناصر و ام بهاج و ام ناصر و ام احمد و لين و نوره و الهنوف و نوف و دلال و ريما و فهد الكل كان مجتمع و يضحكون لفت نوره على لين:لين وين ريم لأيكون ماتقدر تنزل؟
لين وهي تضرب جبينها:اخخخخ نسيتها
جت تبي تمشي لين إلا ينزلون بهاج و ريم مع الدرج ر كانت ريم ماسكه يد بهاج و بطنها قدامها كان الكل يناظرها انصدمووو الكل من و خصوصاً الهنوف و نوف كان يطلع من عيونهن شرار و لهب و شوي و يجلسن يصحن نزلو بهاج و ريم و الكل صار يتحمد لـ ريم و فرحانين لها و صارت الفرحه فرحتين 
ابو بهاج وهو حاضنها و يبكي كانت تموته أقوى منه:بنتي بنتي اخيرا شفتك تمشين مثل قبل و احلى كمان 
ريم بكت مع ابوها و بعدت عنه وهي تبوس يده و رأسه وهي تحاول تبتسم لفت عيونها ل نوره و لين الي كانن جايات من بعيد يركضن قفزن على ريم و حضننها وهن يضحك و يبكن 
لين:ريمممميييي رجعتي تمشين مثل قبل و اجمل الله 
نوره:وخري عنها لا تذبحين ولد اختي بعد وهههه كيوت راح تلعبين معه 
لين وهي تتخصر:لا والله صار ولد أختك اجل أنا ولد اختي و ولد اخوي يعني من الجهتين اقرب 
نوره فتحت عيونها بصدمه:على الأقل مو عمه تستس 
لفت لين:يعني انا تستس؟؟؟
ريم وهي تضحك:بروح فوق أشوف نوره و انتن خلنكن على العمه و الخاله 
راحت ريم و نوره ولين يتهاوشن على اغبى الاشياء 
~
بغرفة رهف كانت جالسه تتضبط و تحاول تطلع احلى وحده لان هي الحين مروقه مرهههه و مافيه احد اسعد منها وقفت وهي تشوف الي يفتح الباب شافت ريم واقفه على رجلينها انصدمت وهي تغمض و تفتح عيونها مصدومه ريم الي ضحكت على ردت فعلها:ههههه ياغبيه ذي أنا ريم مو جني وش فيس ؟
رهف وقفت وهي تتلمس اختها و تشوف إذا صدق اول لا:لو صدق اقرصيني 
قرصتها ريم وهي تضحك صرخت رهف وهي تبكي:يعنييي مو حلم يعني صرتي تمشين!!!
ريم وهي تحاول تمسك دموعها لان بكت بما فيه الكفايه:ايه رجعت و برقص بكتب كتابك هههههههه 
رهف حضنتها وهي تبكي و تشاهق:احلى من يرقص ارقصي ارقصي ياخت رهف ارقصي يابنت عبدالله جعل محد يرقص غيرك 
ضحكت ريم على كلام اختها و تشجيعها و مسكت يد اختها لما نادوهن لـ بدء كتب الكتاب و جاء الشيخ راحو الرجال لقسمهم و نزلت ريم و رهف مع بعض صار الكل يزقرت و الي يصارخ
~
عند الرجال جلس الشيخ و من يمينه ابو ريم و من يساره احمد وصار يقول الشيخ و هم يكررون و وقعو على كتب الكتاب بارك لهم الشيخ و قال:يابو ريم عط بنت و خلها توقع 
راح لها وشافها واقفه و معها ريم ابتسم لا شعوريا و وقعت و هي مسويه نفسها تستحي و راح الشيخ 
ابو ريم:الحين الشوفه روح اجلس بالمجلس و حنا راح نجيبها 
راح و دخلت عليه كانت رهف مرتبكه لفت وهي تشوفه قدامها وقف وهو يسلم عليها دخل بهاج وهو يضحك:هههههه اسمع معك ٥ دقايق بس 
احمد:وش دخلك انت؟؟؟
بهاج:زوج اختها 
راح بهاج و هو يضحك جلست رهف وهي كلها حيا منه مسك يدها و صارت ترجف كل جسمها حس برجفتها و باس يدها صارت ترجف أقوى:وش فيس يانور عيني خايفه؟
رهف كانت ساكته و منزله رأسها احمد وهو يبي يلطف الجو:ايه ترا جبتي B باختبارك يعني تبين تحملين الماده اخسس طلعتي مو ذكيه غير بمسك العصابات؟!
