KABANATA 16: ANG PAGHAHANAP SA ESPADA NG KAGITINGAN

                                    

                                          
LA PAZ, MEXICO --- Sa isang resthouse ni Ella sa dalampasigan ng La Paz, Baja California Sur pansamantalang nagtatago sina Marina, Aria, Chabelita at Elias sa banta na mapapahamak sila ng kanilang kauri kapag malaman nila ang tunay nila na pagkatao. Kasama rin sina Kiana, Lena, Kristoff at Eric upang pag-usapan nila ang susunod na hakbang sa kanilang mga karera at pati na sa paghihiganti ni Urseus.
"Dito muna tayong manatili sa aking resthouse. Safe kayo dito guys, walang katao-tao at mahigpit ang security dito" wika ni Ella.
"Maraming salamat Ella sa inyong pagkupkop sa amin", pasasalamat ni Marina sa kanya.
"You're welcome Queen Marina, kami ang bahala sa inyo", tugon ng dalaga sa reyna.
"Aria, what are you gonna do now? Kailangan maglantad ka na sa mga followers mo publicly and release an official statement na ikaw ay nakaligtas na sa mga kidnappers", tanong ni Kiana.
"Mukhang seryoso ang pinag-uusapan nina Kiana, mangyaring libutin muna natin ang dalampasigang ito Elias. Dito rin ako napadpad noong una akong nakatapak sa daigdig na ito", wika ni Chabelita.
"Kailangan natin alamin ang daan kung paanong makabalik sa Pacifica. Dito rin sa sa teritoryong ito ako unang napadpad sa daigdig ito matapos kong tumakas", tugon ni Elias sa dalaga. 
Habang naghahanda sa live conference si Aria sa kanyang mga followers, sinundan nina Kristoff, Eric at Marina sina Chabelita sa pagkakataong mahanap na nila ang daan pabalik sa Pacifica. Sa may kanang banda ay nakita nila si Valeriana. 
"Valeriana, naparito ka. Anong ginagawa mo dito?", tanong ni Marina.
"Mabuti at nakita ko kayo Marina, Elias at Chabelita. Kailangan niyo akong tulungan", giit ni Valeriana.
"Ano ang ibig niyong sabihin Valeriana?", tanong ni Chabelita.
"Nakapiit na sina Ilura at Alondra sa bartolina ni Urseus. Pati ang mga prinsesa ng Euprica ay nadamay rin", wika ni Valeriana.
"Ano! Sumugod sina Anatalia at Katerina kay Urseus. Napahamak sila sa kanilang ginawa" reaksyon ni Marina.
"Kilala mo sila Marina?", tanong ni Elias sa reyna.
"Mga kaibigan ko sila sa kabilang daigdig. Kaya pala sila sumugod upang mabigyan ng katarungan ang pagkamatay ng kanilang prinsipe at naging bihag din ni Urseus ang kanilang kataas-taasang hari", tugon ni Marina sa binata.
"Wala nang kasing sama si Urseus. Pati sina Aquatta at Octavia ay nadamay rin", galit na wika ni Chabelita.
"Ngunit ibinilin sa amin ni Athena na kailangan namin mahanap ang espada ng kagitingan sa kagubatan ng Edena. Ito ang magiging paraan para humina ang kapangyarihan ni Urseus", wika ni Marina kay Valeriana.
"May paparating na isang kimaros sa harapan niyo. Tutulungan kayo ni Aris para mahanap ninyo ang espada ng kagitingan" tugon ni Valeriana sa reyna.
Biglang dumilim ang kalangitan sabay ng paglakas ng hangin at alon nang ilang saglit at nakarating na si Aris sakay ang kanyang kimaros, isang lumilipad na nilalang na kasing hitsura ng leon. Nabigla sina Eric at Kristoff sa pagdating ni Aris sa resthouse ni Ella.
"Pre, kakaibang nilalang ito. Sino itong binata na nakasakay sa lumilipad na leon?", tanong ni Kristoff kay Eric.
"May tindig ang lalaking ito. Mukhang makapangyarihan kagaya ni Marina", tugon ni Eric sa kanyang kaibigan.
Nakalapag na ang kimaros sa dalampasigan kung saan nakasakay si Aris at nagtanong na siya kung sino ang naghahanap sa espada ng kagitingan.
"Ako ba ang hinahanap niyo?", tanong ni Aris sa kanila.