رهف رفعت رأسها وهي تطالع فيه:هاااا وش جبت كم وربي اني ذاكرت عدل بس انت خبيث اكيد سويت شي بالدرجات 
ضحك احمد عليها وهو ينفتح الباب و يطلع بهاج راسه:ياولد وش ذي الضحكه الي الكل سمعها الحين يجيك عمي و يذبحك
لف على رهف وشافها منزله رأسها وهي تضحك:ولا تضحين بعد اطلعو اطلعو خلصت المهله 
احمد:ياخي انت ملقوف شي وش دخلك بزوج و زوجته؟
بهاج:أنا الي بنشب لكم 
طلع سالم رأسه من تحت بهاج وهو يضحك:بنتنا جابت رأسك يادكتور وانا بنشب لك بنت عمي و مكيفي 
احمد نزل نعلته(شوزه او الي تسمونه بلهجتكم😭) وخذاها قرطها عليهم و سكرو الباب فتحو إلا يطلع بوجههم و يضربهم بالنعول:انتم وش تبون مني خلاص ياناس كل واحد يروح لزوجته 
سالم وهو يميل شفايفه يسوي نفسه زعلان:للأسف زوجتي المستقبليه لحتى الآن ماشرفت
بهاج لف عليه:افاااا عندي لك وحده تمشي حالك ونفس جوك
سالم:منننن؟؟؟
احمد بعصبيه وهو يبي يضربهم:تقلعو عنييي بشوف زوجتي وانت وهو تفكرون بزوجه له 
سكر الباب من وراهم فتح الباب بهاج وهو يضحك:وش فيك نفسيه انت؟
احمد ضرب الباب بوجه بهاج:انقلعععع لا اجي العن خيرك تذلف 
بهاج من ورا الباب:راح اعد لك لين عشره سأتطلع يـ ابوي راح يجيك 
احمد جلس وهو يبي يسولف مع رهف إلا يدخل ابو ريم و وراه بهاج وسالم يضحكون:يادكتورنا احمد خلصت الشوفه تفضل 
ضحكو بهاج و سالم لف عليهم ابو بهاج:اسكت انت وهو وش تضحكون عليه عيب عليكم يالله برا لا اجلدكم بالعقال 
طلعو و احمد يلعن بهاج و سالم و يتوعد بهم،اما رهف طلعت للبنات و هي ميته ضحك 
لين:وش صار قولي لنا
ريم وهي تسحب رهف:بعدين تقول لك الحين وقت الردح نبي نردح لين نتعب 
نوره:يالله وش تبون اشغل لكم؟؟
رهف وهي تطالع ريم وضحكن مع بعض،لفت عليهن لين:وش تخططن له؟
رهف:ريم افضل وحده تدبك و مدامها رجعت تمشي خل ندبك 
نوره صرخت:لاااا والف لاااا ريم حامل ياغبيه 
رهف:اففف ياقاتلة المتعه انتي 
ريم وهي تضحك:بجلس و اصفق لكن بس انتن ولعن الجو و بعرسك ان شاءالله ارقص 
رهف:وعد!!!
ريم:وعد اخت لـ اختها 
شغلت الاغنيه و صارن صف واحد باليمين رهف و باليسار نوره وبالوسط لين و الكل يصفق لهن و يلعبن على الموسيقى بدت الاغنيه 
-
دبـكـه ودبـيـكـه وطـبـال،ومـجـوز غـنـى الـقـرادي
خـتـيـار يـرنـدح مـوال،يـردو خـلـفـو الـردادي
-
ضربت نوره بكعبها بالأرض ومعها السبحه وتلوح فيها وهي ترفع صوتها:الـردادي الـرداديييي
جلست وهو يدبكن و ياقفن و يجلسن و يغنن مع الاغنيه و يضربن بـ كعبهن كانت نوره تعرف تدبك و اكثر وحده اتقنت الدبكه صارت تغني معها وهي تقول:استعدن 
أسرعت وهي تدبك بكل قوتها و تحط يدها ورا ظهرها و تجلس وتاقف مع الحان الاغنيه كانت نوره افضل وحده فيهن 
-
غـنـيـلـي عـلـى دلـعـونـه،مـنـك مـحـلـى الـمـيـجـونـا 
غـزالـه ضـحـكـت عـيـونـه،ولـمـا غـنـيـنـا الـيـادي
عـل الـيـادي وعـل يـادي،نـزلـت ع الـدبـكـه خـزامـي
-
اسرعن البنات وهن يدبكن بكل حماس و يغنن مع الاغنيه الكل كان منبهر من ديك نوره و كيف كانت تعرف تدبك بالكعب و كانت تضرب بالكعب بكل حماس و تغني و تاقف و تجلس و السبحه بيدها الكل كان منبهر 
-
تـتــمـايـل مـثـل الـيـمـامـه،عـلـواه تـمـسـك قـدامـي 
تـحـلـى هـالـدبـكـى زيـاده،بـزيـادي بـزيـادي 
-
وقفت الاغنيه و جلست نوره مكانها وهي تعبانه بس للحين صامله تبي تردح و تبي ترقص للحين ما تعبت للحين فيها طاقه و نشاط شربت ماء و مسكت شعرها بشباصه علشان ماتت حر لفت إلا تشتغل أغنيه و تاقف رهف بالوسط وترقص على الاغنيه 
-
مـرت مـن الـغـيـد الـفـوارق وحـدة،مـاهـيـب بـمـثـل الـعـالـم الـمـراره
هـذي حـريـقـه جـاهـزه مـا بـاقـي،مـا بـاقـي الا تـشـتـعـل شـراره
-
كانت واقفه رهف بين الكل و تتمايل باكتافها و تغني مع الاغنيه كانت تناظر نوف و الهنوف و ترقص و تتمايل بجسمها تبي بس ترفع ضغطهن دخلت معها لين وهي تتمايل معها و يرقصن على أنغام الاغنيه و كلهن حماس،وقفت نوره الاغنيه وهي تشغل لهن أغنيه [ جت بنت الشيخ ] وقفن لين و رهف لقن إلا نوره جايتهم تركض وهي تصرخ:يالله يالله الردح الردح بدينا 
بدأت تشتغل الاغنيه و اشتغلت و بدت بكلماتها الحماسيه الي الكل ماقدر يقاومها و يقاوم جمال البنات وهن يرقصن كانت اجمل اللحظات 
-
جـت بـنـت الـشـيـخ يـلا وقـفـن،الامـيـره عـن نـحـاهـا جـنـبـن 
الـعـذاره مـن حـلاهـا ولـعـن،كـل مـنـهـن تـسـأل الـلـّٰـه الـثـبـات
-
عند الرجال خصوصاً بهاج و سالم الي خططو يرقصون سامري وبالفعل شغلو الاغنيه و بدو يرقصون و كان بهاج و سالم ماهرين فيها بحكم أنهم من حايل ( يابعد حيي ياحايل🥹 ) 
-
يـابـعـد حـيـي و الاجـدادي،ارحـم الـلـي صـابـتـه عـلّـه 
إرحـم الـلـي صـابـتـه عـلّـه،وإن ذبـحـنـي يـاعـوض عـادي
-
عند البنات وقفن الاغنيه وهن يطلعن يشفن العيال كيف يرقصون سامري كاننن مغرمات بأشكالهم كأنو صفين و بالوسط يرقصون سالم و بهاج 
نوره:اخخخخ لين ماتبين تعطيني اخوك شله قلبي التبن 
لين:وش قلتي نوره؟
نوره:هاااا ماقلت شي ماقلت شي قلت يجننوننن و رقصهم حلو ماشاءالله 
لين:افاااا عليك ذولي اخواني سندي بعد ابوي الله يطول بعمرهم 
نوره وهي تهمس:ماتبين تعطيني واحد منهم اخخخخ 
رجعن لمكانهن وهم تعبن صدق
بعد ماخلصو الكل نام و البنات نامن من التعب كانن صدق تعبانات
رجع الكل لغرفهم و الي نام والي لحد الآن صاحي 
~
بغرفة ريم البهاج٫كانت تأخذ دش سريع و طلعت وهي تمسح مكياجها و هي تعبانه جلست على نص السرير وهي تنتظر بهاج٫طلع بهاج و جلس عندها وهو تعبان انسدح وهو يقول:تجهزي بكرا راح نروح ل الدكتوره نشوف وضعك 
لفت ريم وهي مستغربه:تمام ان شاءالله 
أيام بهاج برضى يمد يده لها٫لفت له ريم و راحت انسدحت على يده وهي مبتسمه٫احتضنها و وهو شوي و يدخلها داخل قلبه وده يسكر عليها علشان محد يـ أذيها٫دخلو بنومه وهم كلهم فرح و سعاده كان اليوم سعيد للجميع 
~
الصبح الكل كان سعيد و فرحان و الي مبسوط و على سفرة الفطور الرجال لهم فطورهم و الحريم لهن فطورهن٫دخل عليهم نايف وهو مع الشيخ و معه ولده سيف دخل معه كان مايبي ذا الزواج٫لقو الرجال عليه وقف ابو بهاج وهو يرفع عكازته:مالك شي عندنا يـ نايف و اطلع من بيتي 
ضحك نايف وهو يقول:مالي شي عندكم و البنت الي عطيتوني ياها هاذا أنا جبت الشيخ لكم و غصبن عنكم تعطوني ياها ي سعود
ابو بهاج:بنت و مافيه بس اسمع عدل البنت الي تبيها كتبنا البارح كتابها يعني أنسى ان عندنا لك بنت و تفضل اطلع 
~
بعد عنهم سيف وهو يتمشى بالحديقه لفت انتباهه البنت الي تسولف بالجوال و تضحك جلس يتأملها اعجب فيها و لفتت انتباهه٫نوف من بعيد:الهنوف يـ الهنوف وين رحتييي هنوفييي بنت 
ابتسم وهو يقول بقلبه:اسمها الهنوف اجل 
جلس يفكر كيف راح ياخذها٫جت نوف من بعيد وهي تجلس بجنبها:وش فيس معصبه و لا تردين علي!
الهنوف:شفتي كيف رجعت تمشي شفتي ولا لا و كنا نبي نتخلص من اختها و كتب كتابها على احمد و هي رجعت تمشي وش الحل معهم كل خططنا راحت على فاضي 
نوف وهي تتذكر كلام لين:انتي طنشيهم خلاص انسيهم يابنت وربي ما عندنا كرامه حنا!٫من الحين اقول لك مالي دخل فيك خلاص يابنت انسي عيشي حياتك الرجال يبي يجيه ولد وأنتي للحين صامله؟؟
الهنوف وهي تدفشها على الأرض:صرتي معهم يالخاينه من لعب براسك انتي هاااا!!!
نوف وهي تقوم بعصبيه:محد لعب براسي بس خلاص فهمت كل شي أنا و عرفت أننا نسوي كل ذا على الفاضي ترا راح يجيك يوم و تدور عليك الدنيا يالهنوف وقولي ماقلتها نوف
الهنوف وهي تمسك شعر نوف:اسمعي عدل لو تقولين شي لـ احد ياويلك سامعه لا تبكين د...م سامعه!!
نوف وهي تبعدها عنها:أنا غبيه هاااا؟؟٫تبيني اقول لهم صاحيه انتي شي؟٫لو بقول لهم أنا بروح معك بداهيه فهمتي ياذكيه ولا لا!!!
راحت وهي تعدل شعرها و تتوعد فيها٫جلست الخوف وهي معصبه بعد كم دقيقه دخلت٫كان يسمع كل شي و الحوار الي بينهن أنصدم منهن و كيف كل ذا سونه بكم شهر بس ابتسم وهو يقول:حبيت شريره و ذكيه 
~
عند البنات كانن يسولفن و يضحكن و سمعن صوت صراخ 
وقفت ام بهاج وهي تعرف السبب:لاحد يقوم الكل يقعد 
ريم:خالتي وش الي نقعد الرجال صوتهم طالع فيه مضاربه 
ام رهف:اجلسي يابنتي ذا نايف تلقينه جاي
ريم جلست وهي مصدومه من برودهم 
~
بعد مرور ثلاث اشهر و بالضبط عرس الحلوينننن 
رهف&احمد 
لين&ناصر 
~
بالمشغل الكل يتجهز و يرقصن عبت الفرحه المكان و صار صراخ و رقص الكل كان فرحان،اما عند العيال كان نفس الشيء فرحه و رقص كان اجمل يوم في حياتهم،وصل بهاج و هو يركب الحريم القاعه حقت العرس كان معه ريم و نوره و ام بهاج و ام رهف و ام نوره و باقي البنات من الهنوف و شلتها،اما ريما كانت حامل بعد ريم بثلاث اشهر يعني ريم آخر شهر لها ذا و ريما باقي لها ثلاث اشهر كانت تعبانه مره ركبت مع فهد،وصلو القاعه و الكل نزل دخلو الحريم و الرجال دخلو 
قرب فهد من ريما و هو يحضنها و يحصنها و يبوس رأسها:انتبهي لنفسك ياعيوني 
ابتسم ريما و دخلت وهي تعبانه جلست و بدأ يجون الضيوف واحد ورا الواحد،اما عند عرساننا كانن عروساتنا متوترات و ينتظرن بس الزفه 
بدأ العرس و بدأ الرقص وبعد مده بدأت الزفه تغطو الحريم و دخلو الرجال اول شي و وقفو بنص القاعه فجأه بدأت الاغنيه تشتغل وهي تقول 
~
كـان يـا مـاكـان لـيـلـة،مـن لـيـالـي الـف لـيـلـة
قـصـة عـن قـلـب عـاشـق،ذاب فـي عـيـن كـحـيـلـه 
حـبـهـا و هـدا لـه رمـز الـغـلا حـبـه و شـوقـه 
و بـتـدت يـا لـسـامـعـيـن حـكـايـة الـحـب الـجـمـيـلـة 
قـصـة الـعـاشـقـيـن احـمـد و نـاصـر الـي تـولـع 
بـالـقـمـر حـب قـلـوبـهـم رهـف و لـيـن و اهـدى لـهـا كـل 
مـنـهـم كـل الـعـمـر 
~
ريم و نوره صارت يبكن،نزلن لين و رهف مع الدرج مع الاغنيه و كان من يسار لين ابوها و من يمين رهف ابوها و كانن هن بالوسط،نزلن و كل من احمد و ناصر مسك يد حبيبته و حبيبة قلبه،نزلو و صارت مده الي يرقص والي يلعب و الي يسولف قبل يروحون المعازيم،ركب احمد سيارته و سيارة أحلام رهف رنج روفر،اما ناصر أخذ لين جي كلاس كانت حلم من أحلام لين و تحققت،بده تفضى القاعه الي راح لبيته،
راحو عايلة السعود ل البيت اجتمعن نوره و ريم لبدا الحش مثل كل مره ولاكن معهن ذي المره ريما،اما الرجال نامو،عند البنات جلست ريم وهي تتكلم:شفتو الهنوف التبن كيف تطالع لنا يعععع 
ريما:اففف ما عندكم سوالف غيرها ما احبها يععع 
نوره:ههههه محد يحبها أصلا الي يحبها مريض مثلها 
ريم كانت تبي تتكلم بس فجاءه صرخت صرخه كلت الكل يصحى 
ريما:وش فيسسس ريم وش بلاسسس؟؟؟
ريم وهي تبكي و تصارخ:بولدددددد ريما بولددددد 
نوره:وشششش مو وقتك يا بزر اهجد بكرا تعال 
ريم:نورهههه ياتبنننن لا أصفقك كففففف دقي على بهاج مو وقتك 
دخل بهاج وهو يصرخ:وش فيههههه؟؟؟
ريما:تولد تبي تولد 
بهاج:وششششش!!!!
سالم:ياليللل بهاج قل لولدك مو وقته الحين نبي ننام بعد الكرف 
بهاج وهو يضرب سالم:انقلع شغل السياره انقلععععع 
شافها بهاج و راح ركض فيها،ركبو السياره و نوره دقت على رهف و ريما على لين
~
عند معاريسنا احمد&رهف 
كأنو جالسين يتعشون و يسولفون بحكم ان رهف علطول تطق ميانه و ما تستحي،اما احمد كان بس مستمع ل نقدها و ضحكها و كل  شي فيها كان يحبها صدق من كل قلبه فجاءه دق الجوال،رفعت الجوال نوره وهي ترد:هلا نوره اشتقتو لي بذي السرعه!
نوره:والله ما اشتقنا بس أختك تولددد
رهف:وششش ما جاء إلا بذا الوقت !
نوره:والله قلت لهم بس ما يفهمون 
رهف:ههههههههه عارفه انك غبيه مثلي ياخي احبك 
نوره:هههههههههه حتى أنا بس تعالي بسرعه 
رهف:يالله يالله جايين 
سكرت المكالمه وهي تلف على احمد:اللبس بسرعه 
احمد وهو يشوفها تلبس عبايتها:ليه!!
رهف:اختي تولد راح أصير خاله اسرععععع 
ركبو السياره وهم بيدي بعض
~
عند ناصر&لين 
كأنو نفس وضع رهف و احمد بس العكس  ناصر الي يسولف و لين مستحيه منه و دقت ريما:لينننن الووووو 
لين:هلااا وش تبين!
ريما:راح تصيرين عمه
لين:مو شي جديد 
ريما:ياغبيه ريم تولد والحين هي بغرفة الولاده 
لين:وشششش متى صار كل ذا؟
ريما:صار قبل سنه بالا مزح يالين 
لين:يالله يالله جايين 
ركبو سيارتهم و مشو 
~
بالمستشفى و خصوصاً غرفة الولادة 
دخلو ريم الغرفه و الكل كان ينتظر و بهاج يفتر يمين و يسار 
سالم:ياخي اجلس تعبتني معك و أنا مالي شغل 
بهاج:ياخي مالك دخلللل 
صار يمشي يمين و يسار يمين و يسار 
وصلو رهف و احمد و لين و ناصر و جلسو معهم ينتظرون طلع الدكتور:الحمدلله تمت الولاده والف مبروك ي ابو ألمها 
صارو يباركون ل بهاج و الي يناديه ابو المها و بهاج 
دخل بهاج اول واحد و بعده العيله ابتسم بهاج لما شاف البنت الصغيره الي بحضن حبيبة قلبه باسها وهو يضحك 
ريم:يابو المها الف مبروك 
بهاج:الله يبارك فيك يام المها 
ضحكو الكل وصار يباركون ل ريم و يتحمدون لها 
~
بعد مرور ثلاث سنين على كل ذي الأحداث كان الكل سعيد و بي السعود ملاين أطفال و احفاد و الي يلعب و الي يضحك
~
قصة رهف و احمد 
الوحيدين الي ماعانو لحبهم بل كأنو يعشقون بعض بس يكابرون و الحين هم بأسعد حياتهم و نعيم عندهم توأم [ رفيف و ريف ] 
عاشو حياة سعيده صح رهف اخطئت كثير بس مع ذا ندمة و حاولت تصلح أغلاطها ف الإنسان يغلط و مافيه احد ما يغلط كلنا نغلط بس كلنا نحاول نعدل من أغلاطنا 
~
لين و ناصر 
الوحيدين الي حبو بعض من اول نظره الوحيدين الي ما تفرقو علشان أسباب و الحين لين عندها طفل [ عبدالله ] حبيب الكل و الكل يحبه لانه سمي الغالي الوحيده الي شافت موت ام ريم مع ذا الكل صار ضدها إلا ناصر وقف معها و اكيد صديقاتها ما تركنها 
~
نوره و سالم 
ذولي حاله خاصه صح يعاندون بعض بس ما ننكر أنهم يحبون بعض اكثر من كل شي بس كل واحد يكابر بس حبهم أقوى من كل شي و الحين سالم و نوره مخطوبين لبعض و قصتهم مراح تنتهي 
~
ريما و فهد 
ذولي حبهم قوي و مستحيل يتكون بعض ذولي الكوبل الوحيد الي حبو بعض من كأنو صغار و ما ننكر ان فهد أقوى و افضل شخصيه بالروايه الوحيد لما حبها و شافها كبرت راح و خطبها والحين عندهم ثلاث عيال [ اول ولد وهو جاسر - و التوأم الريم و شوق ] 
~
الهنوف و نوف 
ذولي نجو صح نجو بس شافو أغلاطهم بس الهنوف نفسها و مراح تتغير غيرتها من الناس و تبي كل شي هي افضل فيه و كل ذا الي صار فيها و مع كل محاولاتها بس آخر شي صارت هي الي ماتمشي و عرفت ان الدينا دواره،اما نوف ف عرفت غلطها و اعتذرت من العيله و الكل عرف و تزوجة و جابت بنوته تجننن و سمتها [ خلود ]
~
ريم و بهاج 
الكوبل الوحيد الي عانو و تعبو صح كانت بدايتهم قاسيه بس نهايتهم اسعد نهايه صح بهاج غلط بس عرف بعدين قيمت ريم و عرف وش كثر يحبها ولا ننكر انها عبها و عشقها و صارت عيونه و دنيته و كل شيء بحياته،اما ريم الي حبته من كانت صغيره كانت تحب كل شي فيه و تعشقه صح كان يعاملها بكره بس هي غيرته من شخص ثاني تماما و صار يحبها و الحين عندهم بنوته مثل القمر [ المها ] 
~
الآن اقدر اقول لكم وداعنا فراشاتي الحين نقدر نقول احد البحار ودعناها و نركب سفينتنا ل بحار أخرى تتسألون وش ذي البحار صح!
اقدر اقول لكم ذي بحاري و أنا راح أودع احد بحاري الحين 
يناس صعب الوداع وربي صعب 😞 
بس ي فراشاتي لنا لقاء ثاني ايه نعم لنا لقاء ثاني و روايه جديده و بحار جديده 🌊
اي احد أخذ مني موقف او اي تصرف أتمنى تسامحني 
اي احد ينتقد عادي انتقد لان اقدر اقول لك ما انت هامني تتكلم تكلم 
مكيفك و رأيكم كلكم يهمني 🩷
بالنهاية اقول لكم أنا احبكم مو بس احبكم إلا أعشقكم يافراشاتي احبكم و احب كلامكم لي اعشقكمممم🥹🩷
الليالي موحشه والفكر متشتت وتايه 
‏انتهت كل الحلول وعزلتي مخرج طواري
‏والله إني مرهق ومتعب بما فيه الكفايه   
‏بس أقاوم قسوة الأيام من خوف إنكساري
‏الرضى والصبر واجب والفرج مطلب وغايه
‏والأمل يحتاج عقلً مولي وقلب إنتحاري
كاتبتكم:عزيزه🇸🇦⚔️
النهايه 🌊🌊🌊